ହାଟରୁ ଫେରୁଥିଲେ, ମାରିଦେଇ ଜଙ୍ଗଲରେ ଦମ୍ପତିଙ୍କୁ ପୋତିଦେଲେ !

କେନ୍ଦୁଝର: ଶିପାଳ ଜଙ୍ଗଲରେ ପୋତା ଯାଇଛି ବୃଦ୍ଧ ଦମ୍ପତିଙ୍କ ମୃତଦେହ । କେହି ଦୁର୍ବୃତ୍ତ ସ୍ୱାମୀ, ସ୍ତ୍ରୀଙ୍କୁ ହତ୍ୟା ପରେ ଗଛ ଲଗାଇବା ପାଇଁ ଖୋଳା ଯାଇଥିବା ଗାତରେ ମୃତଦେହ ପୋତି ଦେଇଛି । ଅଭିଯୋଗ ପରେ ଘଟଣାସ୍ଥଳରେ ପହଞ୍ଚିଛି ଝୁମ୍ପୁରା ଥାନା ପୋଲିସ । ସାଇଣ୍ଟିଫିକ୍ ଟିମ୍ ଆସିଲା ପରେ ମାଜିଟ୍ରେଷ୍ଟଙ୍କ ଉପସ୍ଥିତିରେ ମାଟି ଖୋଳାଯାଇ ମୃତଦେହ ଉଦ୍ଧାର କରାଯିବ ।

ସୂଚନା ପ୍ରକାରେ ଗତ ଶୁକ୍ରବାର ପାଟବିଳାର ବୁଦ୍ଧଦେବ ମହାକୁଡ଼ ଓ ମାଳତୀ ଦେବୀ ହାଟକୁ ଯାଇଥିଲେ । ସନ୍ଧ୍ୟା ହେବା ପରେ ନ ଫେରିବାରୁ ଚାରିଆଡ଼େ ବାପା, ମାଆଙ୍କୁ ପୁଅ କାର୍ତ୍ତିକ ଖୋଜାଖୋଜି କରିଥିଲା । ଏ ନେଇ ଥାନାରେ ମଧ୍ୟ ଅଭିଯୋଗ ହୋଇଥିଲା । ବୁଧବାର ସନ୍ଧ୍ୟାରେ ଶିପାଳ ଜଙ୍ଗଲରେ ଖୋଳା ଯାଇଥିବା ଗାତରୁ ଦୁର୍ଗନ୍ଧ ହେବାରୁ ମୃତଦେହ ପୋତା ଯାଇଥିବା ନେଇ ସନ୍ଦେହ ହୋଇଥିଲା ।ଏ ନେଇ ପୋଲିସକୁ ଖବର ଦେଇଥିଲେ । ବୁଦ୍ଧଦେବ ଓ ମାଳତୀଙ୍କୁ ଜମିବାଡ଼ି ବିବାଦକୁ ନେଇ କେହି ହତ୍ୟା କରିଥିବା ପରିବାର ଲୋକ ଅଭିଯୋଗ କରିଛନ୍ତି ।  ')}