ଏଣିକି ଭୁବନେଶ୍ୱରର ରାସ୍ତାକଡ଼ରେ ରଖିପାରିବେନି ଗାଡି
ଭୁବନେଶ୍ୱର: ରାଜଧାନୀ ଭୁବନେଶ୍ୱରର ରାସ୍ତାକଡ଼ରେ ଏବେ ଗାଡି ରଖିବା ମନା । ରାଜଧାନୀର ରାସ୍ତାକଡ଼ରେ ଦୁଇଚକିଆ କି ଚାରିଚକିଆ ଗାଡ଼ି ରଖିପାରିବେନି ଚାଳକ । ଏନେଇ କମିଶନରେଟ୍ ପୋଲିସ ପକ୍ଷରୁ ସୂଚନା ମିଳିଛି ।
ସୂଚନା ମୁତାବକ କମିଶନରେଟ୍ ପୋଲିସ ପକ୍ଷରୁ ରାସ୍ତାକଡ଼ରେ ଗାଡ଼ି ରଖିବା ଉପରେ କଟକଣା ଲାଗୁ କରାଯାଇଛି। ଏଥିପାଇଁ ସ୍ୱତନ୍ତ୍ର ଡ୍ରାଇଭ୍ ମଧ୍ୟ ଆରମ୍ଭ ହୋଇଛି । ଏସମ୍ପର୍କରେ ଡାକବାଜି ଯନ୍ତ୍ରରେ ଲୋକଙ୍କୁ ସଚେତନ କରାଯାଉଛି।
ତେବେ ନିୟମ ଖିଲାପକାରୀଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ରାସ୍ତା କଡ଼ରେ ଥିବା ଗାଡ଼ିକୁ କ୍ରେନ୍ରେ ଉଠାଇ ନିଆଯିବ । ଅପରପକ୍ଷରେ ଜରିମାନା ସହ କ୍ରେନ୍ ବାବଦ ଖର୍ଚ୍ଚ ବି ଗାଡ଼ି ମାଲିକ ଦେବେ ବୋଲି ସୂଚନା ଦିଆଯାଇଛି ।
