୪ ରାଜ୍ୟରେ ଭୂକମ୍ପ ଝଟକା, ନାହିଁ କ୍ଷୟକ୍ଷତି ସୂଚନା

ନୂଆଦିଲ୍ଲୀ :  ଗୋଟେ କିମ୍ବା ଦୁଇଟି ରାଜ୍ୟରେ ନୁହେଁ  ଏକାଥରକେ ୪ରାଜ୍ୟରେ ଭୂକମ୍ପ ଝଟକା । ଆଜି ତାମିଲନାଡୁ, କର୍ଣ୍ଣାଟକ, ଗୁଜୁରାଟ ଏବଂ ମେଘାଳୟରେ ଭୂକମ୍ପ ଝଟକା ଅନୁଭୂତ ହୋଇଛି । ତାମିଲନାଡୁ ଚେଙ୍ଗଲପେଟ ଜିଲ୍ଲାରେ ସକାଳ ୭ଟା ୩୯ ମିନିଟରେ ଭୂକମ୍ପର ଝଟକା ଲାଗିଥିଲା ରିକ୍ଟର ସ୍କେଲରେ ଯାହାର ତୀବ୍ରତା ୩.୨ ପ୍ରତିଶତ ରହିଛି ।

ସେହିପରି କର୍ଣ୍ଣାଟକ ବିଜୟପୁରା ଜିଲ୍ଲାରେ ଭୂକମ୍ପର ତୀବ୍ରତା ୩.୧ ରେକର୍ଡ କରାଯାଇଛି । ସେପଟେ ଗୁଜୁରାଟ କଚ୍ଛ ଏବଂ ରାଜକୋଟରେ ସକାଳ ୯ଟା ସମୟରେ ଭୂକମ୍ପ ଝଟକା ଅନୁଭୂତ ହୋଇଛି ଯାହାର ତୀବ୍ରତା ୩.୦୯ ପ୍ରତିଶତ ରହିଛି। ମେଘାଳୟରେ ସକାଳ ୮ଟା ୪୬ ମିନିଟରେ ୩.୮ ପ୍ରତିଶତର ଭୂକମ୍ପ ଝଟକା ଅନୁଭୂତ ହୋଇଛି । ମାତ୍ର ଭୂକମ୍ପ ଜନିତ କୌଣସି କ୍ଷୟକ୍ଷତି ହୋଇଥିବା ସୂଚନା ମିଳିନାହିଁ ।