ରେଳ ବିଭାଗରେ ବାରମ୍ବାର ଅବହେଳା, ଏଥର ବିଶାଖାରୁ ବଗି ଛାଡ଼ି ଚାଲିଗଲା ଇଞ୍ଜିନ୍

ଭୁବନେଶ୍ୱର: ପୁଣି ଥରେ ସାମନାକୁ ଆସିଛି ରେଳବାଇ କର୍ମଚାରୀଙ୍କ ଦାୟିତ୍ୱ ହୀନତା । ନିକଟରେ ଆଠଗଡ଼ରେ ମାଲବାହୀ ଟ୍ରେନ୍ ଇଞ୍ଜିନ ୱାଗନକୁ ଛାଡ଼ି ପଳାଇଥିଲା । ଆଜି ଭୁବନେଶ୍ୱର-ସିକନ୍ଦରାବାଦ ବିଶାଖା ଏକ୍ସପ୍ରେସରେ ସମାନ ଘଟଣା ଘଟିଛି । (୧୭୦୧୫) ବିଶାଖା ଏକ୍ସପ୍ରେସ୍ ବାଲୁଗାଁ ଷ୍ଟେସନ ନିକଟରେ ଇଞ୍ଜିନ୍ ସହ ଏସି କୋଚକୁ ନେଇ ପଳାଇଥିଲା । ଆଉ ଅଧା ବାଟରେ ରହି ଯାଇଥିଲା ଅନ୍ୟ ବଗି । ଯାହାକୁ ନେଇ ଯାତ୍ରୀଙ୍କ ମଧ୍ୟରେ ଭୟର ବାତାବରଣ ଦେଖା ଦେଇଥିଲା । ସମସ୍ତ ଯାତ୍ରୀ ସୁରକ୍ଷିତ ଅଛନ୍ତି । ଅନ୍ୟ କୋଚ୍ ସଂଯୋଗ ପରେ ବିଶାଖା ଏକ୍ସପ୍ରେସ ଆଗକୁ ଯାତ୍ରା କରିଛି ।

୨ କୋଚର ଜଏଣ୍ଟ ଲକିଂ ସିଷ୍ଟମରେ ତ୍ରୁଟି ଯୋଗୁଁ ଏଭଳି ହୋଇଥିବା ରେଳବାଇ ଅଧିକାରୀ ସୂଚନା ଦେଇଛନ୍ତି । ଟ୍ରେନ୍ ଗନ୍ତବ୍ୟ ସ୍ଥଳ ଅଭିମୁଖେ ଯାତ୍ରା କରିଥିବା ବେଳେ ବ୍ରହ୍ମପୁର ଓ ବିଶାଖାପାଟଣାରେ ପୁଣି ଥରେ କୋଚ୍ ସଂଯୋଗ ଯାଞ୍ଚ କରାଯାଇଛି । ଏକ୍ସପ୍ରେସ ସହ କୋଚ୍ ରିପ୍ୟାରିଂ ଷ୍ଟାଫ ଯାତ୍ରା କରୁଥିବା ସୂଚନା ମିଳିଛି । ')}