ବଦଳିଲେ ବିଭିନ୍ନ ବିଭାଗର ଓଏଏସ୍ ଅଧିକାରୀ

ଭୁବନେଶ୍ୱର: ଓଏଏସ୍ ସ୍ତରରେ ଅଦଳବଦଳ । ରାଜ୍ୟ ପଣ୍ୟାଗାର ନିଗମ ପରିଚାଳନା ନିର୍ଦ୍ଦେଶକ ପ୍ରଦୀପ ଗରଡ଼ିଆଙ୍କୁ ରାଜ୍ୟ ସରକାରଙ୍କ ଏସସି ଏସ୍ଟି ବିଭାଗର ସ୍ୱତନ୍ତ୍ର ସଚିବ ଭାବେ ବଦଳି କରାଯାଇଛି । ସେହିପରି ଇଡକୋ ଜିଏମ୍ ଡକ୍ଟର ଗଣେଶ୍ବର ଜେନାଙ୍କୁ ରାଜ୍ୟ ପଣ୍ୟଗାର ନିଗମ ପରିଚାଳନା ନିର୍ଦ୍ଦେଶକ ଦାୟିତ୍ବ ଦିଆଯାଇଛି । ଜଗତସିଂହପୁର ଡିଆରଡିଓ ପିଡି ସରୋଜକାନ୍ତ ମହାନ୍ତିଙ୍କୁ ଇଡ୍କୋ ସିଜିଏମ୍ ଭାବେ ନିଯୁକ୍ତି ଦିଆଯାଇଛି ।

ପୁରୀ ଏଡିଏମ୍ ସୁବାସ ଚନ୍ଦ୍ର ନାଥଶର୍ମାଙ୍କୁ ଇଡ୍କୋ ଏମଏସଏମଇ ଜିଏମ୍ ଭାବେ ନିଯୁକ୍ତି ଦିଆଯାଇଛି । ସେହିପରି ଆନନ୍ଦପୁର ବ୍ୟାରେଜ ପ୍ରକଳ୍ପର ସ୍ବତନ୍ତ୍ର ଏଲଏଓ ସୁଚାରୁ କୁମାର ବଳ ମୟୂରଭଞ୍ଜ ଏଡିଏମ୍ ଭାବେ ନିଯୁକ୍ତି ଦିଆଯାଇଛି । ସୁନ୍ଦରଗଡ଼ ଏଡିଏମ୍ ଭାବେ ଶିବ ଟପ୍ପୋଙ୍କୁ ନିଯୁକ୍ତି ମିଳିଛି । ରାଜ୍ୟ କ୍ଷୁଦ୍ର ଖଣିଜ ନିର୍ଦ୍ଦେଶାଳୟର ଯୁଗ୍ମ ନିର୍ଦ୍ଦେଶକ ଭାବେ ଦେବାଶିଷ ପଟ୍ଟନାୟକଙ୍କୁ ଦାୟିତ୍ବ ମିଳିଛି । ସେ ଏବେ କୃଷି ମନ୍ତ୍ରୀଙ୍କ ଓଏସ୍ଡି ଭାବେ ସେ ଏବେ କାର୍ଯ୍ୟରତ ।

ଜଗତସିଂହପୁର ଡିଆରଡିଓ ପିଡି ଭାବେ ରୁଦ୍ରନାରାୟଣ ଦାସଙ୍କୁ ନିଯୁକ୍ତି ଦିଆଯାଇଛି । ସେହିପରି ଦିଲ୍ଲୀପ କୁମାର ମହାପାତ୍ରଙ୍କୁ ପୁରୀ ଏଡିଏମ୍ ଭାବେ ନିଯୁକ୍ତି ମିଳିଛି । ଆଲୋକ କୁମାର ପ୍ରଧାନଙ୍କୁ ପାରଳାଖେମୁଣ୍ଡି ଉପଜିଲ୍ଲାପାଳ ଭାବେ ନିଯୁକ୍ତି ମିଳିଛି । ପ୍ରେମାଂଶୁ ଚାନ୍ଦଙ୍କୁ କରଞ୍ଜିଆ ଉପଜିଲ୍ଲାପାଳ ଦାୟିତ୍ବ ଦିଆଯାଇଛି ।