ନବମ ରାଜ୍ୟ ସୁଟିଂ ସ୍ପୋର୍ଟ୍ସ ପ୍ରତିଯୋଗିତାରେ ବେଷ୍ଟ ସୁଟର ରାଣା ପ୍ରତାପ ବ୍ରହ୍ମା

ଭୁବନେଶ୍ୱର: ନବମ ରାଜ୍ୟ ସୁଟିଂ ସ୍ପୋର୍ଟ୍ସ ପ୍ରତିଯୋଗିତା ଉଦଯାପିତ । ରାଜ୍ୟ ରାଇଫଲ ସଂଘ ପକ୍ଷରୁ ଆୟୋଜିତ ଏହି ପ୍ରତିଯୋଗିତା ଜାନୁଆରୀ ୧ ତାରିଖ ଠାରୁ ଆରମ୍ଭ ହୋଇ ମଙ୍ଗଳବାର ୫ ତାରିଖରେ ଶେଷ ହୋଇଛି । ଜାନୁଆରୀ ୧ ଓ ୨ ତାରିଖରେ ୨୨ ରାଇଫଲ ଓ ୨୨ ପିସ୍ତଲ (୨୫ ମିଟର) ଫାୟାରିଂ ପ୍ରତିଯୋଗିତା ନରାଜ ଫାୟାରିଂ ରେଞ୍ଜରେ କରାଯାଇଥିଲା । ପରେ ୩ ତାରିଖ ୪ ତାରିଖ ଓ ୫ ତାରିଖରେ ଭୁବନେଶ୍ୱର ଉତ୍କଳ କରାଟେ ସ୍କୁଲ ପରିସରରେ ଥିବା ଇଲେକ୍ଟ୍ରୋନିକ୍ ରେଞ୍ଜ‌ରେ ୧୦ ମିଟର ଫାୟାରିଂ ପ୍ରତିଯୋଗିତା କରାଯାଇଥିଲା ।

କୋଭିଡ୍‌ କଟକଣା ଭିତରେ ଏହି ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ପ୍ରତିଯୋଗିତାରେ ପୁରୁଷ ବର୍ଗରେ ବେଷ୍ଟ ସୁଟର ଭାବେ ରାଣା ପ୍ରତାପ ବ୍ରହ୍ମା ବିବେଚିତ ହୋଇଥିବା ବେଳେ ମହିଳା ବର୍ଗରେ ବେଷ୍ଟ ସଟର ପୁରସ୍କାର ପ୍ରୀୟା ପ୍ରତିଶ୍ରୁତି ବେହେରାଙ୍କୁ ମିଳିଛି ।