‘୩୦ ଲକ୍ଷ ୭୩୪ଜଣ ଲୋକ ଏଯାଏଁ କରିନାହାନ୍ତି e-KYC’

ନନ୍ଦିଘୋଷ ବ୍ୟୁରୋ : ବର୍ତ୍ତମାନ ଲୁଦ୍ଧା ରାଜ୍ୟରେ ୩୦ ଲକ୍ଷ ୭୩୪ ଜଣ e-KYC କରିନାହାନ୍ତି । ଆସନ୍ତା ମାର୍ଚ୍ଚ ୩୧ ତାରିଖ ପରେ ଜଣାପଡ଼ିବ ମୋଟ କେତେ ଲୋକ e-KYC କରିନାହାନ୍ତି । ମାର୍ଚ୍ଚ ୩୧ ପରେ ଫିଲ୍ଡ ଭିଜିଟ କରି ଅନୁଧ୍ୟାନ କରାଯିବ । ଯେଉଁ ଦିତାଧିକାରୀ e-KYC କରିନଥିଲେ ତାର ଯାଞ୍ଚ କରାଯିବ ଓ ହଠାତ୍ କାହାର ରାସନ କାର୍ଡ କଟାଯିବନାହିଁ । ପୋଟାଲ ଜରିଆରେ ଆବେଦନ କରିଥିବା ୬ ଲକ୍ଷ ୩୫ ହଜାର ହିତାଧିକାରୀଙ୍କ ସର୍ଭେ ଚାଲିଛି । ଏପ୍ରିଲ ୧୫ ସୁଦ୍ଧା ସର୍ଭେ କାମ ସରିବ । ତାପରେ ନୂଆ ରାସନ କାର୍ଡ ହିତାଧିକାରୀ ରାସନ ପାଇବେ । ନୂଆ ପୋର୍ଟାଲ ଖୋଲିଛି ।

ଏବେ ସୁଦ୍ଧା ୫୦ ହଜାର ନୂଆ ରାସନ କାର୍ଡ ପାଇଁ ଆବେଦନ କରିଛନ୍ତି । ଗରିବ ଶ୍ରେଣୀ ସହିତ ମଧ୍ୟବିତ୍ତ ବର୍ଗମାନଙ୍କୁ ସବସିଡାଇଜ ଦରରେ ରାସନ ଯୋଗାଇବା ପୋଷଣ କେନ୍ଦ୍ରର ଉଦ୍ଦେଶ୍ୟ । ୩୫ଟି ଜାଗାରେ ପାଇଲଟ୍ ପ୍ରୋଜେକ୍ଟ କରାଯାଇଛି । ପ୍ରତି ପଞ୍ଚାୟତରେ ପୋଷଣ କେନ୍ଦ୍ର ଖୋଲିବାକୁ ଯୋଜନା କରୁଛନ୍ତି ସରକାର । ଖୁବ୍ ଶୀଘ୍ର ଚୁଡ଼ାନ୍ତ ନିଷ୍ପତ୍ତି ନିଆଯିବ । ଯେଉଁମାନେ ହିତାଧିକାରୀ ହେବେ ସେମାନଙ୍କୁ କାର୍ଡ ଦିଆଯିବ । ରାଜ୍ୟ ଓ କେନ୍ଦ୍ରର ମିଳିତ ସହଯୋଗରେରେ ରାସନ ଦିଆଯିବ ବୋଲି କହିଛନ୍ତି ଖାଦ୍ୟ ଯୋଗାଣ ମନ୍ତ୍ରୀ କୃଷ୍ଣ ଚନ୍ଦ୍ର ପାତ୍ର ।