ଘୁଞ୍ଚିଲା ନିର୍ଭୟା ଦୋଷୀଙ୍କ ଫାଶୀ ତାରିଖ, ଫେବୃଆରୀ ୧ ତାରିଖ ସକାଳ ୬ଟାରେ ଫାଶୀ ପାଇଁ ନୂଆ ନିର୍ଦ୍ଦେଶ

ନୂଆଦିଲ୍ଲୀ : ଜାନୁଆରୀ ୨୨ ନୁହେଁ ଫେବ୍ରୁଆରୀ ୧ ତାରିଖରେ ନିର୍ଭୟା ମାମଲାର ଦୋଷୀଙ୍କୁ ଫାଶୀ ଦିଆଯିବ । ନୂଆ ତାରିଖ ଘୋଷଣା କରିଛନ୍ତି ଦିଲ୍ଲୀର ପଟିଆଲା ହାଉସ୍ କୋର୍ଟ । ଫେବ୍ରୁଆରୀ ୧ ତାରିଖ ସକାଳ ୬ଟାରେ ତିହାର ଜେଲ୍ ପରିସରରେ ଫାଶୀ ଦିଆଯିବ ।

ନିର୍ଭୟା ଗଣଦୁଷ୍କର୍ମ ମାମଲାରେ ଦୋଷୀ ମୁକେଶ ସିଂର ରାଜକ୍ଷମା ଖାରଜ, ଗୃହମନ୍ତ୍ରାଳୟକୁ ଅବଗତ କଲା ରାଷ୍ଟ୍ରପତି ଭବନ

ଆଜି ଫ୍ରେସ୍ ଡେଥ ଓ୍ବାରେଣ୍ଟ ଜାରି କରିଛନ୍ତି ପଟିଆଲା ହାଉସ କୋର୍ଟ  । ଆଜି ରାଜକ୍ଷମା ଆବେଦନ ଖାରଜ କରିଥିଲେ ରାଷ୍ଟ୍ରପତି ରାମନାଥ କୋବିନ୍ଦ । ଏ ନେଇ ରାଷ୍ଟ୍ରପତି ଭବନରୁ ଗୃହ ମନ୍ତ୍ରାଳୟକୁ ସୂଚନା ଦିଆଯିବା ପରେ କୋର୍ଟରେ ପୁନଃ ତାରିଖ ପାଇଁ ଆବେଦନ କରିଥିଲେ ତିହାର ଜେଲ୍ କର୍ତ୍ତୃପକ୍ଷ । ଏହାପରେ ନୂଆ ତାରିଖ ଓ ସମୟ ଦିଆଯାଇଛି । ପୂର୍ବରୁ ୨୨ ତାରିଖରେ ଫାଶୀ ପାଇଁ ପଟିଆଲା ହାଉସକୋର୍ଟ ଦିନ ଧାର୍ଯ୍ୟ କରିଥିଲେ । ଦୋଷୀ ମୁକେଶର ରାଜକ୍ଷମା ଆବେଦନ ପାଇଁ ବିଳମ୍ବ ହେଲା ଫାଶୀଦଣ୍ଡ ।

‘ନିର୍ଭୟା’ ରିଭ୍ୟୁ ପିଟିସନରୁ ନିଜକୁ ଦୂରେଇ ରଖିଲେ ପ୍ରଧାନ ବିଚାରପତି, ଜାଣନ୍ତୁ କାହିଁକି ?