ଚଳିତ ମାସ ଶେଷ ଯାଏଁ ଟ୍ୱିନ୍ ସିଟିରୁ ହଟିଲା ସାପ୍ତାହିକ ସଟ୍ଡାଉନ୍
ଭୁବନେଶ୍ୱର: ଟ୍ୱିନ୍ସିଟିରୁ ହଟିଲା ସାପ୍ତାହିକ ସଟ୍ଡାଉନ୍ । ଏଣିକି ଶନିବାର ଓ ରବିବାରରେ ବନ୍ଦ ହେବନି ରାଜଧାନୀ ଭୁବନେଶ୍ୱର ଓ କଟକ । ଭୁବନେଶ୍ୱର ଓ କଟକରେ ଲକ୍ଡାଉନ୍ ଲାଗୁ ହେବା ପରେ ସଟଡାଉନ୍ ଉଠାଯିବାକୁ ନେଇ ଘୋଷଣା କରିଛନ୍ତି ପୋଲିସ କମିଶନର ସୁଧାଂଶୁ ଷଡ଼ଙ୍ଗୀ । ଏହାପରେ ଶନିବାର ଓ ରବିବାର ସକାଳ ୬ଟାରୁ ଦିନ ୧ଟା ଯାଏଁ ତେଜରାତି ଦୋକାନ, କ୍ଷୀର ଦୋକାନ ଓ ମାଂସ ଦୋକାନମାନ ଖୋଲାରହିବ ।
ଆଗାମୀ ୧୪ ଦିନ ପାଇଁ ଲକ୍ଡାଉନ୍ ଲାଗୁ ହେଉଥିବା ବେଳେ ଏହା ମଧ୍ୟରେ ୨ ଥର ସାପ୍ତାହିକ ସଟ୍ଡାଉନ୍ ହେବାର ଥିଲା । ରାଜ୍ୟରେ ସଂକ୍ରମଣର ସ୍ଥିତିକୁ ନେଇ ଚଳିତ ମାସ ଶେଷ ଯାଏଁ ଏହି କଟକଣା ଲାଗୁ କରାଯାଇଥିଲା ।
ତେବ ଆଗାମୀ ଦିନରେ ଲକ୍ଡାଉନ୍ ହଟାଯିବା ପରେ ପୁନଃ ସଟଡାଉନ୍ ଲାଗୁ ହେବ କି ନାହିଁ ସେ ନେଇ କୌଣସି ସୂଚନା ଦିଆଯାଇନାହିଁ । ଉଲ୍ଲେଖ ଯୋଗ୍ୟ ଯେ, ବର୍ତ୍ତମାନ ରାଜ୍ୟ ସମେତ ଦେଶରେ ଅନଲକ୍ ୨.୦ ଜାରି ରହିଛି ।
ତେବେ ରାଜ୍ୟର କିଛି ନିର୍ଦ୍ଦିଷ୍ଟ ଜିଲ୍ଲାର ସଂକ୍ରମିତ ସଂଖ୍ୟାକୁ ନଜରରେ ରଖି ରାଜ୍ୟ ସରକାରଙ୍କ ପକ୍ଷରୁ ଲକ୍ଡାଉନ୍ ନିଷ୍ପତ୍ତି ନିଆଯାଇଛି । ଏହି ଲକ୍ଡାଉନକୁ ବିଜ୍ଞାନ ସମ୍ମତ ବୋଲି କହିଛନ୍ତି ରାଜ୍ୟ ମୁଖ୍ୟ ଶାସନ ସଚିବ । ଏବଂ ଏହି ସମୟରେ ସର୍ଭିଲାନ୍ସ କରାଯିବ । ଲୋକଙ୍କ ସ୍ୱାସ୍ଥ୍ୟ ପରୀକ୍ଷା ଏବଂ ସ୍କ୍ରନିଂ କରାଯାଇପାରିବ । ଏବଂ ଏହାର ସୁଫଳ ଲୋକେ ପାଇପାରିବେ ବୋଲି ମୁଖ୍ୟ ସଚିବ ସୂଚତି କରିଛନ୍ତି ।
ପୂର୍ବାପେକ୍ଷା କଠୋର ହେବ କଟକଣା: ସରକାରୀ ଓ ବେସରକାରୀ କାର୍ଯ୍ୟାଳୟ ବନ୍ଦ
