ନେହାଙ୍କ ନୂଆ ବୟଫ୍ରେଣ୍ଡ୍ !
ମୁମ୍ବାଇ: ଇଣ୍ଡିଆନ ଆଇଡଲ ଭଳି ଲୋକପ୍ରିୟ ରିୟଲିଟି ସୋ ରେ ବର୍ତ୍ତମାନ ଆଙ୍କର୍ ଆଦିତ୍ୟ ନାରାୟଣ ଓ ଜଜ୍ ନେହା କକ୍କରଙ୍କ ବିବାହକୁ ନେଇ ଚର୍ଚ୍ଚା ଲାଗି ରହିଛି । ଦୁହେଁ ଫେବୃଆରୀ ୧୪ରେ ବିବାହ କରିବା ନେଇ ଚର୍ଚ୍ଚା ଜୋର ଧରିଛି ।
ତେବେ ନିକଟରେ ଇଣ୍ଡିଆନ୍ ଆଇଡିଅଲର ଏକ ଏପିସୋଡ୍ ରେ ଆଦିତ୍ୟଙ୍କ ବାପା ତଥା କଣ୍ଠଶିଳ୍ପୀ ଉଦିଦ୍ ନାରାୟଣ ଏ ନେଇ ନିଜ ସହମତି ଥିବା କଥା ପ୍ରକାଶ କରି ସାରିଛନ୍ତି । ନିକଟରେ ବିବାହ କରିବା ନେଇ ଯେଉଁ ଭିଡିଓ ଭାଇରାଲ ହୋଇଥିଲା, ତାହା କେବଳ ନେହାଙ୍କୁ ଚିଡ଼ାଇବା ପାଇଁ ଥିଲା ବୋଲି ଆଦିତ୍ୟ କରିଥିଲେ ।
ବିବାହ କରିବା ଖବରରେ କୌଣସି ସତ୍ୟତା ନ ଥିଲା ବୋଲି ସ୍ପଷ୍ଟ ହୋଇ ସାରିଥିଲେ ମଧ୍ୟ ନେହାଙ୍କ ଇନଷ୍ଟା ପୋଷ୍ଟ୍ କିଛି ଅଲଗା କହୁଥିବା ଦେଖାଯାଇଛି ।
ମିଛ ଚର୍ଚ୍ଚା ମଧ୍ୟରେ ନେହା ସତରେ ଆଦିତ୍ୟଙ୍କୁ ଭଲପାଇ ବସିଥିବା ନେଇ ତାଙ୍କ ପୋଷ୍ଟ୍ରୁ ଜଣା ପଡ଼ୁଛି । ନେହା ନିଜ ଇନଷ୍ଟା ପୋଷ୍ଟରେ ଏକ ଫଟୋ ସେୟାର କରିଛନ୍ତି । ଯେଉଁଥିରେ ସେ ନିଜ ହାତରେ ଅଧା ହୃଦୟ ତିଆରି କରିଥିବା ଦେଖାଯାଇଛି । ଫଟୋ କ୍ୟାପସନରେ ଲେଖାଯାଇଛି, ଫେବୃଆରି ୧୪ । ସେହିଭଳି ଭାବରେ ଆଦିତ୍ୟ ମଧ୍ୟ ନିଜ ଇନଷ୍ଟାରେ ସମାନ ଫଟୋ ପୋଷ୍ଟ କରିଛନ୍ତି । ନିଜ ହାତରେ ଅଧା ହୃଦୟ ଇଙ୍ଗିତ କରୁଥିବା ଫଟୋ ଆଦିତ୍ୟ ସେୟାର କରିବା ପରେ ଦୁହିଁଙ୍କ ମଧ୍ୟରେ ପ୍ରେମ ସଂପର୍କ ଆରମ୍ଭ ହୋଇଯାଇଥିବା ନେଇ ଚର୍ଚ୍ଚା ପୁଣି ଜୋର ଧରିବାରେ ଲାଗିଛି । ତେବେ ପ୍ରକୃତରେ ଦୁହେଁ ନିଜ ନିଜ ପାଇଁ କ’ଣ ଯୋଜନା ରଖିଛନ୍ତି, ତାହା ଫେବୃଆରି ୧୪ରେ ହିଁ ସ୍ପଷ୍ଟ ହୋଇପାରିବ ।
