ଏବେ ସମସ୍ତେ କରିପାରିବେ ଟେଷ୍ଟ, ଶସ୍ତା ହୋଇଗଲା କରୋନା କିଟ୍…!
1 min read
ନୂଆଦିଲ୍ଲୀି: ସାରା ବିଶ୍ୱ ସମେତ ଦେଶରେ କରୋନା ସଂକ୍ରମଣ ହୁ ହୁ ହୋଇ ବଢ଼ିବାରେ ଲାଗିଛି । ପ୍ରତ୍ୟକ ଦିନ ଦେଶରେ ହଜାର ହଜାର ସଂଖ୍ୟାରେ ଆକ୍ରାନ୍ତ ଚିହ୍ନଟ ହେଉଛନ୍ତି । ତେବେ ଯେତେ ଅଧିକ ପରୀକ୍ଷା କରାଯାଉଛି ସେତେ ଅଧିକ ଆକ୍ରାନ୍ତ ଚିହ୍ନଟ ହେଉଛନ୍ତି । ଆଉ କିଛି ସ୍ଥାନରେ ପରୀକ୍ଷା ହୋଇପାରୁନଥିବାରୁ ଲୋକ ଆକ୍ରାନ୍ତ ହୋଇଥିଲେ ମଧ୍ୟ ଜଣାପଡ଼ୁନାହିଁ । ଫଳରେ ଅଜାଣତରେ ସଂକ୍ରମଣ ବଢ଼ିଯାଉଛି । ଯାହାକି ସାଧାରଣ ଲୋକଙ୍କ ପାଇଁ ବିପଦ ବଢ଼ୁଛି । ଏଭଳି ପରିସ୍ଥିତିରେ ଦିଲ୍ଲୀ ଆଇଆଇଟଇର ଜଣେ ଛାତ୍ର ପ୍ରସ୍ତୁତ କରିଛନ୍ତି ସବୁଠାରୁ ଶସ୍ତା କରୋନା କିଟ୍ । ଯାହା ଦ୍ୱାରା ସମସ୍ତେ ଅଳ୍ପ ଖର୍ଚ୍ଚରେ ନିଜର କରୋନା ଟେଷ୍ଟ କରିପାରିବେ ।
ଦିଲ୍ଲୀ ଆଇଆଇଟିର ଏହି ଛାତ୍ରଙ୍କ ଦ୍ୱାରା ପ୍ରସ୍ତୁତ କରୋନା କିଟ୍ ବିଶ୍ୱର ସବୁଠୁ ଶସ୍ତା କରୋନା କିଟ୍ ବୋଲି କୁହାଯାଉଛି । ଏହାର ନାଁ ସେ ରଖିଛନ୍ତି, ‘କରୋନା କିଟ୍- କରୋ ସିଓର୍’ । ଏହି ଟେଷ୍ଟ କିଟ୍ର ଦାମ୍ ମାତ୍ର ୩ ହଜାର ଟଙ୍କା ଥିବାବେଳେ ଏଥିରେ ମାତ୍ର ୬୫୦ ଟଙ୍କା ଖର୍ଚ୍ଚରେ କରୋନା ପରୀକ୍ଷା କରାଯାଇପାରିବ ବୋଲି ସେ କହିଛନ୍ତି ।
RT-PCR ଭାବେ ଏହି ଟେଷ୍ଟ କିଟ୍ ଦ୍ୱାରା ପରୀକ୍ଷା କରାଯାଇପାରିବ । ତେବେ ବର୍ତ୍ତମାନ ଏହାର ପରୀକ୍ଷା ସମ୍ପୂର୍ଣ୍ଣ ହୋଇନଥିବା ସେ କହିଛନ୍ତି । ଏହି କିଟ୍କୁ ସମ୍ପୂର୍ଣ୍ଣ ପ୍ରସ୍ତୁତ କରିବା ପାଇଁ ଏହାର କିଛି ପରୀକ୍ଷା ଏବେ ବାକି ଅଛି ।
ତେବେ ଖୁବ୍ ଶୀଘ୍ର ଏହି କିଟ୍ ପ୍ରସ୍ତୁତ ହୋଇଯିବ ଏବଂ ବଜାରରେ ଉପଲବ୍ଧ ହେବାର ସମ୍ଭାବନା ରହିଛି ବୋଲି ସୂଚନା ମିଳିଛି । ଅଧିକ କରୋନା ସଂକ୍ରମିତ ହୋଇଥିବା ଅଞ୍ଚଳରେ ଏହି କିଟ୍କୁ ବ୍ୟବହାର କରିବା ସହ ଯେପରି ସମସ୍ତ ବ୍ୟକ୍ତିଙ୍କ କରୋନା ଟେଷ୍ଟ କରାଯାଇପାରିବ ସେହି ଲକ୍ଷ୍ୟରେ ଏପରି କିଟ୍ ପ୍ରସ୍ତୁତ କରାଯାଇଥିବା ସେ କହିଛନ୍ତି ।
ଏନେଇ କେନ୍ଦ୍ର ଏଚ୍ଆର୍ଡି ମିନିଷ୍ଟର ରମେଶ ପୋଖରିଆଲ୍ ନିଜେ ଟ୍ୱିଟ୍ କରି ସୂଚନା ଦେଇଛନ୍ତି ।
Launching the world's most affordable probe free RT-PCR based #COVID19 diagnostic kit, along with MoS for HRD Shri @SanjayDhotreMP ji. #AatmaNirbharBharat https://t.co/7u9dqR79W9
— Dr. Ramesh Pokhriyal Nishank ( Modi Ka Parivar) (@DrRPNishank) July 15, 2020
