ଓ୍ବାସିଂଟନ୍: ଆମେରିକାରେ ୩୦ ଦିନରୁ ଅଧିକା ରହିଲେ ଭାରତୀୟଙ୍କୁ ହୋଇପାରେ ଅସୁବିଧା । ଟ୍ରମ୍ପ ସରକାର ଏବେ ନୟମ ଏତେ କଡା କରିଦେଇଛନ୍ତି ଯେ, ସେଠାରେ ବିଦେଶୀ ନାଗରିକ ୩୦ ଦିନରୁ ଅଧିକା ରହିବାକୁ ହେଲେ ନିୟମ ମାନିବାକୁ ପଡ଼ିବ ।
ଆମେରିକାରେ ବିଦେଶୀ ନାଗରିକଙ୍କ ପାଇଁ ନୂଆ ନିୟମ ଲାଗୁ ହୋଇଛି । ଏହି ନିୟମରେ କୁହାଯାଇଛି ଯେ, ଯେ କୌଣସି ବିଦେଶୀ ନାଗରିକ ଯଦି ସେଠାରେ ୩୦ ଦିନରୁ ଅଧିକା ସମୟ ରହିବାକୁ ଚାହାନ୍ତି ତାହାଲେ ସଙ୍ଘୀୟ ସରକାରରେ ରେଜିଷ୍ଟ୍ରେସନ କରିବାକୁ ପଡ଼ିବ । ଯଦି ଏହି ନିୟମ କେହି ପାଳନ ନ କରନ୍ତି ତାହାଲେ ଜରିମାନା ସହ ଗିରଫ ବି ହୋଇ ପାରନ୍ତି । କେବଳ ଏତିକି ନୁହେଁ ତାଙ୍କୁ ଆମେରିକାରୁ ବାହାର ମଧ୍ୟ କରାଯାଇପାରିବ ।
ରାଷ୍ଟ୍ରପତି ଡୋନାଲ ଟ୍ରମ୍ପଙ୍କ ପ୍ରଶାସନ ପ୍ରବାସୀଙ୍କ ପାଇଁ କଡ଼ା ନିୟମ କରିଛନ୍ତି । ଆମେରିକାରେ ବହୁ ସଂଖ୍ୟାରେ ଭାରତୀୟ ରହୁଥିବାରୁ ଏବଂ ସେଠାକୁ ପ୍ରତିବର୍ଷ ପର୍ଯ୍ୟଟକ ଯାଉଥିବାରୁ ଏହା ଭାରତୀୟଙ୍କ ପାଇଁ ଅସୁବିଧା ସୃଷ୍ଟି କରିପାରେ ।
ଆମେରିକାର ଫେଡରାଲ ଜଜ ଏହି ନିୟମକୁ ପାସ୍ କରିଛନ୍ତି । ଏହା ଦ୍ବିତୀୟ ବିଶ୍ବଯୁଦ୍ଧ ସମୟର ନିୟମ ଉପରେ ଆଧାରିତ ବୋଲି କୁହାଯାଉଛି ।
