ଜେଜେମା ଆଖିରୁ ଝରି ଯାଉଥିଲା ଅମାନିଆ ଲୁହ, ଦେଖିଲେ ଆପଣ ମଧ୍ୟ ଭାବବିହ୍ୱଳ ହୋଇଯିବେ
1 min read
ନୂଆଦିଲ୍ଲୀ: ସାରା ବିଶ୍ୱରେ ଭାରତୀୟ ବିବାହ ପରମ୍ପରା ଓ ରୀତିନୀତି ସବୁଠାରୁ ଭିନ୍ନ । ଏହାର ପ୍ରତିଟି ମୁହୂର୍ତ୍ତ ସର୍ବଦା ସ୍ମରଣୀୟ । ପ୍ରତିଟି ଛବି ଭାବବିହ୍ୱଳ ଭରା । ଏବେ ତ ସୋସିଅଲ ମିଡିଆରେ ଏସବୁର କ୍ରେଜ୍ ଯଥେଷ୍ଟ ଅଧିକ । ଏହି ପ୍ଲାଟଫର୍ମରେ ବିବାହର ଏକାଧିକ ଫଟୋ ଏବଂ ଭିଡ଼ିଓ ଭାଇରାଲ ହୋଇଥାଏ । ନାଚ, ଗୀତ,ରୀତି ନୀତି, ଖାଦ୍ୟ ଏବଂ ବେଶ ପୋଷାକକୁ ଛାଡ଼ିଦେଲେ ଯାହା ସବୁବେଳେ ଅଧିକ ମନେ ରହେ ଏବଂ ଆଖି ସାମ୍ନାରେ ଝଲସି ଉଠେ ତାହା ହେଉଛି ଝିଅ ବିଦାୟ ବେଳର ଦୃଶ୍ୟ । ସେଦିନ ଝିଅ ତା’ ନିଜ ଘର ଛାଡ଼ି ତାକ୍’ ସ୍ୱାମୀ ଘରକୁ ଯାଏ ଅଚିହ୍ନା ଲୋକଙ୍କୁ ନିଜର କରିବାକୁ । ତେବେ ବିବାହର ସମସ୍ତ ରୀତିନୀତି ଶେଷ ହେବାପରେ ଶେଷରେ ଝିଅ ପର ଘରକୁ ଚାଲିଯାଏ । ପୂରା ଘର କାନ୍ଦ ବୋବାଳିରେ ଫାଟି ଉଠେ ଅଲିଅଳି ଝିଅକୁ ପର ଘରକୁ ଛାଡ଼ି । ତେବେ ନିକଟରେ ସେହିଭଳି ଏକ ଭିଡ଼ିଓ ଭାଇରାଲ ହେଉଛି । ଯେଉଁଥିରେ ଜଣେ ଜେଜେମା’ ତାଙ୍କ ନାତୁଣୀକୁ ବିଦାୟ ଦେଇ ଭାବବିହ୍ୱଳ ହୋଇ ପଡ଼ିଛନ୍ତି । ଭିଡ଼ିଓରୁ ଜଣାପଡ଼ୁଛି କେତେ ସ୍ନେହ, ପ୍ରେମ ଏବଂ ମଧୁ ବନ୍ଧନରେ ବନ୍ଧା ଏ ଜୀବନ । ଏହି ଭିଡ଼ିଓ ଦେଖିଲେ ଆପଣଙ୍କ ଆଖିରେ ମଧ୍ୟ ଲୁହ ଆସିଯିବ ।
View this post on Instagram
ଭିଡ଼ିଓରେ ଦେଖିବାକୁ ମିଳିଛିଯେ, କନ୍ୟା ଜଣକ ଲେହେଙ୍ଗା ପିନ୍ଧି ଖୁବ୍ ସଜେଇ ହୋଇଛନ୍ତି । ଆଉ ଘର ଛାଡ଼ିବା ପୂର୍ବରୁ ଜେଜେମା’ଙ୍କ ନିକଟକୁ ଯାଉଛନ୍ତି ଦେଖା କରିବାକୁ । କିନ୍ତୁ ନାତୁଣୀକୁ ଦେଖି ଜେଜେମା’ଙ୍କ ଆଖିରୁ ଝରଝର ହୋଇ ଅମାନିଆ ଲୁହ ସବୁ ଝରି ଯାଉଛି । ନାତୁଣୀ ଯେତେ କହିଲେବି ଲୁହ କ’ଣ କଥା ମାନୁଛି ? କିନ୍ତୁ ମା’କୁ ଏଭଳି ଦେଖି କନ୍ୟା ଜଣକ ବୁଝାଇବାକୁ ଚେଷ୍ଟା କରୁଛନ୍ତି । ନାତୁଣୀ କହୁଛନ୍ତି, ମୁଁ ୧୦ କିଲୋମିଟର ଦୂରକୁ ଯାଉଛି, ଅଧିକ ଦୂରକୁ ନୁହେଁ । ଯେବେ କହିବ ସେହିଦିନ ଚାଲି ଆସିବି ।
ଏହି ଭିଡ଼ିଓକୁ ଇଂଷ୍ଟାଗ୍ରାମରେ ଶେୟାର କରାଯାଇଛି । ଏହି ଭିଡ଼ିଓ ଦେଖିବା ପରେ ଅନେକ ତାଙ୍କ ଜେଜେମା’ଙ୍କ ଅନୁପସ୍ଥିତିକୁ ମନେ ପକାଇଛନ୍ତି ।
