କାର୍ତ୍ତିକ ଦ୍ୱିତୀୟ ସୋମବାରରେ ଶ୍ରୀକ୍ଷେତ୍ର ଚଳଚଞ୍ଚଳ, ମହାପ୍ରଭୁଙ୍କ ରାଧା ଦାମୋଦର ବେଶ ଦେଖିବାକୁ ଶ୍ରଦ୍ଧାଳୁଙ୍କ ଭିଡ଼

1 min read

ଚଳଚଞ୍ଚଳ କାଳିଆ ଧାମ 

କାର୍ତ୍ତିକର କୋଳାହଳରେ ଫାଟିପଡୁଛି ଶ୍ରୀକ୍ଷେତ୍ରର ଚତୁର୍ଦ୍ଦିଗ । ପବିତ୍ର ମାସର ପ୍ରାରମ୍ଭରୁ ସମସ୍ତେ ଯେମିତି ହୋଇଛନ୍ତି କଳାଠାକୁର ମନସ୍କ । ପାର୍ବଣର ପବିତ୍ରତା ନସରୁଣୁ କାର୍ତ୍ତିକର ପୂଣ୍ୟତୋୟା କାୟା ବିସ୍ତାରିଛି । ପୌରାଣିକ ତଥ୍ୟ ଵିଧି ପରମ୍ପରା ଅନୁସାରେ ହିନ୍ଦୁ ଧର୍ମରେ ବର୍ଷକ ବାରମାସ ମଧ୍ୟରୁ ସବୁଠାରୁ ପୁଣ୍ୟ ତଥା ଉତ୍କୃଷ୍ଟ ମାସ ହେଉଛି କାର୍ତ୍ତିକ କୁମାର ପୂର୍ଣ୍ଣମୀ ପର ଦିନଠାରୁ ଆରମ୍ଭ ହୋଇଥିବା ଏହି ମାସରେ ପୂଜାପାଠ, ଦାନଧର୍ମ, ତଥା ବ୍ରତ ପାଳନ କଲେ ମହା ପୁଣ୍ୟ ବିଶ୍ୱାସ ରହିଛି । ଏହି ମାସରେ ପିତୃପୁରୁଷଙ୍କ ଉଦ୍ଦେଶ୍ୟରେ ପୟା ଶ୍ରାଦ୍ଧ ଦିଆଯାଏ । ଜଗଦ୍ଧାତ୍ରୀ ପୂଜା ମଧ୍ୟ ଅନୁଷ୍ଠିତ ହୁଏ । ଶେଷ ପାଞ୍ଚଦିନକୁ ପଞ୍ଚୁକ କୁହାଯାଉଥିବା ବେଳେ ପାଞ୍ଚଦିନ ବ୍ୟାପି ଶ୍ରୀଜୀଉଙ୍କ ଲକ୍ଷ୍ମୀନୃସିଂହ, ଆଡ଼ିକିଆ ବା ଠିଆକିଆ, ତ୍ରିବିକ୍ରମ, ବାଙ୍କଚୂଡ଼ା ଓ ଶେଷଦିନ ପବିତ୍ର ସୁନାବେଶ ହୋଇଥାଏ । ଯେଉଁ ବର୍ଷ ପଞ୍ଚୁକ ଦିନ ବ୍ୟାପି ପଡ଼ିଥାଏ ସେହିବର୍ଷ ଶ୍ରୀଜୀଉଙ୍କ ନାଗାର୍ଜୁନ ବେଶ ହେବାର ଵିଧି ପରମ୍ପରା ରହିଛି ତେବେ ଆସନ୍ତାବର୍ଷ ଅର୍ଥାତ ୨୦୨୦ରେ ପଞ୍ଚୁକ ଦିନ ପଡୁଥିବାରୁ ଶ୍ରୀଜୀଉଙ୍କ ନାଗାର୍ଜୁନ ବେଶ ହେବ

ଶଙ୍ଖକ୍ଷେତ୍ରରେ ହବିଷ୍ୟାଳି ଯୋଜନା

ଶଙ୍ଖକ୍ଷେତ୍ର ଶ୍ରୀକ୍ଷେତ୍ରରେ ଶ୍ରୀଜିଉଙ୍କୁ ଉପାସନା, ତୀର୍ଥରାଜ ମହୋଦଧିଙ୍କ ଏଠାରେ ଉପସ୍ଥିତି, ଧାର୍ମିକ ମାହାତ୍ମ୍ୟର ଗୁରୁତ୍ୱ ବହନ କରୁଛି । ପୁରୀରେ ହବିଷ୍ୟାଳୀଙ୍କ ଭିଡକୁ ଲକ୍ଷ୍ୟରେ ରଖି ଗତ କିଛି ବର୍ଷ ଧରି ରାଜ୍ୟ ସରକାରଙ୍କ ପକ୍ଷରୁ ଆରମ୍ଭ କରାଯାଇଛି ହବିଷ୍ୟାଳୀ ଯୋଜନା । ୨୦୧୬ ମସିହାରୁ ଆରମ୍ଭ ହୋଇଥିବା ସରକାରଙ୍କ ଏହି ହବିଷ୍ୟାଳୀ ଯୋଜନା ମାଧ୍ୟମରେ ପ୍ରତିବର୍ଷ ଲକ୍ଷାଧିକ ଟଙ୍କା ଖର୍ଚ କରାଯାଇ ପ୍ରାୟ ୨୫୦୦ରୁ ଉର୍ଦ୍ଧ ହବିଷ୍ୟାଳିଙ୍କୁ କାର୍ତିକ ବ୍ରତ ପାଳନ ପାଇଁ ସମସ୍ତ ସୁବିଧା ସୁଯୋଗ ମାଗଣାରେ ଯୋଗାଇ ଦିଆଯାଉଛି | ହବିଷ୍ୟାଳୀମାନଙ୍କ ରହିବା, ଖାଇବା, ପୂଜା ପାଠ କରାଇବା, ମହାପ୍ରଭୁଙ୍କ ଦର୍ଶନ ସହ ମହାପ୍ରସାଦ ସେବନ ଓ ପ୍ରବଚନ ଇତ୍ୟାଦିର ବ୍ୟାପକ ସୁବିଧା ସୁଯୋଗ ମାଗଣାରେ ଦିଆଯାଉଛି ରାଜ୍ୟ ସରକାରଙ୍କ ଏହି ଯୋଜନା ବେଶ ଫଳପ୍ରଦ ହୋଇଥିବା ବେଳେ ବହୁ ଗରିବ ହବିଷ୍ୟାଳୀ ମାନଙ୍କ ପାଇଁ ହବିଷ ବ୍ରତ ପାଳନ କରିବାରେ ସହାୟକ ହୋଇଛି । ସତେଯେମିତି କାର୍ତ୍ତିକରେ ଏମାନେ କୋଟି ପୂଣ୍ୟର ଲାଭ ପାଉଛନ୍ତି । ସବୁକିଛି ସମ୍ଭବ ହୋଇଛି ରାଜ୍ୟ ସରକାରଙ୍କ ସଂସ୍କୃତି ବିଭାଗର ଉଦ୍ୟମ କାରଣରୁ ।

ବ୍ରତଚାରୀଙ୍କ ନିଷ୍ଠା ଓ ମହାପ୍ରଭୁଙ୍କ ରାଧା ଦାମୋଦର ବେଶ

ଏହି ଧର୍ମ ମାସରେ ବହୁସଂଖ୍ୟାରେ ଭକ୍ତ ଓ ଶ୍ରଦ୍ଧାଳୁ ବ୍ରତ ପାଳନ କରିବା ସହ ପୂଜା ପାଠ କରିବାର ପରଂପରା ରହିଛି । ଅତ୍ୟନ୍ତ ନିଷ୍ଠାର ସହ ବିଷ ବ୍ରତ ପାଳନ କରାଯାଇଥାଏ | ଡ଼ିଭୋରରୁ ତୀର୍ଥ ପୁଷ୍କରିଣୀ, ନଦୀ, ମହୋଦଧିରେ ସ୍ନାନ କରିବା ସହ ବ୍ରତଚାରୀ ମାନେ ମା ବୃନ୍ଦାବତୀଙ୍କ ମୂଳରେ ଜଳଦାନ କରି ପୂଜାର୍ଚ୍ଚନା କରିଥାନ୍ତି ସମ୍ପୂର୍ଣ ହିନ୍ଦୁ ଧାର୍ମିକ ରୀତିନୀତି ଅନୁସାରେ ବ୍ରତଚାରୀ ମାନେ ମାସର ପ୍ରାରମ୍ଭରୁ ସଂକଳ୍ପ ନେଇଥିବା ବେଳେ ପ୍ରତ୍ୟେହ ବୃନ୍ଦାବତୀ ପୂଜା ପରେ ଶ୍ରୀମନ୍ଦିର, ଅଥବା ଅନ୍ୟାନ୍ୟ ଦେବଦେବୀ ମନ୍ଦିରରେ ଦର୍ଶନ କରି ରାଇ ଦାମୋଦର ପୂଜା କରିଥାନ୍ତି ପୂଜା ଶେଷ ପରେ ହବିଷ୍ୟାଳୀ ବ୍ରତଚାରୀ ମାନେ ଜଳଖିଆ ଖାଇ କାର୍ତ୍ତିକ ପୁରାଣ ଅନୁସାରେ ଜପ, ଧ୍ୟାନ, ଦାନ ପୁଣ୍ୟ କରିଥାନ୍ତି ପରେ ସନ୍ଧ୍ୟା ପୂର୍ବରୁ ସମ୍ପୂର୍ଣ ଶୁଦ୍ଧପୁତରେ ନିର୍ମିତ ହବିଷ ଅର୍ଣ୍ଣ ଅଥବା ମହାପ୍ରସାଦ ଭୋଜନ କରିସାରି ସନ୍ଧ୍ୟାରେ ଦୀପଦାନ କରିବା ସହ ଆକାଶ ଦୀପ ଉଠାଇବାରେ ସାମିଲ ହୋଇ କାର୍ତ୍ତିକ ପୁରାଣ ଶ୍ରବଣ କରିଥାନ୍ତି ଶ୍ରୀକ୍ଷେତ୍ର ବ୍ୟତୀତ ଅନ୍ୟସ୍ଥାନ ଗୁଡ଼ିକରେ ବ୍ରତଚାରୀ ମାନେ ହବିଷଅନ୍ନ ଭୋଜନ ପ୍ରସ୍ତୁତ କରୁଥିବା ବେଳେ ଶ୍ରୀକ୍ଷେତ୍ରରେ ବିଭିନ୍ନ ମଠ ମନ୍ଦିରରେ ମଧ୍ୟ ହବିଷଅନ୍ନ ସମ୍ପୂର୍ଣ ନିଆରା ଢଙ୍ଗରେ ପ୍ରସ୍ତୁତ କରାଯାଇଥାଏ ଅରୁଆ ଚାଉଳରେ ହବିଷଅନ୍ନ କରାଯିବାର ଵିଧି ଥିବା ବେଳେ ମୁଗ ଡାଲି, କଦଳୀ, ସାରୁ, କଖାରୁ, ଦେଶୀଆଳୁକୁ ପକାଯାଇ ଡାଲମା ପ୍ରସ୍ତୁତ କରାଯାଇଥାଏ । ଏହି ମାସରେ ମହାପ୍ରଭୁ ରାଧା ଦାମୋଦର ବେଶରେ ଦର୍ଶନ ଦେବାର ପରଂପରା ରହିଛି ।

')}

Opn Commnet Area

Leave a Reply

Your email address will not be published. Required fields are marked *