ସନ୍ଧାନୀ କୁକୁର ‘ଗ୍ରେସିଇ’ ଚାଲିଗଲା, ଶ୍ରଦ୍ଧାଞ୍ଜଳୀ ଦେଲା ଓଡ଼ିଶା ପୋଲିସ୍….

କୋରାପୁଟ: ସନ୍ଧାନୀ କୁକୁର ଗ୍ରେସିଇର ମୃତ୍ୟୁ ଘଟିଛି । ଅପରାଧିଙ୍କୁ ଧରିବାରେ ଧୁରନ୍ଧର ଥିବା ଏହି କୁକୁର ୯ ବର୍ଷ ବୟସରେ ପ୍ରାଣ ଛାଡିଛି । ଗ୍ରେସିଇର ମୃତ୍ୟୁ ପୋଲିସ ବିଭାଗ ପାଇଁ ଏକ ବଡ଼ କ୍ଷତି । ସେ ମଧ୍ୟପ୍ରଦେଶର ଜାତୀୟ ତାଲିମ କେନ୍ଦ୍ରରେ ତାଲିମ ନେଇଥିଲା । ନବରଙ୍ଗପୁର, କଳାହାଣ୍ଡି ଓ କୋରାପୁଟ ଜିଲ୍ଲା ପୋଲିସ ବିଭାଗର ତଦନ୍ତ ପ୍ରକ୍ରିୟାରେ ଗ୍ରେସିଇକୁ ଅନେକ ବାର ସାମିଲ କରାଯାଇଛି ।

ହତ୍ୟା, ଚୋରି ଓ ଡ଼କାୟତି ଭଳି ଅନେକ ବଡ଼ବଡ଼ ମାମଲା ଗ୍ରେସିଇର ସହାୟତାରେ ସମାଧାନ ହୋଇପାରିଛି । ତେବେ ଗ୍ରେସିଇର ମୃତ୍ୟୁ ପରେ କୋରାପୁଟ ଜିଲ୍ଲା ପୋଲିସ ଦୁଃଖପ୍ରକାଶ କରିବା ସହ ତା’ ପ୍ରତି ଶ୍ରଦ୍ଧାଞ୍ଜଳୀ ଅର୍ପଣ କରିଛି ।