ବାଣିଜ୍ୟ କ୍ଷେତ୍ରରେ ବିପ୍ଳବ ଆଣିବ ଓଡ଼ିଶା, ଆକାଶ ର୍ମାଗରେ ହେବ କାର୍ଗୋ ସେବା

ଭୁବନେଶ୍ୱର : ବାଣିଜ୍ୟ କ୍ଷେତ୍ରରେ ବିପ୍ଳବ ଆଣିବ ଓଡ଼ିଶା, ଆକାଶ ର୍ମାଗରେ ହେବ କାର୍ଗୋ ସେବା । ଭୁବନେଶ୍ଵର ବିଜୁ ପଟ୍ଟନାୟକ ଆନ୍ତର୍ଜାତୀୟ ବିମାନ ବନ୍ଦରରୁ ଆରମ୍ଭ ହେଲା ଅନ୍ତରାଷ୍ଟ୍ରୀୟ ଏୟାର କାର୍ଗୋ ସେବା । ଏହାଦ୍ବାରା ଆମଦାନୀ ରପ୍ତାନି ସହଜ ହେବ । ଅନ୍ତରାଷ୍ଟ୍ରୀୟ କନେକ୍ଟିଭିଟି ସହ ମିଳିବ ଇଣ୍ଟରନ୍ଯାାସନାଲ ଏୟାର କାର୍ଗୋ ସେବା ।

ରାଜ୍ୟ ସରକାରଙ୍କ ପକ୍ଷରୁ କେନ୍ଦ୍ର ସରକାରଙ୍କ ଆଇ କ୍ଲାସ ନାମକ ସଂସ୍ଥାକୁ ୨ କୋଟି ଟଙ୍କାର ସହାୟତା ପ୍ରଦାନ କରାଯାଇଛି । ଏହି ସେବା ମାଧ୍ୟମରେ କ୍ଷୁଦ୍ର ଉଦ୍ୟୋଗପତି ଅଧିକ ସୁବିଧା ପାଇପାରିବେ ବୋଲି କହିଛନ୍ତି ଏମଏସଏମଇ ବିଭାଗ ମନ୍ତ୍ରୀ ପ୍ରତାପ ଦେବ । ସହଜରେ ଓ ସୁବିଧାରେ ଭୁବନେଶ୍ଵର ବିମାନ ବନ୍ଦରରୁ ଓଡ଼ିଶାର ସାମୁଦ୍ରିକ ମାଛ ,କଙ୍କଡା, ଚିଙ୍ଗୁଡ଼ି, ମସ ଲା, କୃଷି ଓ କୃଷିଜାତ ସାମଗ୍ରୀ, ଇଲେକ୍ଟ୍ରୋନିକ ସାମଗ୍ରୀ, ଔଷଧ, ହସ୍ତତନ୍ତ ,ଖାଦ୍ୟ ପ୍ରକ୍ରିୟାକରଣ ସାମଗ୍ରୀ, ମିଲେଟ ସିଧାସଳଖ ବିଦେଶ ପଠାଯାଇପାରିବ ।

ରପ୍ତନୀ ପାଇଁ ଅନ୍ୟ କୌଣସି ବିମାନ ବନ୍ଦର ଉପରେ ନିର୍ଭର କରିବାକୁ ପଡ଼ିବନି । ଓଡିଶାରୁ ବାର୍ଷିକ ୧୯ ହଜାର କୋଟି ଟଙ୍କାର ଖାଦ୍ୟ ପ୍ରକ୍ରିୟାକରଣ ସାମଗ୍ରୀ ବିଦେଶ କୁ ରପ୍ତାନି କରାଯାଇଥାଏ । ଏହା ମଧ୍ୟରୁ ପ୍ରାୟ ୧୦ ହଜାର କୋଟିଁ ଟଙ୍କାର ଚିଙ୍ଗୁଡ଼ି କଙ୍କଡା ସହ ସାମୁଦ୍ରିକ ମାଛ ବିଦେଶକୁ ରପ୍ତାନି କରାଯାଉଥିବା ନେଇ ବିଭାଗୀୟ ମନ୍ତ୍ରୀ ସୂଚନା ଦେଇଛନ୍ତି। ବିମାନ ବନ୍ଦରରେ କଷ୍ଟମ, ଇମିଗ୍ରେସନ, ସହ cisf ସହଯୋଗ କରିବେ। ଏହି ସେବା ଆରମ୍ଭ ଦ୍ବାରା ଓଡ଼ିଶାର ଅର୍ଥନୌତିକ ବିକାଶ ହୋଇପାରିବ ବୋଲି କହିଛନ୍ତି ବୁଦ୍ଧିଜୀବୀ ।