SCB ପ୍ଲାଟିନମ ଜୟନ୍ତୀରେ ଚିକିତ୍ସା ସେବାକୁ WHOର ପ୍ରଶଂସା

କଟକ: ଏସସିବି ବଡ଼ ମେଡିକାଲର ଚିକିତ୍ସା ସେବାକୁ ପ୍ରଶଂସା କରିଛି ବିଶ୍ୱ ସ୍ୱାସ୍ଥ୍ୟ ସଂଗଠନ । ଯାହା ଆମ ଡାକ୍ତର ବନ୍ଧୁ ମାନଙ୍କ ପାଇଁ ସମ୍ଭବପର ହୋଇପାରିଛି । ଏସସିବିର ବରିଷ୍ଠ ଡାକ୍ତର ଆଜି ସମଗ୍ର ବିଶ୍ୱରେ ପ୍ରଂଶସନୀୟ ହୋଇପାରିଛନ୍ତି । ରାଜ୍ୟ ସରକାର ଉପାନ୍ତରୁ ଉପକୂଳରେ ଥିବା ସମସ୍ତ ଲୋକଙ୍କୁ ଉତ୍ତମ ଚିକିତ୍ସା ସେବା ଯୋଗାଇଦେବାକୁ ପ୍ରତିଶୃତିବଦ୍ଧ ବୋଲି କହିଛନ୍ତି ମୁଖ୍ୟମନ୍ତ୍ରୀ ନବୀନ ।

ଏସସିବି ମେଡିକାଲର ଉନ୍ନତିକରଣ, ଅତ୍ୟାଧୁନିକ ସେବା ଯୋଗାଇବା ରାଜ୍ୟ ସରକାରଙ୍କ ପ୍ରଧାନ ଉଦେଶ୍ୟ  । ମେଡିକାଲକୁ ବିଶ୍ୱସ୍ତରୀୟ କରିବା ସହ ଏମସ ପ୍ଲସରେ ପରିଣତ କରିବା ମୋର ସ୍ୱପ୍ନ ବୋଲି କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ  । ଏସସିବିର ପ୍ଲାଟିନମ୍ ଜୟନ୍ତୀ ସମାରୋହରେ ମୁଖ୍ୟ ଅତିଥି ଭାବେ ଯୋଗଦେଇ ଏହା କହିଛନ୍ତି ମୁଖ୍ୟମନ୍ତ୍ରୀ । ସମର୍ପିତ ସେବା ପାଇଁ ଏସସିବିର ସମସ୍ତ ଡାକ୍ତର କର୍ମଚାରୀଙ୍କୁ ମୁଖ୍ୟମନ୍ତ୍ରୀ ଧନ୍ୟବାଦ ଦେଇଛନ୍ତି ।

ଏହି ଅବସରରେ ମୁଖ୍ୟମନ୍ତ୍ରୀ 75ବର୍ଷ ପୂର୍ତ୍ତି ଉପଲକ୍ଷେ ଅଭିନନ୍ଦନୀକା ଓ ବ୍ରୋଞ୍ଚ ପ୍ରତିମାକୁ ଉନ୍ମୋଚନ କରିଥିଲେ । କାର୍ଯ୍ୟକ୍ରମରେ ସ୍ବାସ୍ଥ୍ୟ ମନ୍ତ୍ରୀ ନବ ଦାସ, ଆଇନ ମନ୍ତ୍ରୀ ପ୍ରତାପ ଜେନା, ମୁଖ୍ୟ ଶାସନ ସଚିବ ସୁରେଶ ମହାପାତ୍ର, ବିଧାୟକ ସୌଭିକ ବିଶ୍ୱାଳ ପ୍ରମୁଖ ଉପସ୍ଥିତ ଥିଲେ ।

Leave a Reply