ଟୋକିଓ: ଟୋକିଓ ପାରା ଅଲମ୍ପିକ୍ସରେ ଦିନକୁ ଦିନ ପଦକ ବର୍ଷା ହେବାରେ ଲାଗିଛି। ଆଜି ପୁଣିଥରେ ଦେଶକୁ ମିଳିଛି ଆଉ ଏକ ସ୍ୱର୍ଣ୍ଣ ପଦକ। ପୁରୁଷ ବ୍ୟାଡମିଣ୍ଟନ ସିଙ୍ଗଲ SH6ରେ ଗୋଲ୍ଡ ମେଡାଲ ଜିତିଛନ୍ତି କ୍ରିଷ୍ଣା ନାଗର। ଏହାକୁ ମିଶାଇ ଟୋକିଓ ପାରା ଅଲମ୍ପିକ୍ସରେ ଦେଶକୁ ମିଳିଛି ମୋଟ୍ ୫ଟି ଗୋଲ୍ଡ ମେଡାଲ । କ୍ରିଷ୍ଣା ହଂକଂର ଏହି ବର୍ଗରେ କାଇ ମାନ ଚୁ ଙ୍କୁ ହରାଇ ବାଜି ମାରିନେଇଛନ୍ତି।

ସେହିପରି ପାରା ଅଲମ୍ପିକ୍ସରେ ଜଣେ ଆଇଏଏସ ଅଧିକାରୀ ଦେଶ ପାଇଁ ଆଣି ଦେଇଛନ୍ତି ପଦକ। ପ୍ରଥମ IAS ଅଧିକାରୀ ଭାବେ ସେ ଅଲମ୍ପିକ୍ସରେ ପଦକ ହାସଲ କରିଛନ୍ତି। ଦେଶ ପାଇଁ ରୌପ୍ୟ ପଦକ ଆଣିଥିବା ବ୍ୟକ୍ତି ହେଉଛନ୍ତି ସୁହାସ ଏଲ ୟଥିରାଜ। ବ୍ୟାଡମିଣ୍ଟନ ପୁରୁଷ ସିଙ୍ଗିଲ ଏସଏଲ-୪ବର୍ଗରେ ଜିତିଛନ୍ତି ରୌପ୍ୟ ପଦକ। ଖାସ୍ କଥା ହେଉଛି ଉତ୍ତରପ୍ରଦେଶ ନୋଇଡା ଜିଲ୍ଲାପାଳ ଅଛନ୍ତି ୟଥିରାଜ।

A smash for the ages!

Congratulations Krishna Nagar on doing India proud at #Tokyo2020 #Paralympics with a Gold in #ParaBadminton SH6 singles. Your success is a story of inspiration and perseverance. Wish you all the best for future. #Praise4Para #Cheer4India

— Naveen Patnaik (@Naveen_Odisha) September 5, 2021

ତେବେ ସୁହାସ ଏଲ ୟଥିରାଜଙ୍କୁ ବିଜୟର ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଏଥିସହ ସଫଳ ଭବିଷ୍ୟତର କାମନା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ପ୍ରଥମ IAS ଅଧିକାରୀ ଭାବେ ଅଲମ୍ପିକ୍ସରେ ପଦକ ହାସଲ କରିଛନ୍ତି ସୁହାସ।

Congratulate Suhas Yathiraj on bringing home a silver in #ParaBadminton singles at #Tokyo2020 #Paralympics. As the first IAS officer to accomplish this, he has done both the Services and the nation proud. Best wishes for future. #Praise4Para #Cheer4India

— Naveen Patnaik (@Naveen_Odisha) September 5, 2021

ସେପଟେ ୟଥିରାଜଙ୍କୁ ଫୋନ କରି ଶୁଭେଚ୍ଛା ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଜଣେ ଆଇଏଏସ ହୋଇ ପାରା ଅଲମ୍ପିକ୍ସ ବ୍ୟାଡମିଣ୍ଟନରେ ସଫଳତା ଖୁସି ବ୍ୟକ୍ତ କରିବା ସହ ଉଜ୍ଜବଳ ଭବିଷ୍ୟତ କାମନା କରିଛନ୍ତି ପ୍ରଧାନମନ୍ତ୍ରୀ ।