ପର୍ଯ୍ୟଟନସ୍ଥଳୀରେ ଲାଭା ଉଦଗୀରଣ, ୫ ଜଣଙ୍କ ମୃତ୍ୟୁ

ନ୍ୟୁଜିଲାଣ୍ଡ : ଦେଶର ଏକ ପ୍ରମୁଖ ପର୍ଯ୍ୟଟନସ୍ଥଳୀ ହ୍ୱାଇଟ୍ ଆଇସଲାଣ୍ଡରେ ଆଜି ଲାଭା ଉଦଗୀରଣ ହୋଇଛି । ୫୦ରୁ ଅଧିକ ପର୍ଯ୍ୟଟକ ସେଠାରେ ଉପସ୍ଥିତ ଥିବା ବେଳେ, ହଠାତ୍ ଲାଭା ଉଦଗୀରଣ ହୋଇଥିଲା । ଏଥିରେ ୫ ଜଣଙ୍କର ମୃତ୍ୟୁ ହୋଇଛି । ୧୫ରୁ ଅଧିକ ଲୋକ ନିଖୋଜ ଅଛନ୍ତି  । ସେମାନଙ୍କୁ ଉଦ୍ଧାର କରିବା କଷ୍ଟକର ବୋଲି ପୋଲିସ କହିଛି ।

ନ୍ୟୁଜିଲାଣ୍ଡର ହ୍ୱାଇଟ୍ ଆଇସଲ୍ୟାଣ୍ଡ ଅତ୍ୟନ୍ତ ବିପଦପୂର୍ଣ୍ଣ । ଉତ୍ତପ୍ତ ଅଞ୍ଚଳଭାବେ ମଧ୍ୟ ଜଣାଶୁଣା । ୨୦୦୧ରେ ସେଠାରେ ଶେଷଥର ପାଇଁ ଲାଭା ଉଦଗୀରଣ ହୋଇଥିଲା । ଲାଭା ଉଦଗୀରଣ କାରଣରୁ ପର୍ଯ୍ୟଟକଙ୍କ ମୃତ୍ୟୁ ହେବା ଏହା ପ୍ରଥମ ଘଟଣା ।