ଆଜି ନାସାର ମାନବବିହୀନ ମୁନ୍ ମିସନ! ଲଞ୍ଚ ହୋଇପାରେ ଆର୍ଟିମିସ-୧

ୱାଶିଂଟନ୍‌: ଆଜି ହୋଇପାରେ ନାସାର ମାନବବିହୀନ ମୁନ ମିସନ । ଲଞ୍ଚ ହୋଇପାରେ ଆର୍ଟିମିସ-୧ । ଫ୍ଲୋରିଡା କେନେଡି ସ୍ପେସ୍ ସେଣ୍ଟରରୁ ମାନବବିହୀନ ଯାନ ଉତ୍‌କ୍ଷେପଣ କରାଯିବା ଲାଗି ଧାର୍ଯ୍ୟ କରାଯାଇଛି । ଗତ ୨୯ ତାରିଖରେ ଏହାକୁ ଲଞ୍ଚ କରିବା ଲାଗି ସ୍ଥିରୀକୃତ ହୋଇଥିବା ବେଳେ ଯାନ୍ତ୍ରିକ ତ୍ରୁଟି କାରଣରୁ ଏହାକୁ ଶେଷ ମୁହୂର୍ତ୍ତରେ ବାତିଲ କରାଯାଇଥିଲା ।

ଚନ୍ଦ୍ର ପୃଷ୍ଠରେ ମାନବ ବସତି ଲାଗି ନାସା ଚଳାଇଛି ଉଦ୍ୟମ । ଗ୍ରହ, ଉପଗ୍ରହ ସଂକ୍ରାନ୍ତ ତଥ୍ୟ ଲାଗି ଏହି ଅଭିଯାନ ଉଦ୍ଦିଷ୍ଟ । ପ୍ରାୟ ୫୦ବର୍ଷ ପରେ ପୁଣି ଜହ୍ନକୁ ଯାତ୍ରା ଲାଗି ଜୋରଦାର ଚାଲିଛି ପ୍ରୟାସ । ଦକ୍ଷିଣ ମେରୁରେ ପାଣି, ବରଫ, ଇନ୍ଧନ ସନ୍ଧାନ କରିବା ଲାଗି ଏହି ମିସନ ଉଦ୍ଦିଷ୍ଟ ରହିଛି । ଆସନ୍ତା ଦିନରେ ମହାକାଶ ସମ୍ପର୍କରେ ଅଧିକ ଗବେଷଣା କରିବା, ଚନ୍ଦ୍ର ପୃଷ୍ଠକୁ ପୁଣି ମାନବ ସହିତ ଯାନ ପଠାଇବା ଲାଗି ଏହି ମିସନ କ୍ଷେତ୍ର ପ୍ରସ୍ତୁତ କରିବ । ନାସାର କେନେଡି ସ୍ପେସ ସେଣ୍ଟର ଲଞ୍ଚ ପ୍ୟାଡ ୩୯-ବି’ରୁ ଏହାର ଉତକ୍ଷେପଣ କରାଯିବ । ଓରିଅନ ସ୍ପେସକ୍ରାଫ୍ଟ, ସ୍ପେସ ଲଞ୍ଚ ସିଷ୍ଟମ ବା ଏସଏଲଏସ ରକେଟ ଓ ଗ୍ରାଉଣ୍ଡ ସିଷ୍ଟମ ଜରିଆରେ ଏହାର ଉଦକ୍ଷେପଣ କରାଯିବ । ଏସଏଲଏସର ଇଞ୍ଜିନ ନମ୍ବର ୩ରେ ଅତ୍ୟଧିକ ଉତ୍ତାପ ପରିଲକ୍ଷିତ ହୋଇଥିବାରୁ ଏହାର ଉତକ୍ଷେପଣ ବାତିଲ ହୋଇଥିଲା । ଚନ୍ଦ୍ରପୃଷ୍ଠରେ ପହଞ୍ଚିବା ଲାଗି ଆର୍ଟିମିସକୁ ଲାଗିବ ୪୨ ଦିନ ୩ ଘଣ୍ଟା ଓ ୨୦ ମିନଟ । ପୃଥିବୀରୁ ପ୍ରାୟ ୪ ଲକ୍ଷ ୫୦ ହଜାର କିଲୋମିଟର ଓ ଚନ୍ଦ୍ର ପାର୍ଶ୍ବରେ ପ୍ରାୟ ୬୪ ହଜାର କିଲୋମିଟର ଯାତ୍ରା କରିବ ଆର୍ଟିମିସ ।