ଇସ୍ରାଏଲ-ପାଲେଷ୍ଟାଇନ ବିବାଦ କ’ଣ? କାହିଁକି ଆଜି ଏ ଯୁଦ୍ଧ ସ୍ଥିତି? ଜାଣନ୍ତୁ ବିବାଦ ପଛର ଇତିହାସ…

ନନ୍ଦିଘୋଷ ବ୍ୟୁରୋ: ଇସ୍ରାଏଲ ଏବଂ ହମାସ ମଧ୍ୟରେ ପୁଣିଗୋଟେଥର ସଂଘର୍ଷ ଆରମ୍ଭ ହୋଇଯାଇଛି । ହମାସ ଗାଜା ଷ୍ଟ୍ରିପରୁ ଇସ୍ରାଏଲ ଉପରେ ୫ହଜାର ରକେଟ୍ ମାଡ଼ କରିଛି । ହମାସର ଆକ୍ରମଣ ଫଳରେ ଜଣେ ଇସ୍ରାଇଲୀ ମହିଳାଙ୍କ ମୃତ୍ୟୁ ହୋଇଯାଇଛି । ଏହି ଆକ୍ରମଣର ଜବାବ ମଧ୍ୟ ଇସ୍ରାଏଲ ପକ୍ଷରୁ ଦିଆଯାଇଛି । ଇସ୍ରାଏଲ ହମାସକୁ ଚେତାବନୀ ଦେଇ ଯୁଦ୍ଧ ପାଇଁ ପ୍ରସ୍ତୁତ ରହିବା ପାଇଁ କହିଛି । ତେବେ ପାଲେଷ୍ଟାଇନ ସମର୍ଥକମାନେ ଇସ୍ରାଏଲରେ ଅନୁପ୍ରବେଶ କରିବା ସହ ସୈନିକଙ୍କ ଉପରେ ଗୁଳିମାଡ଼ କରିଛନ୍ତି । ପାଲେଷ୍ଟିନୀୟ ଆତଙ୍କବାଦୀ ସଂଗଠନ ହେଉଛି ହମାସ । ଗାଜା ଷ୍ଟ୍ରିପ ପାଖରେ ଉଭୟ ପକ୍ଷ ମଧ୍ୟରେ ଗୁଳିବିନିମୟ ଚାଲିଛି । ଇସ୍ରାଏଲ ମଧ୍ୟ ଗାଜା ଷ୍ଟ୍ରିପ ଉପରେ ପାଲଟା ଆକ୍ରମଣ କରିଛି । ତେବେ ପାଲେଷ୍ଟାଇନ-ଇସ୍ରାଏଲ ବିବାଦ ନୂଆ ନୁହେଁ । ଅନେକ ଥର ଭୂମିକୁ ନେଇ ଆମ୍ନା ସାମ୍ନା ହୋଇଛନ୍ତି ଉଭୟ..ଦେବେ ଆଜି ଆମେ ଜାଣିବା ଏହି ବିବାଦ କେତେ ବର୍ଷ ପୂରୁଣା ଏବଂ ଏହାର ଇତିହାସ ସମ୍ପର୍କରେ….

ଇସ୍ରାଏଲ-ପାଲେଷ୍ଟାଇନ ବିବାଦ ୧୦୦ ବର୍ଷରୁ ମଧ୍ୟ ଅଧିକ ପୂରୁଣା । ପ୍ରଥମ ବିଶ୍ୱଯୁଦ୍ଧରେ ଅଟୋମାନ ସାମ୍ରାଜ୍ୟର ପରାଜୟ ପରେ ପେଲିଷ୍ଟାଇନ ନାଁରେ ଜଣାଯାଉଥିବା ଅଞ୍ଚଳକୁ ବ୍ରିଟେନ ନିଜ ନିୟନ୍ତ୍ରଣକୁ ନେଇଥିଲା । ସେ ସମୟରେ ଇସ୍ରାଏଲ ବୋଲି କୌଣସି ଦେଶ ନଥିଲା । ଇସ୍ରାଏଲଠୁ ନେଇ ୱେଷ୍ଟ ବ୍ୟାଙ୍କ ପର୍ଯ୍ୟନ୍ତ ଅଞ୍ଚଳକୁ ପାଲେଷ୍ଟାଇନ ଅଞ୍ଚଳ ଭାବେ ଜଣାଯାଉଥିଲା । ଏଠାରେ ଅଳ୍ପସଂଖ୍ୟକ ୟହୁଦୀ ଏବଂ ବହୁସଂଖ୍ୟକ ଆରବୀ ମୁସଲିମ ବସବାସ କରୁଥିଲେ । ପାଲେଷ୍ଟିନୀୟ ଲୋକମାନେ ଏଠାରେ ରହୁଥିବା ଆରବୀ ଥିଲେ ଯେତେବେଳେ କି ୟହୁଦୀ ଲୋକମାନେ ବାହାରୁ ଆସି ଏଠାରେ ରହୁଥିଲେ ।

ପାଲେଷ୍ଟିନୀୟ ଲୋକ ଏବଂ ୟହୁଦୀଙ୍କ ମଧ୍ୟରେ ବିବାଦ ସେବେ ଆରମ୍ଭ ହୋଇଥିଲା ଯେବେ ଅନ୍ତରାଷ୍ଟ୍ରୀୟ ସଂଗଠନ ବ୍ରିକେଟନକୁ କହିଥିଲା ଯେ ୟହୁଦୀ ଲୋକମାନଙ୍କ ପାଇଁ ପାଲେଷ୍ଟାଇନକୁ ଏକ ରାଷ୍ଟ୍ରୀୟ ଘର ଭାବେ ସ୍ଥାପନ କରିବାକୁ । ୟହୁଦୀ ବିଶ୍ୱାସ କରୁଥିଲେ ଯେ ଏହା ତାଙ୍କର ପୂର୍ବପୁରୁଷଙ୍କ ଘର ଅଟେ । ଅନ୍ୟ ପକ୍ଷରେ ପାଲେଷ୍ଟିନୀୟ ଆରବ ଏଠାରେ ପାଲେଷ୍ଟାଇନ ନାଁରେ ଏକ ନୂଆ ଦେଶ ବସାଇବା ପାଇଁ ଚାହୁଁଥିଲେ । ସେମାନେ ବ୍ରିଟେନର ନୂଆ ଦେଶ ଗଠନର ପଦକ୍ଷେପକୁ ଜୋରଦାର ବିରୋଧ କରିଥଲେ । ଏହିଠାରୁ ହିଁ ପାଲେଷ୍ଟାଇନ-ଇସ୍ରାଏଲ ବିବାଦର ଆରମ୍ଭ ହୋଇଥିଲା ।

୧୯୨୦ରୁ ନେଇ ୧୯୪୦ ମଧ୍ୟରେ ୟୁରୋପରେ ୟହୁଦୀଙ୍କୁ ନିର୍ଯାତନା ଦିଆଯାଇଥିଲା । ଯେଉଁ କାରଣରୁ ୟହୁଦୀମାନେ ସେଠାରୁ ପଳାୟନ କରି ଏକ ଦେଶର ତଲାସରେ ଆସି ଏଠାରେ ପହଞ୍ଚିଥିଲେ । ୟହୁଦୀ ମାନୁଥିଲେ ଯେ ଏହା ତାଙ୍କର ଜନ୍ମଭୂମି ଏବଂ ସେମାନେ ଏଠାରେ ତାଙ୍କର ନିଜ ଦେଶର ସ୍ଥାପନ କରିବେ । ଏହି ସମୟରେ ୟହୁଦୀ ଏବଂ ପାଲେଷ୍ଟିନୀୟ ଲୋକଙ୍କ ମଧ୍ୟରେ ହିଂସା ହୋଇଥିଲା । ୧୯୪୭ରେ ମିଳିତ ଜାତିସଂଘ କହିଥିଲା ଯେ ୟହୁଦୀ ଏବଂ ଆରବୀଙ୍କ ପାଇଁ ଅଲଗା ଅଲଗା ଦେଶ ଗଠନ ପାଇଁ ମତାଦନ କରାଯାଉ । ମିଳିତ ଜାତିସଂଘ ଏହା ମଧ୍ୟ କହିଥିଲା ଯେ ଜେରୁସଲମ ଏକ ଅନ୍ତର୍ଜାତୀୟ ସହର ଭାବେ ଜଣାଯିବ ।

ଅବଶ୍ୟ ୟହୁଦୀମାନେ ମିଳିତ ଜାତିସଂଘର ଏହି କଥାକୁ ସ୍ୱୀକାର କରିନେଇଥିଲେ । କିନ୍ତୁ ଆରବୀ ଲୋକମାନେ ଏହାର ବିରୋଧ କରିଥଲେ । ଏହି କାରଣରୁ ଏହା କେବେ ଲାଗୁଁ ହିଁ ହୋଇପାରିନଥିଲା । ଯେବେ ବ୍ରିଟେନ ଦ୍ୱାରା ଏହି ସମସ୍ୟାର ସମାଧାନ ହେଲାନାହିଁ ତେବେ ସେ ଏସ୍ଥାନ ଛାଡ଼ି ଚାଲିଯାଇଥିଲା । ପରେ ୧୯୪୮ରେ ୟହୁଦୀ ନେତାମାନେ ଇସ୍ରାଏଲର ନିର୍ମାଣ ନେଇ ଘୋଷଣା କରିଦେଇଥିଲେ । ପାଲେଷ୍ଟିନୀୟ ମାନେ ଏହାକୁ ବିରୋଧ କରିଥିଲେ ଏବଂ ଏଥିସହିତ ଉଭୟ ପକ୍ଷ ମଧ୍ୟରେ ପ୍ରଥମ ଯୁଦ୍ଧର ଆରମ୍ଭ ହୋଇଥିଲା । ଯେପର୍ଯ୍ୟନ୍ତ ସୁଦ୍ଧା ଅସ୍ତ୍ରବିରତି ନିୟମ ଲାଗୁ ହେଲା ସେପର୍ଯ୍ୟନ୍ତ ସୁଦ୍ଧା ଇସ୍ରାଏଲ ପାଖରେ ଏକ ବଡ଼ ଭାଗ ଆସିଯାଇଥିଲା ।

ପାଲେସ୍ତାନୀ ଲୋକଙ୍କ ପାଇଁ ଜୋର୍ଡାନ ଏବଂ ମିଶ୍ର ଭଳି ଆରବ ଦେଶ ଯୁଦ୍ଧ ଲଢ଼ିଥିଲେ । କିନ୍ତୁ ସେମାନଙ୍କ ପରାଜୟ କାରଣରୁ ପାଲେଷ୍ଟାଇନ ଏକ ଛୋଟ ଅଂଶରେ ସୀମିତ ରହିଯାଇଥିଲା । ଜୋର୍ଡାନ ଅକ୍ତିଆରରେ ଯେଉଁ ଅଞ୍ଚଳ ଆସିଥିଲା ତାକୁ ୱେଷ୍ଟ ବ୍ୟାଙ୍କର ନାଁ ଦିଆଯାଇଥିଲା । ସେହିପରି ମିଶ୍ର ଅକ୍ତିଆରର ଅଞ୍ଚଳକୁ ଗାଜା ଷ୍ଟ୍ରିପ କୁହାଗଲା । ସେହିପରି ୟରୁସଲମ ସହରକୁ ପଶ୍ଚିମରେ ଇସ୍ରାଏଲ ସୁରକ୍ଷାବଳ ଏବଂ ପୂର୍ବରେ ଜୋର୍ଡାନର ସୁରକ୍ଷାବଳ ମଧ୍ୟରେ ବାଣ୍ଟି ଦିଆଯାଇଥିଲା । ଏହା ସବୁ ବିନା କୌଣସି ଶାନ୍ତି ଚୁକ୍ତିରେ କରାଯାଇଥିଲା ।

 ୧୯୬୭ରେ ପୁଣିଥରେ ଯୁଦ୍ଧ ହୋଇଥିଲା, ତେବେ ଏଥର ଇସ୍ରାଏଲ ପୂର୍ବ ଜେରୁଜେଲମ ସହ ୱେଷ୍ଟ ବ୍ୟାଙ୍କ ଏବଂ ଗାଜା ଷ୍ଟ୍ରିପ ଉପରେ ନିଜର ଆଧିପତ୍ୟ ସ୍ଥାପନ କରିଥିଲା । ଗାଜାରୁ ତ ଇସ୍ରାଏଲ ପଛକୁ ହଟିଯାଇଥିଲା କିନ୍ତୁ ସେ ୱେଷ୍ଟ ବ୍ୟାଙ୍କ ଉପରେ ନିୟନ୍ତ୍ରଣ ଜାରି ରଖିଥିଲା । ଇସ୍ରାଏଲ ପୂର୍ବୀ ଜେରୁସଲମକୁ ନିଜର ରାଜଧାନୀ ଘୋଷଣା କରିବା ସହ ଅଞ୍ଚଳ ଉପରେ ଦାବି କରିଥିଲା । ଅଧିକତର ପାଲେଷ୍ଟିନୀୟ ଲୋକ ଏବେ ବି ୱେଷ୍ଟ ବ୍ୟାଙ୍କରେ ହିଁ ରହୁଥିଲେ । ସେହିପରି ଗାଜା ଷ୍ଟ୍ରିପରେ କିଛି ଲୋକ ରହୁଥିଲେ । ଜେରୁଜେଲମ ୟହୁଦୀ, ଇସଲାମ ଏବଂ ଇସାଇ ଧର୍ମ ତିନିଜଣଙ୍କ ପାଇଁ ଅତ୍ୟନ୍ତ ମହତ୍ତ୍ୱପୂର୍ଣ୍ଣ ସ୍ଥାନ ଅଟେ ।

ଜେରୁଜେଲମରେ ଅଲ-ଅକ୍ସା ମସଜିଦ ରହିଛି, ଯାହାକୁ ଇସ୍ଲାମର ସବୁଠୁ ପବିତ୍ର ମସଜିଦମାନଙ୍କ ମଧ୍ୟରୁ ଗୋଟିଏ ଭାବେ ଜଣାଯାଇଥାଏ । ଏଠାରେ ଟେମ୍ପଲ ମାଉଣ୍ଟ ମଧ୍ୟ ରହିଛି, ଯେଉଁଠି ୟହୁଦୀ ଧର୍ମର ଲୋକମାନେ ପ୍ରାର୍ଥନା କରିଥାନ୍ତି । ସେହିପରି ୟରୁସଲମରେ ଇସାଇମାନଙ୍କ କ୍ୱାଟରରେ ଚର୍ଚ୍ଚ ଅଫ ଦ ହୋଲି ସ୍ପେଲକର ଅବସ୍ଥିତ ରହିଛି, ଯାହା କି ତାଙ୍କର ପ୍ରମୁଖ ସ୍ଥଳ ଅଟେ । ଏହି ସ୍ଥାନ ଇସା ମସିହଙ୍କ କାହାଣୀ, ମୃତ୍ୟୁ, ଶୁଳୀରେ ଚଢାଯିବା ଏବଂ ପୁନର୍ଜନ୍ମର କାହାଣୀର କେନ୍ଦ୍ର ଅଟେ । ଏହି କାରଣରୁ ତିନି ଧର୍ମର ଲୋକଙ୍କ ମଧ୍ୟରେ ଏହି ସହରକୁ ନେଇ ସଂଘର୍ଷ ହୋଇଥାଏ । ଏବେ ପୁଣି ଗୋଟେଥର ଇସ୍ରାଏଲ-ପାଲେଷ୍ଟାଇନ ମଧ୍ୟରେ ଯୁଦ୍ଧ ଆରମ୍ଭ ହୋଇଛି । ଏହି ଯୁଦ୍ଧ କେତେ ବାଟ ଯିବ ତାହା କହିବା ସମ୍ଭବ ନୁହେ… ବ୍ୟୁରୋ ରିପୋର୍ଟ ନନ୍ଦିଘୋଷ ଡିଜିଟାଲ