ଆଉ ଅସହାୟ ହେବେନି ଅନାଥ, ବାପା ମା’ ଛେଉଣ୍ଡଙ୍କ ମୁଣ୍ଡ ଉପରେ ରହିଛି ନବୀନଙ୍କ ଆଶୀର୍ବାଦର ହାତ

କେନ୍ଦୁଝର: ଆଦିବାସୀଙ୍କ ବିକାଶକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଗୁରୁତ୍ବ । ପଦ୍ମଶ୍ରୀ ତୁଳସୀ ମୁଣ୍ଡାଙ୍କ ଦ୍ବାରା ପରିଚାଳିତ ଆଦିବାସୀ ବିକାଶ ଆଶ୍ରମର ଦାୟିତ୍ବ ନେଲେ ରାଜ୍ୟ ସରକାର । ଆଶ୍ରମର ସବୁ ଖର୍ଚ୍ଚ ରାଜ୍ୟ ସରକାର ବହନ କରିବେ । କେନ୍ଦୁଝର ଜିଲ୍ଲା ସେରେଣ୍ଡାରେ ଥିବା ପଦ୍ମଶ୍ରୀ ତୁଳସୀ ମୁଣ୍ଡାଙ୍କ ଆଦିବାସୀ ବିକାଶ ଆଶ୍ରମରେ ପହଞ୍ଚି ମୁଖ୍ୟମନ୍ତ୍ରୀଙ୍କ ଏହି ନିଷ୍ପତ୍ତିକୁ ଘୋଷଣା କରିଛନ୍ତି 5T ସଚିବ ଭିକେ ପାଣ୍ଡିଆନ । ଆଶ୍ରମରେ ପଢ଼ୁଥିବା ସମସ୍ତ ବାପାମାଆ ଛେଉଣ୍ଡଙ୍କ ଦାୟିତ୍ବ ନେଇଛନ୍ତି ମୁଖ୍ୟମନ୍ତ୍ରୀଙ୍କ ।

ଆଦିବାସୀ ଓ ଅନାଥ ପିଲାଙ୍କ ମୁଣ୍ଡ ଉପରେ ସବୁବେଳେ ମୁଖ୍ୟମନ୍ତ୍ରୀଙ୍କ ଆଶୀର୍ବାଦର ହାତ ରହିଛି ବୋଲି 5T ସଚିବ କହିଛନ୍ତି । କେନ୍ଦୁଝର ଗସ୍ତରେ ଯାଇ ପଦ୍ମଶ୍ରୀ ତୁଳସୀ ମୁଣ୍ଡାଙ୍କୁ ଭେଟିଥିଲେ ଭି.କେ ପାଣ୍ଡିଆନ । ତୁଳସୀ ମୁଣ୍ଡାଙ୍କ ସହ ପୂରା ଆଶ୍ରମ ବୁଲି ଦେଖିଲେ । ପିଲାଙ୍କ ସହ କଥା ହୋଇଥିଲେ । ଆଦିବାସୀ ବିକାଶ ଆଶ୍ରମ ଓ ପିଲାଙ୍କ ପାଇଁ ବଡ଼ ଘୋଷଣା କରିଥିବାରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ 5T ସଚିବଙ୍କୁ ପଦ୍ମଶ୍ରୀ ତୁଳସୀ ମୁଣ୍ଡା ଧନ୍ୟବାଦ ଦେଇଛନ୍ତି ।