ଟୁଇନସିଟିରେ କଡା ସୁରକ୍ଷା ବ୍ୟବସ୍ଥା, ସ୍ପେଶାଲ ସର୍ଭେଲାନ୍ସରେ ଭୁବନେଶ୍ବର

ଭୁବନେଶ୍ବର: ପହଲଗାଓଁ ଘଟଣା ପରେ ଟୁଇନସିଟିରେ କଡା ସୁରକ୍ଷା । ସ୍ପେଶାଲ ସର୍ଭେଲାନ୍ସରେ ରାଜ୍ୟର ରାଜଧାନୀ ଭୁବନେଶ୍ବର। ସିକ୍ୟୁରିଟି ବ୍ୟବସ୍ଥାକୁ କଡାକଡି କରାଯାଇଛି ବୋଲି ସୂଚନା ଦେଇଛନ୍ତି ପୋଲିସ କମିଶନର । ସାଦା ପୋଷାକରେ ପୋଲିସର ସ୍ପେଶାଲ ଅଫିସର ନିରୀକ୍ଷଣ କରୁଛନ୍ତି । ସନ୍ଦିଗ୍ଧଙ୍କ ଉପରେ କଡା ନଜର ରହିଛି । ସିସିଟିଭି ସବୁ ଯାଞ୍ଚ କରାଯାଉଛି । ପୂର୍ବାପେକ୍ଷା  ଆହୁରି କଡାକଡି ଭାବେ ସହରର ପ୍ରବେଶ ଓ ପ୍ରସ୍ଥାନ ପଥରେ ପୋଲିସ ମୁତୟନ କରାଯାଇଛି । ସମ୍ବେଦନଶୀଳସ୍ଥାନ ଓ ଜନଗହଳି ପୂର୍ଣ୍ଣ ସ୍ଥାନରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ସମସ୍ତ ପରିସ୍ଥିତିର ମୁକାବିଲା ପାଇଁ କମିଶନରେଟ ପୋଲିସ ପ୍ରସ୍ତୁତ ଥିବା କହିଛନ୍ତି ପୋଲିସ କମିଶନର ସୁରେଶ ଦେବଦତ୍ତ ସିଂ ।