ବଜେଟ ସେସନ୍‌ରେ ଆଗତ ହେବ ୨୦ଟି ବିଲ୍: କ୍ରିପ୍ଟୋ କରେନ୍ସିଂ , ଫାଇନାନ୍ସ ସମ୍ପର୍କିତ ବିଲ୍ ସାମିଲ

ନୂଆଦିଲ୍ଲୀ: ଶୁକ୍ରବାରଠାରୁ ଆରମ୍ଭ ହୋଇଛି ଚଳିତ ବର୍ଷର ବଜେଟ ଅଧିବେସନ । ପ୍ରଥମ ଦିନରେ ସଂସଦରେ ଅର୍ଥନୈତିକ ସର୍ଭେ ରିପୋର୍ଟକୁ ଉପସ୍ଥାପିତ କରାଯାଇଛି । ମୋଟ ୨ ପର୍ଯ୍ୟାୟରେ ଅନୁଷ୍ଠିତ ହେବ ବଜେଟ ଅଧିବେସନ । ଜାନୁଆରୀ ୨୯ ଜାନୁଆରୀରୁ ପେବ୍ରୁଆରୀ ୧୫ ଯାଏଁ ପ୍ରଥମ ପର୍ଯ୍ୟାୟ ଓ ମାର୍ଚ୍ଚ ୮ରୁ ଅପ୍ରେଲ ୮ ଯାଏଁ ଦ୍ୱିତୀୟ ପର୍ଯ୍ୟାୟ ବଜେଟ ଅଧିବେସନ ଅନୁଷ୍ଠିତ ହେବ । ସରକାର ୨୦ଟି ବିଲର ଏକ ତାଲିକା ପ୍ରସ୍ତୁତ କରିଛନ୍ତି ଯାହାକୁ ବଜେଟ ସେସନ୍‌ରେ ଆଗତ କରାଯିବ । ଏହି ୨୦ଟି ବିଲ୍‌ରେ ଫାଇନାନ୍ସ ବିଲ୍ ମଧ୍ୟ ସାମିଲ ରହିଛି । ଯାହା ଜରିଆରେ ପେବ୍ରୁଆରୀ ୧ରେ ଉପସ୍ଥାପିତ ହେବାକୁ ଥିବା ବଜେଟକୁ ପାର୍ଲିଆମେଣ୍ଟ ମଞ୍ଜୁରୀ ମିଳିବ ।

ବଜେଟ ସେସେନରେ ଆଗତ ହେବାକୁ ଥିବା ବିଲ୍

CCI  ସଂଶୋଧନ ବିଲ୍

ପେନସନ୍ ଫଣ୍ଡ ନିୟାମକ ଏବଂ ବିକାଶ ପ୍ରାଧିକରଣ (ସଂଶୋଧନ) ବିଲ୍

ନ୍ୟାସନାଲ ବ୍ୟାଙ୍କ ଫର୍ ଫାଇନାସିଂ ଇନଫ୍ରାଷ୍ଟକଚର ଆଣ୍ଡ ଡେଭଲପମେଣ୍ଟ (NaBFID) ବିଲ୍‌

କ୍ରିପ୍ୱୋକରେନ୍ସି ଆଣ୍ଡ ରେଗୁଲେସନ୍ ଅଫ ଡିଜିଟାଲ କରେନ୍ସିଂ ବିଲ୍

ମାଇନିଂ ଆଣ୍ଡ ମିନରାଲ (ଡେଫଲପମେଣ୍ଟ ଆଣ୍ଡ ରେଗୁଲେସନ) ସଂଶୋଧନ ବିଲ

ଇଲେକ୍ଟ୍ରିସିଟି (ସଂଶୋଧନ) ବିଲ ସାମିଲ

ଦି କ୍ରିପ୍ଟୋକରେନ୍ସିଂ ଆଣ୍ଡ ରେଗୁଲେସନ୍ ଅଫ୍ ଅଫିସିଆଲ ଡିଜିଟାଲ କରେନ୍ସିଂ ବିଲ୍‌ ୨୦୨୧

ଦି କ୍ରିପ୍ଟୋ କରେନ୍ସିଂ ଆଣ୍ଡ ରେଗୁଲେସନ୍ ଅଫ୍ ଅଫିସିଆଲ୍ ଡିଜିଟାଲ କରେନ୍ସଂ ବିଲ୍ ୨୦୨୧ର ଉଦ୍ଦେଶ୍ୟ ଆରବିଆଇ ଦ୍ୱାରା ଜାରି କରାଯାଇଥିବା ଅଧିକାରିକ ଡିଜିଟାଲ କରେନ୍ସିଂ ନେଇ ଆଇନଗତ ରୂପରେଖ ପ୍ରସ୍ତୁତ କରାଯିବ । ଏହାନୁଯାୟୀ ଭାରତରେ ସମସ୍ତ ପ୍ରାଇଭେଟ କ୍ରିପ୍ଟୋକରେନ୍ସଂକୁ ବନ୍ଦ କରାଯିବ । କିନ୍ତୁ କିଛି ବିଶେଷ କ୍ଷେତ୍ରରେ ଏହି କ୍ରିପ୍ଟୋ କରେନ୍ସିଂ ଟେକ୍ନୋଲୋଜି ଏବଂ ଏହାର ଉପଯୋଗକୁ ମଞ୍ଜୁରୀ ଦିଆଯିବାର ପ୍ରାବଧାନ ରହିଛି ।

NaBFID ବିଲ୍, ୨୦୨୧

ନ୍ୟାସନାଲ ବ୍ୟାଙ୍କ ଫର୍ ଫାଇନାସିଂ ଇନ୍‌ଫ୍ରାଷ୍ଟକଚର ଆଣ୍ଡ ଡେଭଲପମେଣ୍ଟ (NaBFID) ବିଲ୍  ୨୦୨୧ରେ ଇନ୍‌ଫ୍ରାଷ୍ଟକଚର ଫାଇନାସିଂ ଏବଂ ଇନ୍‌ଫ୍ରାଷ୍ଟକଚର ପରିଯୋଜନା ନେଇ ସବୁ ପ୍ରକାର ବିତ୍ତୀୟ ସୁବିଧା ଉପଲବ୍ଧ କରାଇବା ଲାଗି ନୂଆ ଡେଭଲପମେଣ୍ଟ ଫାଇନାସିଆଲ୍ ଅନୁଷ୍ଠାନର ଗଠନ ପ୍ରସ୍ତାବ ରହିଛି । ଏହିଭଳି ମାଇନନ୍ସ ଆଣ୍ଡ ମିନରାଲ୍ସ ଡେଭଲପମେଣ୍ଟ ରେଗୁଲେସନ୍ ବିଲ୍ ୨୦୨୧ରେ ୧୯୫୭ର ଆକ୍ୱରେ ପରିବର୍ତ୍ତନ କରାଯାଇ ମାଇନିଂ ସେକ୍ଟରରେ ସୁଧାର କରିବାର ପ୍ରାବଧାନ ରହିଛି ।

Leave a Reply

Your email address will not be published.