ଆମେରିକା ରାଷ୍ଟ୍ରପତି ରେସ୍‌ରେ ଡୋନାଲ୍ଡ ଟ୍ରମ୍ପ, ରିପବ୍ଲିକାନରୁ ଲଢିବେ

ୱାଶିଂଟନ: ୨୦୨୪ ଆମେରିକା ରାଷ୍ଟ୍ରପତି ନିର୍ବାଚନରେ ପ୍ରାର୍ଥୀ ହେବେ ରିପବ୍ଳିକାନ ନେତା ତଥା ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ମଧ୍ୟବର୍ତ୍ତୀକାଳୀନ ନିର୍ବାଚନରେ ରିପବ୍ଳିକାନ ପାର୍ଟିର ଆଶାତୀତ ବିଜୟ ପରେ ଏହି ଘୋଷଣା କରିଛନ୍ତି ଟ୍ରମ୍ପ ।

୨୦୨୪ ନିର୍ବାଚନ ଲାଗି ସମସ୍ତ ପ୍ରକ୍ରିୟା ବି ଶେଷ କରିଛନ୍ତି ଟ୍ରମ୍ପ । ୭୬ ବର୍ଷ ବୟସ୍କ ଟ୍ରମ୍ପ ବିଧିବଦ୍ଧ ଭାବେ ପ୍ରାର୍ଥୀ ଘୋଷଣା ପରେ ରାଜନୈତିକ ଶିବିର ଚଳଚଞ୍ଚଳ ହୋଇଛି । ବର୍ତ୍ତମାନର ରାଷ୍ଟ୍ରପତି ଜୋ ବାଇଡେନଙ୍କ ପୂର୍ବରୁ ରାଷ୍ଟ୍ରପତି ଥିଲେ ଟ୍ରମ୍ପ ।

ଜଣେ ବିଜନେସ ଟାଇକୁନ ଓ ରିଆଲିଟି ଟିଭି ଷ୍ଟାର ଭାବେ ଖ୍ୟାତି ଅର୍ଜନ କରିଥିବା ଟ୍ରମ୍ପ କିଛି ମାସ ଧରି ଅଡୁଆରେ ପଡିଛନ୍ତି । ହ୍ବାଇଟହାଉସରୁ ଗୁରୁତ୍ବପୂର୍ଣ୍ଣ ଫାଇଲପତ୍ର ନିଜ ବାସଭବନକୁ ନେଇଯାଇଥିବା ଅଭିଯୋଗ ହେବା ପରେ ଏହାର ତଦନ୍ତ ଜାରି ରହିଛି ।