ମୁମ୍ବାଇ ଘାଟକୋପରରେ ଭୁଶୁଡ଼ିଲା ବିଲ୍ଡିଂ
1 min read
ମୁମ୍ବାଇ: ମୁମ୍ବାଇ ଘାଟକୋପରରେ ଭୁଶୁଡ଼ିଲା ବିଲ୍ଡିଂ । ଘାଟକୋପର ଇଷ୍ଟ ରାଜଓ୍ବାଡି କଲୋନୀରେ ଏକ ତିନି ମହଲା ବିଶିଷ୍ଟ ବିଲ୍ଡିଂର ତଳ ମହଲା ସମ୍ପୂର୍ଣ୍ଣ ଭୁଶୁଡ଼ି ପଡ଼ିଥିବା ବେଳେ ଉପର ଦୁଇ ମହଲା ବିପଦଜ୍ଜନକ ଅବସ୍ଥାରେ ରହିଛି । ୪ ଜଣଙ୍କୁ ବିଲ୍ଡିଂ ଭିତରୁ ସୁରକ୍ଷିତ ଉଦ୍ଧାର କରାଯାଇଛି । ପ୍ରଥମ ମହଲାରେ ଏବେ ବି ଦୁଇ ଜଣ ଫସି ରହିଥିବା ଜଣାପଡ଼ିଛି । NDRFର ତିନିଟି ଟିମ୍ ଘଟଣାସ୍ଥଳରେ ପହଞ୍ଚି ରେସ୍କ୍ୟୁ ଅପରେସନ ଜାରି ରହିଛି । ବ୍ରିହାନ ମୁମ୍ବାଇ ମ୍ୟୁନିସିପାଲିଟି ଓ ଅଗ୍ନିଶମ ବାହିନୀ ଟିମ୍ ଦୁର୍ଘଟଣାସ୍ଥଳରେ ପହଞ୍ଚିଛି । ସେପଟେ ମହାରାଷ୍ଟ୍ର ଥାନେର ଏକ ରେଷ୍ଟୁରାଣ୍ଟରେ ଛାତ ଭୁଶୁଡ଼ିବା ଯୋଗୁ ତିନି ଜଣ ଆହତ ହୋଇଛନ୍ତି । ଶନିବାର ରାତିରେ ଦୁର୍ଘଟଣା ଘଟିଥିବା ବେଳେ ଆହତମାନଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି ।
