ପ୍ରେକ୍ଷାଳୟକୁ ଆସିଲା  ଶାହରୁଖ ଖାନଙ୍କ ବହୁ ପ୍ରତୀକ୍ଷିତ ଫିଲ୍ମ ଡଙ୍କି

ବ୍ୟୁରୋ ରିପୋର୍ଟ :  ପ୍ରେକ୍ଷାଳୟକୁ ଆସିଲା  ଶାହରୁଖ ଖାନଙ୍କ ବହୁ ପ୍ରତୀକ୍ଷିତ ଫିଲ୍ମ ଡଙ୍କି । ଫିଲ୍ମରେ ଶାହାରୁଖ ଖାନଙ୍କ ଦମଦାର ଆକ୍ଟିଙ୍ଗ୍ ସାଙ୍ଗକୁ ଚମତ୍କାର ଅଭିନୟ ଦର୍ଶକଙ୍କୁ ବିମୋହିତ କରିଛି। ଫିଲ୍ମ ରିଲିଜ ହେବା କ୍ଷଣିହିଁ ଦର୍ଶକଙ୍କର ଜବରଦସ୍ତ ରେସ୍ପନ୍ସ ଦେଖିବାକୁ ମିଳିଛି। ସିନେମାରେ ଶାହରୁଖ ଖାନଙ୍କ ବ୍ୟତୀତ ତାପସୀ ପୁନ୍ନୁ, ବିକି କୌଶଲ ଏବଂ ବୋମାନ ଏକାନୀ ପ୍ରମୁଖ ଭୂମିକାରେ ଅଭିନୟ କରିଛନ୍ତି ।

ଫାଷ୍ଟ ଡେ ଫାଷ୍ଟ ସୋରେ ଫ୍ୟାନ୍ସଙ୍କ ଜବରଦସ୍ତ ରେସପ୍ସ ଦେଖିବାକୁ ମିଳିଛି। ଫିଲ୍ମ ପାଇଁ ଆଡଭାନ୍ସ ବୁକିଂ କରାଯାଇଥିଲା। ବୁଧବାର ପାଇଁ ସିନେମା ‘ଡଙ୍କି’ର ପ୍ରାୟ ୪ଲକ୍ଷ ଟିକେଟ ଆଡଭାନ୍ସ ବୁକିଂରେ ହୋଇଛି । ୧୨କୋଟି ଟଙ୍କାର ଟିକେଟ ବିକ୍ରି ସରିଥିବା ନେଇ ସୂଚନା ମିଳିଛି। ଷ୍ଟୋରିରେ ଭରପୁର ମାତ୍ରାରେ ଇମୋସନ ସହିତ ସମାଜକୁ ଶିକ୍ଷଣୀୟ ବାର୍ତ୍ତା ପ୍ରଦାନ କରୁଛି।

ରାଜକୁମାର ହିରାନୀ ସିନେମାର ନିର୍ଦ୍ଦେଶନା ଦେଇଥିବା ବେଳେ ସଂଗୀତ ନିର୍ଦ୍ଦେଶନା ଦେଇଛନ୍ତି ପ୍ରୀତମ ଚକ୍ରବର୍ତୀ । ତିନି ମାସରେ ବକ୍ସ ଅଫିସରେ ପୁଣି ଧମାକା କରିବ ଶାହାରୁଖ୍ ଖାନଙ୍କ ଡଙ୍କି ଫିଲ୍ମ । ପ୍ରଥମେ ପଠାନ, ପରେ ଜୱାନ ଓ ଆଉ ଏବେ ଡଙ୍କି ।  ଫିଲ୍ମ ଆରମ୍ଭରୁ ସିନେମା ହଲରେ ଖଚାଖଚ ଭିଡ ସାଙ୍ଗକୁ ଦର୍ଶକ ସିନେମା ହଲ୍ ବାହାରେ ବାଣ ଫୁଟାଇ ନାଚୁଥିବା ଦେଖିବାକୁ ମିଳୁଛି। ସେଥିରୁ ଅନୁମାନ କରାଯାଉଛି ପଠାନ ଓ ଯବାନ ପରେ ଡଙ୍କିବି ଧୂମ ମଚାଇବ।