ତୁର୍କୀର ଇସ୍ତାନାବୁଲରେ ଭୟଙ୍କର ବିସ୍ଫୋରଣ, ୬ ମୃତ

ଇସ୍ତାନାବୁଲ: ତୁର୍କୀର ଇସ୍ତାନାବୁଲରେ ଭୟଙ୍କର ବିସ୍ଫୋରଣ। ୬ ଜଣଙ୍କ ମୃତ୍ୟୁ ହୋଇଥିବା ବେଳେ, ୮୦ରୁ ଉର୍ଦ୍ଧ୍ୱ ଆହତ ହୋଇଥିବା ସ୍ଥାନୀୟ ଗଣମାଧ୍ୟମ ରିପୋର୍ଟରୁ ପ୍ରକାଶ। ଏହି ବିସ୍ପୋରଣ ପଛରେ ଆତଙ୍କବାଦୀଙ୍କ ହାତଥିବା ସନ୍ଦେହ କରିଛନ୍ତି ସରକାର। ସହର ମଝିରେ ହୋଇଥିବା ବିସ୍ଫୋରଣ ପରେ ଲୋକ ମାନେ ଏଣେତେଣେ ହୋଇ ଛିଟିକି ପଡିଥିଲେ ।

ବ୍ୟସ୍ତବହୁଳ ରାସ୍ତା ଉପରେ ଶକ୍ତିଶାଳୀ ବିସ୍ଫୋରଣ ହୋଇଛି । ସୋସିଆଲ ମିଡିଆରେ ଭାଇରାଲ ହେଉଥିବା ଏକ ଭିଡିଓରେ ବିସ୍ଫୋରଣ ପରେ ନିଆଁ ଲାଗିଥିବା ଦୃଶ୍ୟ ସାମ୍ନାକୁ ଆସିଛି । ରାସ୍ତାରେ ଥିବା ଯାତ୍ରୀମାନେ ଭୟଭୀତ ହୋଇ ଦୗେଡୁଥିବା ଲକ୍ଷ୍ୟ କରାଯାଇଛି।

ତେବେ ନିକଟସ୍ଥ କାସିମ୍ପାସା ପୋଲିସ ଷ୍ଟେସନ କହିଛି ଯେ, ଘଟଣାସ୍ଥଳରେ ଫୋର୍ସ ମୁତୟନ ହାେଇଛନ୍ତି। ଆହତଙ୍କୁ ଉଦ୍ଧାର କରି ମେଡିକାଲରେ ଭର୍ତ୍ତି କରାଯାଇଥିବା ବେଳେ ବିସ୍ଫୋରଣର କାରଣ ଜଣାପଡ଼ିନାହିଁ।