ଟାଇମ୍ ମାଗାଜିନର କଭର ପେଜରେ କୃଷକ ଆନ୍ଦୋଳନ

ନୂଆଦିଲ୍ଲୀ: ଆମେରିକାର ପ୍ରତିଷ୍ଠିତ ପତ୍ରିକା ଟାଇମ୍ ମାଗାଜିନର କଭର ପେଜରେ ସ୍ଥାନ ପାଇଛି କୃଷକ ଆନ୍ଦୋଳନ । ଏହି ମାଗାଜିନ ଚାଷୀ ଆନ୍ଦୋଳନରେ ସାମିଲ ହୋଇଥିବା କିଛି ଆନ୍ଦୋଳନରତ ମହିଳାଙ୍କ ଫଟୋକୁ କଭର ପେଜରେ ଛାପିଛି । ଆଉ ଫଟୋ ତଳେ ଲେଖାହୋଇଛି- ଭାରତର କୃଷକ ଆନ୍ଦୋଳନରେ ମହିଳା ମୋର୍ଚ୍ଚା ।

ଏହି ମାଗାଜିନ ଦିଲ୍ଲୀର ଟିକରି ସୀମାରେ କୃଷି ଆନ୍ଦୋଳନରେ ସାମିଲ ହେବା ପାଇଁ ପହଞ୍ଚିଥିବା ୨୦ ଜଣ ମହିଳାଙ୍କ ଫଟୋକୁ କଭରରେ ସ୍ଥାନ ଦେଇଛି । ଆଉ ଆର୍ଟିକିଲର ଶୀର୍ଷକ ରହିଛି- Cannot Be Intimidated. I Cannot Be Bought.’ । ଯାହାର ଅର୍ଥ ହେଉଛି ଆମକୁ କେହି ଧମକାଇ ପାରିବେ ନାହିଁ କି ଆମକୁ କେହି କିଣି ପାରିବେ ନାହିଁ ।

ବିଗତ ୪ ମାସ ହେବ ନୂଆ କୃଷି ଆଇନକୁ ବିରୋଧ କରି ଦେଶରେ କୃଷକ ମାନେ ଦିଲ୍ଲୀ ସୀମାରେ ଆନ୍ଦୋଳନ କରୁଛନ୍ତି । ଖାସକରି ପଞ୍ଜାବ, ହରିୟାଣା ଓ ଉତ୍ତରପ୍ରଦେଶର ଗ୍ରାମୀଣ ଅଞ୍ଚଳରୁ ମହିଳା ମାନେ ଆନ୍ଦୋଳନରେ ସାମିଲ ହେବା ପାଇଁ ଆସିଥିଲେ ।

ହେଲେ ପରବର୍ତ୍ତୀ ସମୟରେ ମହିଳା ମାନେ ଆଶ୍ଚର୍ଯ୍ୟ ହୋଇଯାଇଥିଲେ ଯେ ସେମାନେ ଆନ୍ଦୋଳନ କରିବାକୁ ଆସିଛନ୍ତି ନା ବିକ୍ଷୋଭ ପ୍ରଦର୍ଶନ ସ୍ଥଳୀ ସଫେଇ ଓ ରୋଷେଇ ପାଇଁ ।