ଖୋର୍ଦ୍ଧା: ଖୋର୍ଦ୍ଧା ରୋଡ଼ ରେଳ ଷ୍ଟେସନରୁ ଏକ ଶିଶୁପୁତ୍ର ଉଦ୍ଧାର କରାଯାଇଛି। ଷ୍ଟେସନର ପ୍ଲାଟଫୋର୍ମ ନମ୍ବର ୪ରେ ଲାଗିଥିବା ଝାନ୍ସୀ-ଖୋର୍ଦ୍ଧା ରୋଡ଼ ସ୍ପେଶାଲ ଟ୍ରେନରୁ ୨ ରୁ ୩ ମାସର ଶିଶୁପୁତ୍ରକୁ ଆରପିଏଫ (RPF) ଉଦ୍ଧାର କରିଛି।
ମିଳିଥିବା ସୂଚନା ଅନୁଯାୟୀ, ଟ୍ରେନର ଜେନେରାଲ ବଗିରେ କୌଣସି ଯାତ୍ରୀ ନଥିବା ବେଳେ ଶିଶୁ ପୁତ୍ରଟି ଏକାକୀ ଶୋଇଥିବା ଅବସ୍ଥାରେ ଆରପିଏଫ କର୍ମଚାରୀଙ୍କ ନଜରକୁ ଆସିଥିଲା। ଆରପିଏଫ ପକ୍ଷରୁ ପ୍ରଥମେ ଡାକବାଜି ଯନ୍ତ୍ର ମାଧ୍ୟମରେ ଷ୍ଟେସନରେ ଥିବା ଯାତ୍ରୀମାନଙ୍କୁ ଏ ସମ୍ପର୍କରେ ଜଣାଇ ପରିଜନଙ୍କୁ ଖୋଜାଖୋଜି କରାଯାଇଥିଲା।
ଏହାପରେ ଶିଶୁପୁତ୍ରଟିକୁ ମେଡିକାଲ ନିଆଯାଇ ସେଠାରେ ତାର ସ୍ୱାସ୍ଥ୍ୟ ଅବସ୍ଥା ଯାଞ୍ଚ କରାଯାଇଥିଲା। ଦୀର୍ଘ ସମୟ ପର୍ଯ୍ୟନ୍ତ ଶିଶୁ ପୁତ୍ରର କୌଣସି ପରିଜନ ବା ପରିବାରଲୋକ ସାମ୍ନାକୁ ନଆସିବାରୁ, ଶେଷରେ ଆରପିଏଫ ପକ୍ଷରୁ ଶିଶୁଟିକୁ ସି.ଡବ୍ଲ୍ୟୁ.ସି (CWC) କୁ ହସ୍ତାନ୍ତର କରାଯାଇଛି।
