କେନ୍ଦ୍ର ସରକାରଙ୍କ ସହ ବିଫଳ ହେଉଛି ବୈଠକ: କଠୋର ହେଉଛନ୍ତି ଚାଷୀ ସଂଗଠନ

ନୂଆଦିଲ୍ଲୀ: ଦିନକୁ  ଦିନ  ଉଗ୍ର  ହେଉଛି  ଚାଷୀ ଆନ୍ଦୋଳନ । ସରକାର  କୃଷି ଆଇନ  ଫେରାଇ  ନେବା  ପର୍ଯ୍ୟନ୍ତ  ଘରକୁ  ଫେରିବାର   ପ୍ରଶ୍ନ  ଉଠୁନି  ବୋଲି ଚାଷୀନେତା କହିଛନ୍ତି । ସେପଟେ କେନ୍ଦ୍ର କୃଷିମନ୍ତ୍ରୀ  କହିଛନ୍ତି, ଯେଉଁମାନେ  ଆନ୍ଦୋଳନ କରୁଛନ୍ତି  ସେମାନେ  ଆଇନ ଉପରେ  ଆଲୋଚନା   କରିବା  ଆବଶ୍ୟକ। ସେପଟେ ସାଧାରଣତନ୍ତ୍ର ଦିବସରେ ଚାଷୀଙ୍କ ଟ୍ରାକ୍ଟର ରାଲି କେନ୍ଦ୍ରର ପିଟିସନ ଉପରେ ସୁପ୍ରିମକୋର୍ଟ ଆସନ୍ତାକାଲି ଶୁଣାଣି କରିବେ  । ସେପଟେ ଦିଲ୍ଲୀ ମଧ୍ୟରେ ଗଣତନ୍ତ୍ର ଦିବସର ପରେଡ କରିବା ପାଇଁ ଘୋଷଣା କରିଛନ୍ତି ଚାଷୀ ସଂଗଠନ  ।

କୃଷି ଆଇନ ପ୍ରତ୍ୟାହାର ଦାବିରେ ଦୀର୍ଘ ୫୩ ଦିନ ଧରି ଚାଲିଛି ଚାଷୀ ଆନ୍ଦୋଳନ  । କେନ୍ଦ୍ର ସରକାରଙ୍କ ସହ ବାରମ୍ବାର ବୈଠକ ବିଫଳ ହେଉଛି  । ଏହା ମଧ୍ୟରେ ଆହୁରି କଠୋର ହୋଇଛନ୍ତି ଚାଷୀ ସଙ୍ଗଠନ  । ଭାରତୀୟ କିଷାନ ୟୁନିଅନ ନେତା ରାକେଶ ଟିକାୟତ କହିଛନ୍ତି, କ-ଷି ଆଇନ ପ୍ରତ୍ୟାହାର ନ ହେଲେ ଘରକୁ ଯିବାର ପ୍ରଶ୍ନ ଉଠୁନି  । ଚାଷୀକୁଳକୁ ଧ୍ବଂସ କରିବା ପାଇଁ ନୂଆ କୃଷି ଆଇନ ଆସିଛି  । ସରକାରଙ୍କ ଆନ୍ତରିକତାର ଅଭାବରୁ ଏହି ଆନ୍ଦୋଳନ  ଜାରି ରହିଛି ଓ ଜାରି ରହିବ ବୋଲି ଚାଷୀ ନେତା ଚେତାବନୀ ଦେଇଛନ୍ତି  ।

ସେପଟେ ସରକାର ମଧ୍ୟ ନିଜ ଜିଦରେ ଅଟଳ  । କେନ୍ଦ୍ର କୃଷି ମନ୍ତ୍ରୀ ନରେନ୍ଦ୍ର ସିଂ ତୋମାର କହିଛନ୍ତି, ବହୁତ ଚାଷୀ କୃଷି ଆଇନକୁ ସମର୍ଥନ କରୁଛନ୍ତି  । ଚାଷୀ ସଙ୍ଗଠନ କେବଳ ଆଇନକୁ ନିରସ୍ତ୍ର କରିବା ପାଇଁ ଚେଷ୍ଟା କରୁଛନ୍ତି  । ତେବେ ଆଇନ ପ୍ରତ୍ୟାହାର ହେବ ନାହିଁ, ଏହାର ବିଭିନ୍ନ ବିନ୍ଦୁ ଉପରେ ବିଚାର କରାଯାଉବୋଲି କହିଛନ୍ତି ତୋମାର  । ସେହିଭଳି ଗୃହମନ୍ତ୍ରୀ ଅମିତ ଶାହା କହିଛନ୍ତି, କୃଷି ଆଇନ ଚାଷୀଙ୍କ ହିତ ପାଇଁ ଆସିଛି  । ଏହା ଦ୍ବାରା ଚାଷଙ୍କ ଆୟ ଦ୍ବିଗୁଣିତ ହେବ ।

ଏଥିସହିତ ପଢ଼ନ୍ତୁ: କୁସନପୁରୀ ଗାଁରେ ହାତୀ ଉପଦ୍ରବ: ଲୋକଙ୍କ ଘରେ ପଶି ଖାଇଲା ଧାନ

ସେପଟେ ସାଧାରଣତନ୍ତ୍ର ଦିବସରେ ଚାଷୀଙ୍କ ଟ୍ରାକ୍ଟର ରାଲି ଡାକରା ନେଇ ଆସନ୍ତାକାଲି ଶୁଣାଣି କରିବେ ସୁପ୍ରିମକୋର୍ଟ । ସର୍ବୋଚ୍ଚ ନ୍ୟାୟାଳୟର ୩ ଜଣିଆ ଖଣ୍ଡପୀଠ  ଶୁଣାଣି କରିବେ । ଜାନୁୟାରୀ ୨୬ରେ ଟ୍ରାକ୍ଟର ରାଲି କରିବାକୁ ଚାଷୀ ସଂଗଠନ ନିଷ୍ପତ୍ତି ନେଇଛି । ଚାଷୀଙ୍କ ଏହି ନିଷ୍ପତ୍ତି ଉପରେ ଆପତ୍ତି ଉଠାଇ ସୁପ୍ରିମକୋର୍ଟରେ ପିଟିସନ ଦାଏର କରିଛନ୍ତି କେନ୍ଦ୍ର ସରକାର । ସେପଟେ ଆସନ୍ତା ୧୯ ତାରିଖରେ ପୁଣିଥରେ ଚାଷୀ ଓ ସରକାରଙ୍କ ମଧ୍ୟରେ ହେବ ଆଲୋଚନା  ।