ଦୁର୍ଘଟଣାଗସ୍ତ ଗାଡ଼ିରୁ ଆହତଙ୍କୁ ବାହାର କରି ଜୀବନ ବଞ୍ଚାଇଲେ ସାମି

ନେନିତାଲ: କ୍ରିକେଟ ଫିଲ୍ଡରେ ପ୍ରତିପକ୍ଷ ଟିମ ପାଇଁ କାଳ ମହମ୍ମଦ ସାମିଙ୍କ ମହାନତା । ଦୁର୍ଘଟଣାଗସ୍ତ ଗାଡ଼ିରୁ ଉଦ୍ଧାର କରି ବଞ୍ଚାଇଲେ ଜଣଙ୍କ ଜୀବନ । ଏହାର ଭିଡିଓ ସେ ନିଜ ଇନଷ୍ଟାଗ୍ରାମ ପେଜରେ ସେୟାର କରିଛନ୍ତି । ଏଥିରେ ସେ ଲେଖିଛନ୍ତି, କାହାର ଜୀବନ ବଞ୍ଚାଇ ବହୁତ ଖୁସି ଲାଗୁଛି ।

ଆଗକୁ ସେ ଲେଖିଛନ୍ତି, ସେ ବହୁତ ଭାଗ୍ୟବାନ, ଭଗବାନ ତାଙ୍କୁ ଦ୍ବିତୀୟ ଜୀବନ ଦେଇଛନ୍ତି । ତାଙ୍କ କାର, ମୋ ଗାଡ଼ି ଆଗରେ ନେନିତାଳ ପାଖ ପାହାଡ଼ି ରାସ୍ତାରେ ତଳକୁ ଖସି ପଡ଼ିଲା । ଆମେ ତାଙ୍କୁ ସୁରକ୍ଷିତ ବାହାରକୁ ଆଣିଥିଲୁ ।

ଆହତଙ୍କ ହାତରେ ପଟ୍ଟି ବାନ୍ଧିଲେ

ଡିଭିଓରେ ଦେଖିବାକୁ ମିଳୁଛି, ସାମି ଆହତ ବ୍ୟକ୍ତିଙ୍କ ହାତରେ ପଟ୍ଟି ବାନ୍ଧୁଛନ୍ତି । ସାମି ଧଳା ଡ୍ରେସ ସହ ଲାଲ ରଙ୍ଗର ଏକ ଟୋପି ପିନ୍ଧିଛନ୍ତି । ସେଠାରେ ବହୁତ ଲୋକ ଛିଡ଼ା ହୋଇଥିବା ଦେଖିବାକୁ ମିଳୁଛି । କାରଟି ଏକ ଗଛରେ ପିଟି ହୋଇଛି ।

ସୂଚନାଯୋଗ୍ୟ, ନିକଟରେ ଶେଷ ହୋଇଥିବା ଦିନିକିଆ ବିଶ୍ବକପ ଫାଇନାଲରେ ଭାରତ ଅଷ୍ଟ୍ରେଲିଆ ପାଖରୁ ପରାସ୍ତ ହୋଇଥିଲା । ହେଲେ ବିଶ୍ବକପରେ ସାମିଙ୍କ ଦବଦବା ଦେଖିବାକୁ ମିଳିଥିଲା । ପ୍ରଥମ ୪ଟି ମ୍ୟାଚ୍ ଖେଳି ନଥିଲେ ବି ସାମି ବିଶ୍ବକପରେ ସର୍ବାଧିକ ଓ୍ବେକେଟ ହାସଲ କରିଥିଲେ । ତାଙ୍କ ଅଗ୍ନିବର୍ଷା ବୋଲିଂ ପ୍ରତିପକ୍ଷ ଦଳଙ୍କୁ ଧରାଶାୟୀ କରିଦେଇଥିଲା ।