ନୟାଗଡ଼ ଜିଲ୍ଲା ଖଣ୍ଡପଡ଼ା ଢୋଲମରା ସରପଞ୍ଚଙ୍କୁ ହତ୍ୟା ମାମଲାର ମୁଖ୍ୟ ଅଭିଯୁକ୍ତ ଗିରଫ
ନୟାଗଡ଼: ଖଣ୍ଡପଡ଼ା ଥାନା ଅନ୍ତର୍ଗତ ଢୋଲମରାର ସରପଞ୍ଚ ସୁଶାନ୍ତ ବେହେରା ହତ୍ୟା ଘଟଣାର ମୁଖ୍ୟ ଅଭିଯୁକ୍ତ ଗିରଫ । ମୁଖ୍ୟ ଅଭିଯୁକ୍ତ କୁଳମଣି ସ୍ୱାଇଁଙ୍କୁ ଗିରଫ କରିଛି ଖଣ୍ଡପଡ଼ା ଥାନା ପୋଲିସ । ଗତକାଲି ପୂର୍ବ ଶତ୍ରୁତାକୁ କେନ୍ଦ୍ରକରି ସରପଞ୍ଚ ସୁଶାନ୍ତ ବେହେରାଙ୍କୁ ହତ୍ୟା କରାଯାଇଥିଲା । ସୁଶାନ୍ତ ବିଳମ୍ବିତ ରାତିରେ ଘର ଆଗରେ ଛିଡ଼ା ହୋଇଥିବା ବେଳେ ସେହି ଗାଁର କୁଳମଣି ସ୍ୱାଇଁ ତାଙ୍କୁ ଧାରୁଆ ଅସ୍ତ୍ରରେ ଆକ୍ରମଣ କରିଥିଲା ।
ଗୁରୁତର ଅବସ୍ଥାରେ ତାଙ୍କୁ ଗଣିଆ ଓ ପରେ ନୟାଗଡ଼ ମେଡିକାଲ ସ୍ଥାନାନ୍ତର କରିଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ସୂଚନା ଅନୁସାରେ ଅଭିଯୁକ୍ତ କୁଳମଣି ସ୍ୱାଇଁ ଓ ତାଙ୍କ ସ୍ତ୍ରୀଙ୍କ ମଧ୍ୟରେ ବିଭିନ୍ ସମୟରେ ବହୁବାର ଝଗଡ଼ା ହୋଇଥିଲା । ସରପଞ୍ଚ ସୁଶାନ୍ତ ବେହେରା ହସ୍ତକ୍ଷେପ କରି ଆପୋଷ ସମାଧାନ କରିଆସୁଥିଲେ । ଗତକାଲି ପୁଣି କୁଳମଣି ଓ ତାଙ୍କ ସ୍ତ୍ରୀଙ୍କ ମଧ୍ୟରେ ବିବାଦ ଲାଗିଥିଲା ।
ଏନେଇ ଖଣ୍ଡପଡ଼ା ଥାନାରେ କୁଳମଣିଙ୍କ ସ୍ତ୍ରୀ ଅଭିଯୋଗ କରିଥିଲେ । ଅଭିଯୋଗ ପଛରେ ସରପଞ୍ଚଙ୍କ ହାତ ଥିବା ସନ୍ଦେହ କରି ଅଭିଯୁକ୍ତ କୁଳମଣି ସରପଞ୍ଚଙ୍କୁ ଆକ୍ରମଣ କରିଥିଲା । ଉଭୟଙ୍କ ମଧ୍ୟରେ ରାଜନୈତିକ ଶତ୍ରୁତା ଥିବା ମଧ୍ୟ ଅଭିଯୋଗ ହୋଇଛି ।
