ପଦାରେ ପଡ଼ିଲା ସରକାରଙ୍କ ଅପାରଗତା: ଦେଶରେ ଟିକାକରଣରେ ମାନ୍ଦାଗତି ଲାଗି ଜିଡିପି ଅଭିବୃଦ୍ଧି ବାଧାପ୍ରାପ୍ତ

ଦେଶରେ ଟିକାକରଣରେ ମାନ୍ଦାଗତି । ପଦାରେ ପଡୁଛି ସରକାରଙ୍କ ଅପାରଗତା । ଆଉ ଏଥିଲାଗି ଜିଡିପି ଯାହା ଆଶା କରାଯାଉଥିଲା ତାହା ହୋଇପାରୁନାହିଁ । ମଜୁରୀ ଓ ଦରମା ହ୍ରାସ, ସ୍ୱାସ୍ଥ୍ୟ ସେବାରେ ବ୍ୟୟ, ପରିବାରର ସଞ୍ଚୟ ସୀମା ହ୍ରାସ ଓ ଖାଉଟି ମୁଦ୍ରାସ୍ଫୀତି ଯୋଗୁ ଅଭିବୃଦ୍ଧି ହାର ହ୍ରାସ ପାଉଛି । ଇଣ୍ଡିଆ ରେଟିଂସ ପକ୍ଷରୁ କୁହାଯାଇଛି ଗତ ମାର୍ଚ୍ଚ ସୁଦ୍ଧା ବୟସ୍କଙ୍କୁ ଟିକାକରଣ ଲକ୍ଷ୍ୟ ହାସଲ ହୋଇପାରିବ ବୋଲି ସରକାରଙ୍କ ପକ୍ଷରୁ କୁହାଯାଇଥିଲା । ମାତ୍ର ଏହା ହେଲା ନାହିଁ । ଫଳରେ ଅଭିବୃଦ୍ଧି ହାର 9.6 ପ୍ରତିଶତ ବଦଳରେ ଏହା 9.4 ପ୍ରତିଶତକୁ ହ୍ରାସ ପାଇବ । 20221-22ରେ ଜିଡିପି ଅଭିବୃଦ୍ଧି ହାର 9.5 ପ୍ରତିଶତ ହେବ ବୋଲି ଭାରତୀୟ ରିଜର୍ଭ ବ୍ୟାଙ୍କ ଆକଳନ କରିଥିଲେ । ମାତ୍ର ବିଭିନ୍ନ କାରଣ ଯୋଗୁ ସମ୍ଭବ ହୋଇନାହିଁ । ଆସନ୍ତା ଡିସେମ୍ବର 31 ସୁଦ୍ଧା ବୟସ୍କଙ୍କୁ ଟିକାକରଣ ସମ୍ପନ୍ନ ହେବା ପରେ ଜିଡିପି ଅଭିବୃଦ୍ଧା ହାର ବଢିବା ଆଶା ରହିଛି ବୋଲି ଇଣ୍ଡିଆ ରେଟିଂସ ପକ୍ଷରୁ କୁହାଯାଇଛି । ଯଦି ଟିକାକରଣ ନ ସରିବ ତେବେ ଜିଡିପି ଅଭିବୃଦ୍ଧି ହାର 9.1ପ୍ରତିଶତକୁ ଖସିପାରେ ବୋଲି ଇଣ୍ଡିଆ ରେଟିଂସ କହିଛି । ସେପଟେ ପ୍ରତିଷ୍ଠିତ ଅର୍ଥନୀତିଜ୍ଞ ସୁନୀଲ କୁମାର ସିହ୍ନା କହିଛନ୍ତି ବର୍ତ୍ତମାନ ଯେଉଁ ହାରରେ ଟିକାକରଣ ଚାଲିଛି ସେଥିରୁ ପ୍ରତୀୟମାନ ହେଉଛି ଯେ ଆସନ୍ତା 31 ଡିସେମ୍ବର ସୁଦ୍ଧା ଟିକାକରଣ ସରିପାରିବ ନାହିଁ । ଦ୍ବିତୀୟ ଲହରୀରେ ଆରୋଗ୍ୟ ହାର ବୃଦ୍ଧି, ଅଧିକ ରପ୍ତାନୀ ଯୋଗୁ ଅର୍ଥନୈତିକ ଅବସ୍ଥାକୁ ସହାୟ ହୋଇପାରେ ବୋଲି ସେ କହିଛନ୍ତି

ଏଥିସହିତ ପଢ଼ନ୍ତୁ: କ୍ଳିନିକାଲ୍ ଟ୍ରାଏଲ ଲାଗି ଭାରତ ସରକାରଙ୍କୁ ଅନୁମତି ମାଗିଲା ଜନସନ୍ ଆଣ୍ଡ ଜନସନ୍