କବିସୂର୍ଯ୍ୟନଗର ବାହଲପଲ୍ଲୀ ହ୍ରଦ ରାସ୍ତାରେ ବିଭତ୍ସ ହତ୍ୟାକାଣ୍ଡ

ଆସିକା: ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ଥାନା ବୁଢାମ୍ବ ନିକଟରେ ହତ୍ୟାକାଣ୍ଡ । ସ୍ଥାନୀୟ ବାହଲପଲ୍ଲୀ ହ୍ରଦ ରାସ୍ତାରେ ଆଜି ରାତିରେ ଘଟିଛି ବୀଭତ୍ସ ହତ୍ୟାକାଣ୍ଡ । ଦୁର୍ବୃତ୍ତଙ୍କ ଆକ୍ରମଣରେ ପ୍ରାଣ ହରାଇଛନ୍ତି ଖୋଜାପଲ୍ଲୀ ଗ୍ରାମର ରାଜୁ ବିଷୋୟୀ । ଏକ ବୋଲେରୋରେ ଆସି ହତ୍ୟାକାରୀମାନେ ରାଜୁଙ୍କୁ ହତ୍ୟା କରି ଫେରାର ହୋଇଯାଇଥିବା ସୂଚନା ମିଳିଛି । ହତ୍ୟାକାଣ୍ଡର କାରଣ ଅସ୍ପଷ୍ଟ ଥିବା ବେଳେ ପୋଲିସ ପହଞ୍ଚି ହତ୍ୟାରେ ବ୍ୟବହୃତ ବୋଲେରୋ ଓ ଶବ ଜବତ କରିଛି ।

ତେବେ ହତ୍ୟାକାଣ୍ଡ ସମୟରେ ରାଜୁଙ୍କ ନିକଟରେ ବସିଥିବା ଜଣେ ବ୍ୟକ୍ତି ବର୍ତ୍ତିଯାଇଛନ୍ତି । ଅନ୍ୟପକ୍ଷରେ ମୃତ ରାଜୁ କିଛିଦିନ ତଳେ ଜେଲରୁ ପାରୋଲରେ ଫେରିଥିଲେ । ଏକମାସ ପରେ ହାଇକୋର୍ଟଙ୍କୁ ଆବେଦନ କରି ଆଉ ଏକମାସ ପାରୋଲ ଅବଧି ବଢାଇଥିଲେ । ତେବେ କିଛିଲୋକ ସଟ୍ଟା ଖେଳକୁ ନେଇ ହତ୍ୟାକାଣ୍ଡ ଘଟିଥିବା କହୁଥିବା ବେଳେ ହତ୍ୟାକାଣ୍ଡ ପଛରେ ଆଉ କଣ କାରଣ ଅଛି ତାହା ସ୍ପଷ୍ଟ ହୋଇନାହିଁ ।