୧୦ ହଜାର ତଳେ ଦୈନିକ ସଂକ୍ରମଣ, ୨୪ ଘଣ୍ଟାରେ ୯ ହଜାର ୮୩୩ ଆକ୍ରାନ୍ତ ଚିହ୍ନଟ

1 min read

ଭୁବନେଶ୍ୱର: ରାଜ୍ୟରେ କମିଲା କରୋନା ସଂକ୍ରମଣ । ୧୦ ହଜାର ତଳେ ଦୈନିକ ସଂକ୍ରମଣ । ୨୪ ଘଣ୍ଟାରେ ରାଜ୍ୟରେ ୯ ହଜାର ୮୩୩ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ୨୪ ଘଣ୍ଟାରେ ଚିହ୍ନଟ ହୋଇଥିବା କରୋନା ଆକ୍ରାନ୍ତ ମଧ୍ୟରୁ କ୍ୱାରେଣ୍ଟାଇନରୁ ୫ ହଜାର ୬୯୯ ଆକ୍ରାନ୍ତ ଚିହ୍ନଟ ହୋଇଥିବାବେଳେ ୪ ହଜାର ୧୩୪ ଲୋକାଲ କେସ୍ ଓ ୦ ରୁ ୧୮ ବର୍ଷ ମଧ୍ୟରେ ୯୭୨ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ୨୪ ଘଣ୍ଟାରେ ରାଜ୍ୟରେ କରୋନାରେ ୬ ଜଣଙ୍କର ମୃତ୍ୟୁ ହୋଇଥିବା ସ୍ୱାସ୍ଥ୍ୟ ବିଭାଗ ସୂଚନା ଦେଇଛି ।

୨୪ ଘଣ୍ଟାରେ ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ ଖୋର୍ଦ୍ଧାରୁ ସର୍ବାଧିକ ଆକ୍ରାନ୍ତ ଚିହ୍ନଟ ହୋଇଛନ୍ତି । ଖୋର୍ଦ୍ଧାରେ ସର୍ବାଧିକ ୨ ହଜାର ୯୪୬ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ସୁନ୍ଦରଗଡ଼ରୁ ୧ ହଜାର ୧୩୪ ଜଣ ଥିବା ବେଳେ, କଟକରୁ ୭୭୪, ଷ୍ଟେଟ୍ ପୁଲରୁ ୫୭୭, ମୟୂରଭଞ୍ଜରୁ ୨୯୫, ନୟାଗଡ଼ରୁ ୨୯୨, ବାଲେଶ୍ୱରରୁ ୨୮୬, ବଲାଙ୍ଗୀରରୁ ୨୮୮, ରାୟଗଡ଼ାରୁ ୨୭୪, ଜୟପୁରରୁ ୨୫୬, ସମ୍ବଲପୁରରୁ ୨୦୬, କୋରାପୁଟରୁ ୧୭୪ ଜଣ ପଜିଟିଭ୍ ଚିହ୍ନଟ ହୋଇଛନ୍ତି । ନୂଆପଡ଼ାରୁ ୧୭୩, ବରଗଡ଼ରୁ ୧୭୨, କଳାହାଣ୍ଡିରୁ ୧୭୧, ଝାରସୁଗୁଡ଼ା ଓ କେନ୍ଦୁଝରରୁ ୧୬୮ ଜଣ ଲେଖାଏଁ, ନବରଙ୍ଗପୁରରୁ ୧୫୬, ଜଗତସିଂହପୁରରୁ ୧୫୨, ପୁରୀରୁ ୧୪୬, ଭଦ୍ରକରୁ ୧୨୯, ବୌଦ୍ଧରୁ ୧୨୦, ସୋନପୁରରୁ ୧୧୭, ଅନୁଗୁଳରୁ ୧୧୪, କେନ୍ଦ୍ରାପଡ଼ାରୁ ୯୯, ଢ଼େଙ୍କାନାଳରୁ ୯୫, କନ୍ଧମାଳରୁ ୯୧, ଗଜପତିରୁ ୮୮, ଗଞ୍ଜାମରୁ ୬୯, ମାଲକାନଗିରିରୁ ୫୬, ଦେବଗଡ଼ରୁ ୪୭ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେହିପରି ଭାବରେ ଗତ ୨୪ ଘଣ୍ଟାରେ ୮ ହଜାର ୪୭୧ ଜଣ ସୁସ୍ଥ ହୋଇଛନ୍ତି ।

 

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published.