ବିଧାୟକଙ୍କୁ ମହାନତା, ମାଙ୍କଡଙ୍କୁ ଖାଦ୍ୟ ବାଣ୍ଟିଲେ ଅମର
ଭୁବନେଶ୍ୱର: କରୋନା ମହାମରୀରେ କେବଳ ମଣିଷ ନୁହେଁ ପଶୁ, ପକ୍ଷୀ ସଭିଏଁ ପ୍ରଭାବିତ। ଲକଡାଉନ ରେ ସମସ୍ତ ଧର୍ମାନୁଷ୍ଠାନ ବନ୍ଦ ରହିଛି । ମନ୍ଦିର ବନ୍ଦ ରହିବା ଫଳରେ ମନ୍ଦିର ପାଖରେ ଥିବା ପଶୁ ମାନେ ବେଶ ପ୍ରଭାବିତ ହୋଇଛନ୍ତି । ଯାଜପୁର ଜିଲ୍ଲା ରେ ପ୍ରସିଦ୍ଧ ଚଣ୍ଡୀମନ୍ଦିର ଓ ମହାବିନାୟକ ମନ୍ଦିର ପରିସରରେ ଥିବା ମାଙ୍କଡ଼ ଗୁଡିକ ଭୋକ ଉପାସ ରେ ରହୁଛନ୍ତି ।
ପର୍ଯ୍ୟଟକ ଆସୁ ନଥିବା ରୁ ମାଙ୍କଡ଼ ଙ୍କ ବେଶ ଦୟନୀୟ ହୋଇ ପଡ଼ିଥିବ ବେଳେ ବଡ଼ଚଣା ବିଧାୟକ ଅମର ପ୍ରସାଦ ଶତପଥି ମନ୍ଦିର ପାଖରେ ପହଁଚି ମାଙ୍କଡ଼ ମାନଙ୍କୁ ଶୁଖିଲା ଖାଦ୍ୟ ବଣ୍ଟନ କରିଛନ୍ତି । ମଣିଷ ସମାଜ ସହ ଜୀବ ଜଗତ ଉଭୟ ପରସ୍ପର ସହ ଜଡିତ । ତେଣୁ ଆମେ ବଂଚିବା ସହ ଜୀବ ଜନ୍ତୁ ଙ୍କୁ ମଧ୍ୟ ସହଯୋଗ କରିବା ପାଇଁ ସମସ୍ତେ ଆଗେଇ ଆସିବା ପାଇଁ ବିଧାୟକ ଆହ୍ୱାନ ଦେଇଛନ୍ତି । ବଡ଼ଚଣା ବିଧାୟକ ଙ୍କ ସହ ବହୁ ଜନ ପ୍ରତିନିଧି ପହଂଚି ମାଙ୍କଡ଼ ମାନଙ୍କୁ ଶୁଖିଲା ଖାଦ୍ୟ ଯୋଗାଇ ଛନ୍ତି।
