ବଲିଉଡର ସେଲିବ୍ରିଟି କପଲ୍‌ଙ୍କ ପ୍ରଥମ ବିବାହ ବାର୍ଷିକୀ, କେମିତି ପାଳୁଛନ୍ତି ଦୀପ୍- ବୀର୍ ?

ମୁମ୍ବାଇ : ପ୍ରଥମ ବିବାହ ବର୍ଷକୀ, ନବ ଦମ୍ପତିଙ୍କ ପାଇଁ ହୋଇଥାଏ ଅତ୍ୟନ୍ତ ମନୋରମ । ପ୍ରତ୍ୟକ ନବ ଦମ୍ପତି ଏହି ଦିନକୁ ସବୁଠାରୁ ନିଆରା କରିବାକୁ ଚାହାଁନ୍ତି । ତେବେ ଧନୀ ହେଉ ବା ଗରିବ ସମସ୍ତେ ନିଜ ନିଜ ଢଙ୍ଗରେ ଏହି ଦିନକୁ ନିଜର ବିବାହ ମିଳନର ଦିନଭାବେ ମନେ ପକାଇ ପାଳନ କରିଥାନ୍ତି ।

ଅନେକଦିନର ପ୍ରେମ ସମ୍ପର୍କ ପରେ ୨୦୧୮ ନଭେମ୍ବର ୧୪ରେ ବିବାହ ବନ୍ଧନରେ ବାନ୍ଧି ହୋଇଥିଲେ ବଲିଉଡର ଆଗଧାଡ଼ିର ଅଭିନେତା ଓ ଅଭିନେତ୍ରୀ ରଣବୀର ସିଂହ ଓ ଦrପିକା ପାଦୁକୋନ୍ । ଆସନ୍ତାକାଲି ତାଙ୍କ ବିବାହର ବର୍ଷପୁର୍ତ୍ତିରେ ସେମାନେ ଦିନଟିକୁ ନିଆରା କରିବା ପାଇଁ ପୁର୍ବ ପ୍ରସ୍ତୁତି ଆରମ୍ଭ କରି ସାରିଥିବା ନେଇ ବି ଟାଉନରେ ଗସିପ୍ ଜୋରଦାର । ସେମାନେ ଏହି ଦିନଟିକୁ ଅତି ସୁନ୍ଦର ଓ ବ୍ୟକ୍ତିଗତ ଭାବରେ ପାଳନ କରିବାକୁ ଯାଉଛନ୍ତି ।

ସୂଚନା ମୁତାବକ ଦୀପିକା ଓ ରଣବୀର ବିବାହ ବାର୍ଷିକୀରେ ପବିତ୍ର ସ୍ଥାନଗୁଡିକ ପରିଦର୍ଶନ କରିବେ । ସେମାନେ ପରିବାର ସହିତ ତିରୁପତି ଓ ଅମ୍ରିତସର ଯିବାପାଇଁ ଯୋଜନା ରଖିଛନ୍ତି । ୧୪ ତାରିଖରେ ସେମାନେ ତିରୁପତିର ବାଲାଜୀ ଓ ପଦ୍ମାବତୀଙ୍କ ମନ୍ଦିର ଦର୍ଶନ କରିବା ପରେ ୧୫ ତାରିଖରେ ଅମ୍ରିତସର ଯାଇ ସେଠାରେ ସ୍ୱର୍ଣ୍ଣମନ୍ଦିର ଦର୍ଶନ କରିବେ । ସେହିଦିନ ମୁମ୍ବାଇ ଫେରିବାର ଯୋଜନା ରଖିଛନ୍ତି ଏହି ସେଲିବ୍ରିଟି କପୁଲ୍ ।

  ')}