ଟୋକିଓରୁ ଫେରିବା ପରେ ଆଗାମୀ ଲକ୍ଷ୍ୟ ନେଇ କ’ଣ କହିଲେ ମନପ୍ରୀତ…

ନୂଆଦିଲ୍ଲୀ: ଟୋକିଓରୁ ରୌପ୍ୟ ପଦକ ଜିତି ଦିଲ୍ଲୀ ଫେରିଛି ଭାରତୀୟ ପୁରୁଷ ହକି ଟିମ୍ । ଦିଲ୍ଲୀରେ ଭାରତୀୟ ପୁରୁଷ ହକି ଦଳକୁ ସ୍ୱାଗତ ସମ୍ବର୍ଦ୍ଧନା ଦିଆଯାଇଛି । ଏହି ଅବସରରେ ଭାରତୀୟ ପୁରୁଷ ହକି ଟିମର ଅଧିନାୟକ ମନପ୍ରୀତ ସିଂ ନନ୍ଦିଘୋଷ ଟିଭିକୁ ଦେଇଛନ୍ତି ଏକ୍ସକ୍ଲୁସିଭ୍ ସାକ୍ଷାତକାର । ୪୧ ବର୍ଷ ପରେ ପଦକ ଜିତିଥିବାରୁ ବହୁତ ଖୁସି ଲାଗୁଥିବା କହିଛନ୍ତି ମନପ୍ରୀତ ।

ଏଥିସହ ହକିକୁ ସାହାଯ୍ୟ କରି ଭାରତୀୟ ହକି ଦଳର ଓଡ଼ିଶା ପ୍ରାୟୋଜକ ରହି ବିଭିନ୍ନ ବଡ଼ ବଡ଼ କାର୍ଯ୍ୟକ୍ରମ ଆୟୋଜନ କରିଛି । ପଦକ ଜିତିବା ପରେ ଓଡ଼ିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କଥା ହୋଇ ମନୋବଳ ବଢ଼ାଇଥିବା କହିଛନ୍ତି ମନପ୍ରୀତ । ଓଡ଼ିଶାରେ ହକି ବେଶ୍ ଲୋକପ୍ରିୟ । ବହୁତ ଲୋକ ଓଡ଼ିଶାରେ ହକି ଖେଳୁଛନ୍ତି । ଓଡ଼ିଶାର ଏମିତି ସମର୍ଥନ ଜାରି ରହୁ । ଆସନ୍ତାବର୍ଷ ଏସିଆନ୍ ଗେମ୍ସ ରହିଛି । ଆମେ ସେଠି ସ୍ୱର୍ଣ୍ଣ ଜିତିବାକୁ ଲକ୍ଷ୍ୟ ରଖିଛୁ । କମନ ୱେଲଥ ଗେମ୍ସ ଓ ୱାର୍ଲ୍ଡ କପ ଉପରେ ନଜର ରହିଥିବା କହିଛନ୍ତି ସେ ।

ଭାରତୀୟ ହକି ଦଳର ମୁଖ୍ୟ କୋଚ୍ ନନ୍ଦିଘୋଷ ଟିଭିକୁ ଏସକ୍ଲୁସିଭ୍ ସାକ୍ଷାତକାର ଦେଇ କହିଛନ୍ତି- ଭାରତୀୟ ଟିମ୍ ଭଲ ଖେଳିଛି । ଏଥିସହ ଓଡ଼ିଶା ସରକାର ହକିକୁ ସହଯୋଗ କରୁଥିବାରୁ ସେ ପ୍ରଶଂସା କରିଛନ୍ତି । ଆଗକୁ ଓଡ଼ିଶା ଆହୁରି ହକି ମ୍ୟାଚ ଆୟୋଜନ କରୁ ବୋଲି ସେ କହିଛନ୍ତି । ପୁରୁଷ ହକି ଦଳର କୋଚ୍ ନନ୍ଦିଘୋଷ ଟିଭିକୁ ଏସକ୍ଲୁସିଭ୍ ସାକ୍ଷାତକାର ଦେଇଛନ୍ତି ।