ଦ୍ରୁତଗତିରେ ତରଳୁଛି ଦକ୍ଷିଣ ମେରୁର ସାମୁଦ୍ରିକ ବରଫ, ଚିନ୍ତାବ୍ୟକ୍ତ କଲେ ବୈଜ୍ଞାନିକ
ନୂଆଦିଲ୍ଲୀ: ସଙ୍କଟରେ ଆଣ୍ଟାର୍କଟିକା ମହାସାଗର। ଦ୍ରୁତଗତିରେ ତରଳୁଛି ଦକ୍ଷିଣ ମେରୁର ସାମୁଦ୍ରିକ ବରଫ। ଗତ ଫେବ୍ରୁଆରୀରେ ରେକର୍ଡ ସ୍ତରରେ ବରଫ ତରଳିଛି ବୋଲି କହିଛନ୍ତି ବୈଜ୍ଞାନିକ। ଯାହା ବଡ଼ ଚିନ୍ତାର କାରଣ।
ବୈଜ୍ଞାନିକଙ୍କ କହିବା କଥା ଦକ୍ଷିଣ ମେରୁରେ ଏତେ ବରଫ କେବେବି ତରଳି ନାହିଁ । ଏଭଳି ସ୍ଥିତି ଜାରି ରହିଲେ ଆଗାମୀ କିଛି ବର୍ଷ ମଧ୍ୟରେ ଦକ୍ଷିଣ ମେରୁରେ ଥିବା ଗ୍ଲାସିୟର ଜଳମଗ୍ନ ହୋଇଯିବ । ଗତବର୍ଷ ଫେବ୍ରୁଆରୀରେ ବରଫ ସ୍ତର ୧.୯୨କୁ ଖସିଥିଲା, ଏଥର ଫେବ୍ରୁଆରୀରେ ବରଫର ମାତ୍ରା ଖସି ୧.୭୯ ବର୍ଗ କିମି ରହିଛି । ୧୯୭୯ ମସିହାରେ ସାଟେଲାଇଟ ଚିତ୍ରରୁ କରାଯାଇଥିବା ସମୀକ୍ଷାରୁ ଏହା ସବୁଠୁ କମ୍ ସ୍ତରରେ ରହିଥିଲା।
ଆମେରିକାର ବୈଜ୍ଞାନିକଙ୍କ ଅନୁଯାୟୀ ଏତେ କମ୍ ବରଫ ଦକ୍ଷିଣ ମେରୁରେ କେବେବି ଦେଖାଯାଇନାହିଁ । ବୈଜ୍ଞାନିକ ଏହାକୁ ପ୍ରଦୂଷଣ ଓ ପ୍ରଖର ସୂର୍ଯ୍ୟତାପକୁ ଦାୟୀ କରିଛନ୍ତି । ସମୁଦ୍ର ଉପରେ ବରଫର ମୋଟା ଚାଦର ରହିଥିବାରୁ ଅନେକ ସାମୁଦ୍ରିକ ଝଡ଼ ଏଡାଇଯାଇଥାଏ । ହେଲେ ବରଫ ତରଳୁ ଥିବାରୁ ଆଣ୍ଟାର୍କଟିକା ମହାସାଗରର ଜଳ ସ୍ତର ବଢୁଛି । ଫଳରେ ଉପକୂଳିଆ ଲୋକେ ଅସୁରକ୍ଷିତ ହୋଇପଡ଼ିଛନ୍ତି ।
