କ୍ୟାନସରୁ ସଚେତନ ରହିବାର ଉପାୟ ଜାଣନ୍ତୁ ……

1 min read

କର୍କଟ ରୋଗ ଏପରି ଏକ ରୋଗ ଯାହା ଜଣେ ବ୍ୟକ୍ତିକୁ ଶାରୀରିକ ଏବଂ ମାନସିକ ଭାବରେ ଭାଙ୍ଗିଦିଏ। ଭାରତରେ କର୍କଟ ରୋଗୀଙ୍କ ସଂଖ୍ୟା ବୃଦ୍ଧି ପାଇବାରେ ଲାଗିଛି । ଏହି ରୋଗ ସୁସ୍ଥ ହେବା ପରେ ମଧ୍ୟ ଏହା ପୁନରାବୃତ୍ତି ହୋଇପାରେ। ଆଜିକାଲି ଲୋକଙ୍କ ଜୀବନଶୈଳୀ ଖରାପ ହୋଇଥିବାରୁ ଏହାବୃଦ୍ଧି ପାଇବାରେ ଲାଗିଛି । ଅନେକ ସମୟରେ ନିଜର ଖରାପ ଅଭ୍ୟାସ ପାଇଁ ବ୍ୟକ୍ତି କର୍କଟ ରୋଗର ଶିକାର ହୋଇଥନ୍ତି  । କିନ୍ତୁ ବ୍ୟକ୍ତି ଏହା ବିଷୟରେ ଜାଣିନଥାନ୍ତି । କର୍କଟ ରୋଗର ଆଶଙ୍କା କମାଇବା ପାଇଁ, କିଛି ଅଭ୍ୟାସ ବଦଳାଇବା ବହୁତ ଗୁରୁତ୍ୱପୂର୍ଣ୍ଣ। ଆଜିବିଶ୍ବ କ୍ୟାନସର ଦିବସ ଅବସରରେ ବସନ୍ତୁ ଜାଣିବା କିପରି ଏହି ରୋଗ ଠାରୁ ଦୂରେଇ ରହିପାରିବା  ।

୯ ଜଣ ଭାରତୀୟଙ୍କ ମଧ୍ୟରୁ ଜଣେ ବ୍ୟକ୍ତିଙ୍କୁ କ୍ୟାନସର ହେବାର ସମ୍ଭାବନା ଥାଏ   ।  ଇଣ୍ଡିଆନ କାଉନସିଲ୍ ଆଫ ମେଡିକାଲ୍ ରିସର୍ଚ୍ଚ (ICMR)-ନ୍ୟାସନାଲ୍ ସେଣ୍ଟର ଫର୍ ଡିଜିଜ୍ ଇନଫର୍ମେଟିକ୍ସ ଆଣ୍ଡ୍ ରିସର୍ଚ୍ଚ (NCDIR) ଅନୁଯାୟୀ, ପ୍ରତି ୯ ଜଣ ଭାରତୀୟଙ୍କ ମଧ୍ୟରୁ ଜଣେ କର୍କଟ ରୋଗର ପିଡୀତ ହେବାର ସମ୍ଭାବନା ରହିଛି । ଫୁସଫୁସ ଏବଂ ସ୍ତନ କର୍କଟ ରୋଗର ଅଧିକାଂଶ ମାମଲା ଦେଖାଯାଉଛି। ଇଣ୍ଡିଆନ୍ ଜର୍ଣ୍ଣାଲ୍ ଅଫ୍ ମେଡିକାଲ୍ ରିସର୍ଚ୍ଚରେ ପ୍ରକାଶିତ ଏହି ଅଧ୍ୟୟନରେ କୁହାଯାଇଛି ଯେ ପ୍ରତି ୨୯ ଜଣ ମହିଳାଙ୍କ ମଧ୍ୟରୁ ଜଣେ ଏବଂ ପ୍ରତି ୬୭ ଜଣ ପୁରୁଷଙ୍କ ମଧ୍ୟରୁ ଜଣଙ୍କର  ତାଙ୍କ ଜୀବନ କାଳ ମଧ୍ୟରେ ଫୁସଫୁସ ଏବଂ ସ୍ତନ କର୍କଟ ରୋଗହେବାର  ଆଶଙ୍କା ରହିଥାଏ ।

ଖରାପ ଜୀବନଶୈଳି ଏହି ରୋଗର ମୁଖ୍ୟ କାରଣ । ବିଶ୍ବ ସ୍ବାସ୍ଥ ସଂଗଠନ ଅନୁଯାୟୀ  ବିଶ୍ୱରେ 40% କର୍କଟ ରୋଗ ଶେଷ ପର୍ଯ୍ୟାୟରେ । ତୁର୍କୀର ଆକିବାଡେମ ମସଲାକ ହସ୍ପିଟାଲ ଦ୍ବାରା କରାହାଇଥିବା ଏକ ଅଧ୍ୟୟନ ଅନୁଯାୟୀ କର୍କଟ ରୋଗର ଏକ ମୁଖ୍ୟ କାରଣ ହେଉଛି ଖରାପ ଜୀବନଶୈଳୀ। ତମାଖୁ ସେବନ କରୁଥିବା ଲୋକଙ୍କ ଫୁସଫୁସ କର୍କଟ ହେବାର ଆଶଙ୍କା ୮୫% ଥାଏ। ଖରାପ ଖାଦ୍ୟପେୟ, ମଦ୍ୟପାନ ଏବଂ ବ୍ୟାୟାମର ଅଭାବ ମଧ୍ୟ କର୍କଟ ରୋଗର ଆଶଙ୍କାକୁ ୫୦% ବୃଦ୍ଧି କରେ। ଏହା ମୁଣ୍ଡ, ବେକ, ଅଗ୍ନାଶୟ ଏବଂ ମୂତ୍ରାଶୟର କର୍କଟ ସୃଷ୍ଟି କରିପାରେ।  ତମାଖୁ ଏବଂ ମଦ୍ୟପାନ କର୍କଟ ରୋଗର ମୁଖ୍ୟ କାରଣ। ଯଦି ଜଣେ ବ୍ୟକ୍ତି ଏକକାଳୀନ ଧୂମପାନ ଏବଂ ମଦ୍ୟପାନ କରନ୍ତି, ତେବେ କର୍କଟ ରୋଗର ଆଶଙ୍କା ଚାରି ଗୁଣ ବଢ଼ିଯାଏ।

ତମାଖୁ , ଧୂମପାନ ଏବଂ ମଦ୍ୟପାନଠାରୁ ଦୂରରେ ରୁହନ୍ତୁ  । ତମାଖୁ ସେବନ କରୁଥିବା ଲୋକମାନେ ମୁହଁ, ଫୁସଫୁସ ଏବଂ ପେଟ ର୍କକଟ ରୋଗରେ ପୀଡିତ ହୁଅନ୍ତି। ତମାଖୁ ପରି, ଧୂମପାନ ଏବଂ ମଦ୍ୟପାନ ମଧ୍ୟ ସ୍ୱାସ୍ଥ୍ୟ ପାଇଁ ବିପଦ ସୃଷ୍ଟି କରେ। ଧୂମପାନ କରୁଥିବା ଲୋକଙ୍କର ଫୁସଫୁସ କର୍କଟ ହେବାର ଆଶଙ୍କା ୮୭% ପର୍ଯ୍ୟନ୍ତ ଥାଏ। ମଦ୍ୟପାନ ସ୍ତନ ଏବଂ ଯକୃତ କର୍କଟକୁ ପ୍ରୋତ୍ସାହିତ କରେ। ACIBADEMରେ ପ୍ରକାଶିତ ରିର୍ପୋଟ ଅନୁଯାୟୀ ଯେଉଁମାନେ ପ୍ରତିଦିନ ୧୪ ଗ୍ରାମ ଅର୍ଥାତ୍ ୩୬୦ml ବିୟର, ୧୫୦ml ୱାଇନ୍, ୪୫ml ହ୍ୱିସ୍କି ସେବନ କରନ୍ତି, ସେମାନଙ୍କ ମଧ୍ୟରେ ସ୍ତନ କର୍କଟ ରୋଗର ଆଶଙ୍କା ୨୩%, କୋଲନ୍ କର୍କଟ ରୋଗର ଆଶଙ୍କା ୧୭% ଏବଂ ଖାଦ୍ୟନଳୀ କର୍କଟ ରୋଗର ଆଶଙ୍କା ୨୦ ପ୍ରତିଶତ ପର୍ଯ୍ୟନ୍ତ ବୃଦ୍ଧି ପାଏ।  ତେଣୁ ମଦ୍ୟପାନ , ତମାଖୁ ସେବନ , ଧୂମପାନ ଠାରୁ ସବୁବେଳେ ଦୁରରେ ରୁହନ୍ତୁ  । ଏକ ସାଧାରଣ ଜିବନଶୈଳିକୁ ବାଛି ସୁସ୍ଥ ରୁହନ୍ତୁ ।