T20 ବିଶ୍ୱକପ୍: ମହା ମୁକାବିଲା ପୂର୍ବରୁ ମୁହାଁମୁହିଁ ଭାରତ ଓ ପାକିସ୍ତାନ କମ୍ପାନୀ
1 min read
ନୂଆଦିଲ୍ଲୀ: ଆଜି ସନ୍ଧ୍ୟାରେ ଭାରତ-ପାକିସ୍ତାନ ମଧ୍ୟରେ ଖେଳାଯିବ ଟି-ଟ୍ୱେଣ୍ଟି ବିଶ୍ୱକପ୍ ସୁପର-୧୨ର ପ୍ରଥମ ମ୍ୟାଚ୍ । ଏହି ମ୍ୟାଚକୁ ଉତ୍କଣ୍ଠାର ସହ ଦୀର୍ଘ ଦିନରୁ ଅପେକ୍ଷା କରି ରହିଛନ୍ତି କ୍ରିକେଟ୍ ପ୍ରେମୀ । ଉଭୟ ଦେଶ ମଧ୍ୟରେ ଦୀର୍ଘ ବର୍ଷ ପରେ ମୁକାବିଲା ହେବାକୁ ଯାଉଛି । ଏହାକୁ ନେଇ ସବୁଠି କ୍ରେଜ୍ ରହିଛି । ତେବେ ଆଜି ସନ୍ଧ୍ୟା ୭ଟା ୩୦ରେ ହେବାକୁ ଥିବା ମ୍ୟାଚକୁ ନେଇ ଟ୍ୱିଟରରେ ଆରମ୍ଭ ହୋଇଛି ଭିଡ଼ାଭିଡ଼ି ।
ଭାରତ-ପାକିସ୍ତାନ ମ୍ୟାଚକୁ ନେଇ ଟ୍ୱିଟରରେ ମାହୋଲ ଜମୁଥିବା ବେଳେ ଦୁଇ କମ୍ପାନୀଙ୍କ ମଧ୍ୟରେ ଟ୍ୱିଟ୍ ଯୁଦ୍ଧ ଆରମ୍ଭ ହୋଇଛି । ଭାରତ ପକ୍ଷରୁ ଜମାଟୋ ମ୍ୟାଚକୁ ନେଇ ଏକ ଟ୍ୱିଟ୍ କରିଥିଲା । ଯାହାପରେ ପାକିସ୍ତାନ ପକ୍ଷରୁ କରିମ ପାକିସ୍ତାନ କମ୍ପାନୀ ଟ୍ୱିଟର ଜବାବ ଦେଇଛି । ପରେ ଏହି ଦୁଇ ଟ୍ୱିଟକୁ ନେଇ ପ୍ରଶଂସକ ବି ଯୁଦ୍ଧକୁ ଡେଇଁଛନ୍ତି ।
Don't worry we are delivering free burgers and pizze to them tomorrow.
And some 'fantastic tea' for you? 👀#24thOctober #PakVsInd https://t.co/agXWDsfXiQ
— Careem Pakistan (@CareemPAK) October 23, 2021
ମ୍ୟାଚ୍ ପୂର୍ବରୁ ଜମାଟୋ ପାକିସ୍ତାନ କ୍ରିକେଟ୍ ବୋର୍ଡକୁ ଟ୍ୱିଟ୍ କରି ଲେଖିଥିଲା ‘ପ୍ରିୟ ପିସିବି, ଯଦି ଆପଣଙ୍କୁ ବର୍ଗର ଓ ପିଜ୍ଜାର ଆବଶ୍ୟକତା ଅଛି ତ ଆମେ କେବଳ ଏକ ମେସେଜ ଦୂରରେ ଅଛୁ ।’ ଜମାଟୋ କରିଥିବା ଏହି ଟ୍ୱିଟର ଜବାବରେ କରିମ ପାକିସ୍ତାନ ଲେଖିଛି ‘ଚିନ୍ତା କର ନାହିଁ, ଆମେ ତାଙ୍କୁ ମାଗଣାରେ ବର୍ଗର ଓ ପିଜ୍ଜା ଯୋଗାଉଛୁ । ଏବଂ ଆପଣଙ୍କ ପାଇଁ ବଢ଼ିଆ ଚା ପଠାଉଛୁ ।’ ୨ କମ୍ପାନୀର ଏହି ଟ୍ୱିଟକୁ ନେଇ ମଧ୍ୟ ଫ୍ୟାନଙ୍କ ଟିପ୍ପଣୀ ବଢ଼ି ଚାଲିଛି ।
