କୁସନପୁରୀ ଗାଁରେ ହାତୀ ଉପଦ୍ରବ: ଲୋକଙ୍କ ଘରେ ପଶି ଖାଇଲା ଧାନ

ସମ୍ବଲପୁର:  ଗାଁରେ ବୁଲୁଛି ଦନ୍ତା । ଘରେ ପଶି ଧାନ ଖାଇଛି ।  ଜୁଜୁମୁରା ବ୍ଲକ କୁକଡାପାଲି ପଞ୍ଚାୟତର  କୁସନପୁରୀ ଗାଁରେ ଏଭଳି ଦୃଶ୍ୟ ଦେଖିବାକୁ ମିଳିଛି । ରବିବାର ସଂଧ୍ୟା ସମୟରେ ଗାଁକୁ  ଦନ୍ତା ହାତୀ ପଶିଆସି ଉପଦ୍ରବ ଆରମ୍ଭ କରିଛି  l ଖାଦ୍ୟ ଖାଇବା ସହ ଦନ୍ତାହାତୀ ଗାଁରେ  ରହୁଥିବା  ବିଭିନ୍ନ ଲୋକଙ୍କ ଘରଦ୍ୱାର ଭାଙ୍ଗୁଥିବା ମଧ୍ୟ ଦେଖିବାକୁ ମିଳିଛି ।

ହାତୀର ଏଭଳି ଉନ୍ମତ୍ତକାଣ୍ଡ ନେଇ  କୁସନପୁରୀ  ଗ୍ରାମବାସିନ୍ଦା ମଧ୍ୟରେ ଆତଙ୍କ ଖେଳିଯାଇଛି । ଭୟରେ କେହିଁ ଘରୁ ବାହାରୁନାହାନ୍ତି । ତେବେ କିଛି ଲୋକ ସାହାସ ଜୁଟାଇବା ସହ ହାତୀକୁ ତଡ଼ିବା ପାଇଁ ମଧ୍ୟ ଚେଷ୍ଟା କରିଛନ୍ତି । ସେମାନେ ସଫଳ ନହେବାରୁ ପଡ଼ିଆବାହାଲ ବନବିଭାଗକୁ ଯୋଗାଯୋଗ କରିଛନ୍ତି । ଏବଂ ପଡ଼ିଆବାହାଲ ବନବିଭାଗର ଅଧିକାରୀ  ଗାଁରେ ପହଞ୍ଚି  ଉପଦ୍ରବ କରୁଥି ଦନ୍ତା ହାତୀକୁ ଜଙ୍ଗଲ ଆଡ଼କୁ ଫେରାଇବାକୁ ଚେଷ୍ଟା କରୁଛନ୍ତି । ଜୋରରେ ଶଦ୍ଦ କରିବା ସହ ତାକୁ ଜଙ୍ଗଲ ଆଡ଼କୁ ପଠାଉଛନ୍ତି ।