ଦ୍ୱିତୀୟ ଥର ପାଇଁ ଇନଷ୍ଟାଗ୍ରାମ୍ ଡାଉନ୍, ଫେସବୁକର ବୟାନ ଜାରି

ନୂଆଦିଲ୍ଲୀ: ସୋସିଆଲ୍ ମିଡିଆ ଆପ୍ ଇନଷ୍ଟାଗ୍ରାମ୍ ଆଜି ପୁଣି ଥରେ ଡାଉନ୍ ହୋଇଛି । ଗୋଟିଏ ସପ୍ତାହରେ ଦ୍ୱିତୀୟ ଥର ପାଇଁ ଡାଉନ୍ ରହିଥିଲା ଇନଷ୍ଟାଗ୍ରାମ୍ । ବିଳମ୍ବିତ ରାତି ୧୨ଟା ପରେ ସର୍ଭିସ୍ ଡାଉନ୍ ହୋଇଥିବା ସୂଚନା ମିଳିଥିଲା । ଏହି ସମୟରେ ୟୁଜର୍ସ ମେସେଜ୍ ପଠାଇ ପାରୁଥିଲେ ମଧ୍ୟ ଫିଡ୍ ଅପଡେଟ୍ କରି ପାରୁନଥିଲେ ।

Down down down #instadown #instagramisdown #again @instagram

— Shivang Pratap singh (@chivng_Singh) October 8, 2021

ଇନଷ୍ଟାଗ୍ରାମ୍ ଡାଉନ୍ ହେବା ମାତ୍ରେ ଟ୍ୱିଟରରେ #instagramdownagain ର ହ୍ୟାଶଟ୍ୟାଗ୍ ସହ ୟଚଜର୍ସ ମାନେ ମିମ୍ସ ପୋଷ୍ଟ କରୁଥିବା ନଜର ଆସିଥିଲା । ଏହାର କିଛି ସମୟ ପରେ ପୁଣିଥରେ ଇନଷ୍ଟାଗ୍ରାମ୍ ସ୍ୱାଭାବିକ ହୋଇଥିଲା ।

We’re aware that some people are having trouble accessing our apps and products. We’re working to get things back to normal as quickly as possible and we apologize for any inconvenience.

— Meta (@Meta) October 8, 2021

ନ୍ୟୁଜ୍ ଏଜେନ୍ସି  ମୁତାବିକ, ଇନଷ୍ଟାଗ୍ରାମ ବ୍ୟତୀତ ଫେସବୁକ୍ ମେସେଞ୍ଜର ମଧ୍ୟ ଡାଉନ୍ ହୋଇଥିବା ରିପୋର୍ଟ ହୋଇଥିଲା । ବିଶ୍ବର ବହୁ ରାଷ୍ଟ୍ରରେ ଏହି ଆଉଟେଜ ହେବା ଯୋଗୁ କ୍ଷମା ପ୍ରାର୍ଥନା କରିଛି କମ୍ପାନି । ଫେସବୁକ ପକ୍ଷରୁ କୁହାଯାଇଛି ଏହି ତ୍ରୁଟି ଯୋଗୁ କମ୍ପାନି ଦୁଃଖିତ । ୟୁଜରମାନେ ଫେସବୁକ ଉପରେ ନିର୍ଭର କରୁଛନ୍ତି ଏବଂ ପରସ୍ପର ସହ ସମ୍ପର୍କ ରକ୍ଷା କରୁଛନ୍ତି । ଆଉଟେଜ ଯୋଗୁ ୟୁଜରମାନେ ସମସ୍ୟାରେ ପଡିଥିଲେ । ତେବେ ଏହି ସମସ୍ୟାର ସମାଧାନ ହୋଇପାରିଛି ।

ତେବେ ଏହି ଆଉଟେଜ ସମୟରେ ୟୁଜରମାନେ ସେମାନଙ୍କ ଫିଡ୍ ଅପଲୋଡ କରିପାରି ନଥିଲେ କି ମେସେଜ ପଠାଇ ପାରିନଥିଲେ।