ପୁଅ ଉପରେ କାଳି ପଡ଼ିଲା, ମାଆ ହୋଇ କେମିତି ସହିବି: କନକଲତା

ପୁରୀ: ପୁରୀ ସତ୍ୟବାଦୀରେ 5T ସଚିବଙ୍କ ଉପରକୁ ହୋଇଥିବା କାଳିମାଡ଼ ଘଟଣାକୁ ନେଇ ସବୁଆଡ଼େ ନିନ୍ଦା କରାଯାଇଛି । 5T ସଚିବଙ୍କ ମୁହଁରୁ ପଣତକାନିରେ କାଳି ପୋଛିଥିବା କନକଲତା ପଣ୍ଡା ମଧ୍ୟ ଏହି ଘଟଣାକୁ ନେଇ ନିନ୍ଦା କରିଛନ୍ତି । ସେ କହିଛନ୍ତି ମା’ମାନଙ୍କୁ ଆଗକୁ ନେବା ପାଇଁ ବହୁ ପ୍ରକାର ସହଯୋଗ କରିଛନ୍ତି 5T ସଚିବ । ମା’ ହୋଇ ସହପାରିବିନି ପୁଅର ମୁହଁରେ କାଳି ପଡୁ । ମା’ମାନଙ୍କ ଅଗ୍ରଗତି ପାଇଁ ମୁଖ୍ୟମନ୍ତ୍ରୀ ବିକାଶ କରୁଛନ୍ତି । 5T ସଚିବ ମୁଖ୍ୟମନ୍ତ୍ରୀଙ୍କ ଏହି କାମକୁ ତ୍ୱରାନ୍ୱିତ କରୁଛନ୍ତି । ସମସ୍ତ ପ୍ରଶାସନ ଅଧିକାରୀଙ୍କୁ ଅନୁରୋଧ କଡା କାର୍ଯ୍ୟାନୁଷ୍ଠାନ ନିଆଯାଉ । ସେ ଲୋକ ଆଗରେ ପଡିଥିଲେ ମହିଳାମାନେ ହାଣି ଦେଇଥାନ୍ତେ । ତାଙ୍କ ମୁହଁରେ କାଳି ଦେଖି ଆମେ କାନ୍ଦି ପକାଇଲୁ । ବିରୋଧୀଙ୍କ ପକ୍ଷରୁ ଷଡଯନ୍ତ୍ର, କାଳିମାଡ଼ କରିବାକୁ ଚାପ ପକାଯାଇଛି । ମା’ମାନଙ୍କ ଆଗରେ ଅଭିଯୁକ୍ତକୁ କଠୋର ଦଣ୍ଡ ଦେବା ଦରକାର । ଆମ ମାଟିକୁ ଆସିଛନ୍ତି 5T ସଚିବ, ଘଟଣା ପାଇଁ କ୍ଷମା ମାଗିବୁ ବୋଲି କନକଲା କହିଛନ୍ତି ।