ଅଟଳ ପେନସନ୍ ଯୋଜନାର ଗ୍ରାହକ ମାନଙ୍କ ପାଇଁ ବଡ଼ ଆଶ୍ୱସ୍ତୀ, ଯେକୌଣସି ସମୟରେ ବଦଳାଇ ପାରିବେ ପେନସନର ରାଶି

ନୂଆଦିଲ୍ଲୀ: Pension Fund Regulatory And Development Authority (PFRDA) ଅଟଳ ପେନସନ ଯୋଜନାର ଲାଭ ନେଉଥିବା ଲୋକମାନଙ୍କୁ ବଡ଼ ଧରଣର ଆଶ୍ୱସ୍ତୀ ଦେଇଛି । ଏହି ଯୋଜନା ଅଧୀନରେ, ବର୍ଷର ଯେକୌଣସି ସମୟରେ ପେନସନ୍ ବୃଦ୍ଧି କିମ୍ବା ହ୍ରାସ କରାଯାଇପାରିବ । ଏହି ନୂତନ ସୁବିଧା ଯୋଜନାରେ ପଞ୍ଜୀକୃତ ୨.୨୮ କୋଟି ଗ୍ରାହକଙ୍କୁ ଉପକୃତ କରିବ । ଜୁଲାଇ ୧ ରୁ ଏହି ନୂତନ ସୁବିଧା କାର୍ଯ୍ୟକାରୀହେଲା ।

ବ୍ୟାଙ୍କକୁ ଦେଲେ ନିର୍ଦ୍ଦେଶ

ବର୍ଷର ଯେକୌଣସି ସମୟରେ ପେନସନ୍ ରାଶି ହ୍ରାସ କିମ୍ବା ବୃଦ୍ଧି ପ୍ରକ୍ରିୟାକରଣ ପାଇଁ PFRDA ସମସ୍ତ ବ୍ୟାଙ୍କକୁ ନିର୍ଦ୍ଦେଶ ଦେଇଛି । ତେବେ ଆର୍ଥିକ ବର୍ଷରେ କେବଳ ଥରେ ଏହି ସୁବିଧା ଉପଲବ୍ଧ ହୋଇପାରିବ । ଏହାପୂର୍ବରୁ କେବଳ ଏପ୍ରିଲରେ ପେନସନ ରାଶି ପରିବର୍ତ୍ତନ କରାଯାଇପାରିବ ।

ଆରମ୍ଭ ହେଲା ଅଟୋ ଡେବିଟ୍ ସୁବିଧା

APY ଅବଦାନ ପାଇଁ ଅଟୋ ଡେବିଟ୍ ସୁବିଧା ୧ ଜୁଲାଇରୁ ପୁନଃ ଆରମ୍ଭ ହୋଇଛି । କରୋନା ମହାମାରୀ ସମୟରେ ଗ୍ରାହକଙ୍କୁ ଆରାମ ପ୍ରଦାନ କରିବାକୁ, PFRDA ୧୧ ଏପ୍ରିଲ ୨୦୨୦ରେ ଏକ ସର୍କୁଲାର ଜାରି କରିଥିଲା ​​ଏବଂ ଅଟୋ ଡେବିଟ୍ ସୁବିଧା ୩୦ ଜୁନ୍ ୨୦୨୦ ପର୍ଯ୍ୟନ୍ତ ବନ୍ଦ କରି ଦେଇଥିଲା ।

ଏହି ଯୋଜନା ଅଧୀନରେ ମାସକୁ ୫ ହଜାର ଟଙ୍କା ପେନସନ୍-

ଅଟଳ ପେନସନ୍ ଯୋଜନା ଅଧୀନରେ ନିବେଶକ ୬୦ ବର୍ଷ ବୟସରେ ପ୍ରତି ମାସରେ ୧୦୦୦ ରୁ ୫୦୦୦ ଟଙ୍କା ପେନସନ୍ ପାଇବେ । ପେନସନ୍ ସମ୍ପୂର୍ଣ୍ଣ ଟିକସଯୋଗ୍ୟ । ୧୮ ବର୍ଷରୁ ୪୦ ବର୍ଷ ପର୍ଯ୍ୟନ୍ତ ଜଣେ ବ୍ୟକ୍ତି ଏଥିରେ ବିନିଯୋଗ କରିପାରିବେ ।