ସରକାରୀ ଘାଟ ବନ୍ଦ, ଚାଲିଛି ବାଲିଚୋରି
କଟକ: ବାଲି ଘାଟ ବନ୍ଦ, ହେଲେ ଚାଲିଛି ଚୋରା ଚାଲାଣ। ଶହ ଶହ ଟ୍ରକ ବାଲି ଚୋରା ଚାଲାଣ କରୁଛନ୍ତି ବାଲି ମାଫିଆ। କଣ୍ଟାପଡା ତହସିଲ ଅଧୀନରେ ଥିବା ସମସ୍ତ ବାଲି ଘାଟ ବନ୍ଦ ପାଇଁ ନିର୍ଦ୍ଦେଶ ଦେଇଥିଲେ କଟକ ଜିଲ୍ଲାପାଳ। ବାଲି ଘାଟ ବନ୍ଦ ପରେ ଦେବୀ ଓ କନ୍ଦଳ ନଦୀର ବାଲି ଉପରେ ବାଲି ଚୋରଙ୍କ ନଜର ରହିଛି। ବିଳମ୍ବିତ ରାତିରେ ଶହ ଶହ ଟ୍ରକ ବାଲି ବାହାରକୁ ଚାଲାଣ କରାଯାଉଛି।
ଗତ କିଛି ଦିନ ହେଲା ଏଭଳି ଚୋରୀ ଚାଲିଥିବା ବେଳେ ଅଞ୍ଚଳବାସୀ କଟକ ଜିଲ୍ଲାପାଳ, ଏସପି ଓ ଜିଲ୍ଲା ଖଣି ଅଧିକାରୀଙ୍କୁ ଭେଟି ତୁରନ୍ତ କାର୍ଯ୍ୟାନୁଷ୍ଠାନ ପାଇଁ ଦାବୀ କରିଛନ୍ତି । ଅଭିଯୋଗ ପରେ ଅଧିକାରୀ ମାନେ କାର୍ଯ୍ୟାନୁଷ୍ଠାନ ଗ୍ରହଣ କରିବା ନେଇ ପ୍ରତିଶୃତି ଦେଇଛନ୍ତି।
