ବର୍ଷାରେ ଧୋଇଗଲା ଚେନ୍ନାଇ-ଗୁଜରାଟ୍ ଫାଇନାଲ୍, ଆସନ୍ତାକାଲି ୭:୩୦ରେ ଟାଇଟଲ୍ ପାଇଁ ହେବ ମୁକାବିଲା

ଅହମ୍ମଦାବାଦ: ଗୁଜରାଟ ଏବଂ ଚେନ୍ନାଇ ମଧ୍ୟରେ ହେବାକୁଥିବା ଆଇପିଏଲ୍ ୧୬ତମ ସିଜିନର ଫାଇନାଲ୍ ମ୍ୟାଚ୍ ବର୍ଷା କାରଣରୁ ଆଜି ହୋଇପାରି ନାହିଁ । ଫାଇନାଲ୍ ମୁକାବିଲାକୁ ଜାରି ବର୍ଷା ଧୋଇଦେଇଛି । ରବିବାର ଅହମ୍ମଦାବାଦରେ ସନ୍ଧ୍ୟାରୁ ବର୍ଷା ଲାଗିରହିଛି, ଏହି କାରଣରୁ ମ୍ୟାଚକୁ ରିଜର୍ଭ ଡେକୁ ସ୍ଥାନାନ୍ତର କରାଯାଇଛି । ତେବେ ଯେଉଁ ଦର୍ଶକ ଫିଜିକାଲ୍ ଟିକେଟ୍ କରିିଥିଲେ ସେମାନଙ୍କ ଟିକେଟ୍ କାଲି ମଧ୍ୟ ଭାଲିଡ୍ ରହିବ । ବାସ୍ ସେମାନଙ୍କୁ ଟିକେଟ୍ ସୁରକ୍ଷିତ ରଖିବାର ଅଛି ।

The #Final of the #TATAIPL 2023 has been moved to the reserve day on 29th May – 7:30 PM IST at the Narendra Modi Stadium, Ahmedabad.

Physical tickets for today will be valid tomorrow. We request you to keep the tickets safe & intact. #CSKvGT pic.twitter.com/d3DrPVrIVD

— IndianPremierLeague (@IPL) May 28, 2023

ଆସନ୍ତାକାଲି ରାତି ୭ଟା ୩୦ରେ ଟାଇଟଲ୍ ପାଇଁ ଧୋନୀଙ୍କ ସିଏସକେ ଏବଂ ହାର୍ଦ୍ଦିକ ପାଣ୍ଡ୍ୟାଙ୍କ ଗୁଜରାଟ ଟାଇଟନ୍ସ ମଧ୍ୟରେ ମୁକାବିଲା ହେବ । କିନ୍ତୁ ସୋମବାର ମଧ୍ୟ ଅହମ୍ମଦାବାଦରେ ପ୍ରବଳ ବର୍ଷାର ଆଶଙ୍କା ରହିଛି । ଯଦି ବର୍ଷା କାରଣରୁ କାଲି ମଧ୍ୟ ମ୍ୟାଚ୍ ରଦ୍ଦ ହୁଏ ତେବେ ଟ୍ରଫି କାହାକୁ ପ୍ରଦାନ କରାଯିବ ସେନେଇ କିଛି ସ୍ପଷ୍ଟ ସୂଚନା ନାହିଁ । କିନ୍ତୁ ଆଇସିସି ଟୁର୍ଣ୍ଣାମେଣ୍ଟ ଫାଇନାଲ୍ ରଦ୍ଦ ହେଲେ ଟ୍ରଫି ସେୟାର କରାଯାଇଥାଏ । ଏପରି ସ୍ଥିତିରେ ଆଇପିଏଲ୍ ଫାଇନାଲ୍ ରଦ୍ଦ ହେଲେ ମଧ୍ୟ ଟ୍ରଫି ସେୟାର କରାଯାଇ ପାରେ ନଚେତ୍ ପଏଣ୍ଟସ ଟେବୁଲରେ ଶୀର୍ଷରେ ଥିବା ଗୁଜରାଟକୁ ଚମ୍ପିଆନ ଘୋଷିତ କରାଯାଇପାରେ ।