ଗଞ୍ଜାମ: ଗଞ୍ଜାମ ଜିଲ୍ଲା ପୋଲସରା ଥାନା ମଥୁରା ଗ୍ରାମରେ ଗୋଷ୍ଠୀ ସଂଘର୍ଷ। । ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ଘଟି ଦୁଇ ଜଣ ଗୁରୁତର ହୋଇଥିବା ବେଳେ ଜଣେ ଆହତ ହୋଇଛନ୍ତି l ସେମାନେ ହେଲେ ରୁଦ୍ର ସେଠି, ଜିତେନ୍ଦ୍ର ଖଟେଇ ଓ ରାଜେଶ ଦଳେଇ । ଉଭୟ ପକ୍ଷ ଧାରୁଆ ଅସ୍ତ୍ରରେ ଆକ୍ରମଣ କରିଥିବା ବେଳେ ସମସ୍ତଙ୍କୁ ଚିକିତ୍ସା ପାଇଁ ପୋଲସରା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିଲା । ପ୍ରାଥମିକ ଚିକିତ୍ସା ପରେ ଗୁରୁତର ମାନଙ୍କୁ ବ୍ରହ୍ମପୁର ଏମକେସିଜିକୁ ସ୍ଥାନାନ୍ତର କରାଯାଇଛି । ପୋଲସରା ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଚଳାଇଥିବା ବେଳେ ଘଟଣାର ପ୍ରକୃତ କାରଣ ଅସ୍ପଷ୍ଟ ରହିଛି । ମଦ ବ୍ୟବସାୟକୁ କେନ୍ଦ୍ରକରି ଦୁଇ ଗୋଷ୍ଠୀ ମଧ୍ୟରେ ମାରପିଟ ହୋଇଥିବା ଅନୁମାନ କରାଯାଉଛି।
ଆମେରିକା ବିମାନ ବନ୍ଦରରେ ଭାରତୀୟ ଛାତ୍ରଙ୍କୁ ତଳେ ପକାଇ ହାତକଡ଼ି ପିନ୍ଧାଇଲା ପୋଲିସ
ନନ୍ଦିଘୋଷ ବ୍ୟରୋ: ଆମେରିକା ବିମାନ ବନ୍ଦରରେ ଜଣେ ଭାରତୀୟ ଛାତ୍ରଙ୍କ ପ୍ରତି ଅପରାଧୀ ଭଳି ବ୍ୟବହାର କରାଯାଇଥିବା ଘଟଣା ସାମ୍ନାକୁ ଆସିଛି । ତାଙ୍କୁ ତଳେ ଶୁଆଇ ହାତକଡ଼ି ପିନ୍ଧା ଯାଉଥିବା ଏକ ଭିଡିଓ ସେୟାର କରାଯାଇଛି । ଏହି ଭିଡିଓକୁ କୁନାଲ ଜୈନ ନାମକ ଜଣେ ବ୍ୟକ୍ତି ଏକ୍ସରେ ପୋଷ୍ଟ କରିଛନ୍ତି । ଭିଡିଓ ସାମ୍ନାକୁ ଆସିବା ପରେ ଭାରତୀୟ ଦୂତାବସ ମଧ୍ୟ ଏହା ଉପରେ ବିବୃତ୍ତି ରଖିଛି । ଭାରତୀୟମାନେ ଏହା ଉପରେ ଅସନ୍ତୋଷ ପ୍ରକାଶ କରୁଛନ୍ତି ।
I witnessed a young Indian student being deported from Newark Airport last night— handcuffed, crying, treated like a criminal. He came chasing dreams, not causing harm. As an NRI, I felt helpless and heartbroken. This is a human tragedy. @IndianEmbassyUS #immigrationraids pic.twitter.com/0cINhd0xU1
— Kunal Jain (@SONOFINDIA) June 8, 2025
କୁନାଲ ଏହି ଭିଡିଓକୁ ସେୟାର କରି ବୈଦେଶିକ ମନ୍ତ୍ରୀ ଏସ ଜୟଶଙ୍କରଙ୍କୁ ଟ୍ୟାଗ କରିଛନ୍ତି । ସେ କହିଛନ୍ତି ଯେ ଛାତ୍ର ଜଣଙ୍କ ବିମାନ ଯାତ୍ରା କରିବା ପୂର୍ବରୁ ଏପରି ଘଟଥିଲା । ସେ ଆଉ ଯାତ୍ରା କରିପାରିଲେ ନାହିଁ ।
Here more videos and @IndianEmbassyUS need to help here. This poor guy was speaking in Haryanvi language. I could recognise his accent where he was saying “में पागल नहीं हूँ , ये लोग मुझे पागल साबित करने में लगे हुए हे” pic.twitter.com/vV72CFP7eu
— Kunal Jain (@SONOFINDIA) June 8, 2025
ଛାତ୍ରଙ୍କୁ ହାତକଡ଼ି ପିନ୍ଧା ଯାଇଥିଲା, ସେ କାନ୍ଦୁଥିଲେ ଏବଂ ତାଙ୍କ ସହ ଅପରାଧି ଭଳି ବ୍ୟବହାର କରାଯାଉଥିଲା । ସେ ହରିୟାଣଭି ଭାଷାରେ କଥା ହେଉଥିଲେ । କହୁଥିଲେ, ମୁଁ ପାଗଳ ନୁହେଁ, ଲୋକେ ମୋତେ ପାଗଳ ପ୍ରମାଣ କରିବାକୁ ଚାହୁଁଛନ୍ତି ।
ଏ ନେଇ ଭାରତୀୟ ଦୂତାବାସ କହିଛି ଯେ, ଆମେରିକାରେ ଥିବା ଭାରତୀୟ ଦୂତାବାସ ନାଗରିକଙ୍କ କଲ୍ୟାଣ ପାଇଁ ସମ୍ପୂର୍ଣ୍ଣ ପ୍ରତିବଦ୍ଧ । ଏ ସମ୍ପର୍କରେ ସ୍ଥାନୀୟ କର୍ତ୍ତୃପକ୍ଷଙ୍କ ସହିତ ଯୋଗାଯୋଗରେ ଅଛୁ ।
We have come across social media posts claiming that an Indian national is facing difficulties at Newark Liberty International Airport. We are in touch with local authorities in this regard.
The Consulate remains ever committed for the welfare of Indian Nationals.@MEAIndia…
— India in New York (@IndiainNewYork) June 9, 2025
ରାଜା ରଘୁବଂଶୀ ହତ୍ୟା ପାଇଁ ସୋନମର ପ୍ଲାନ୍ ବି’ କ’ଣ ଥିଲା ?
ନୂଆଦିଲ୍ଲୀ: ଇନ୍ଦୋରର ସୋନମ ରଘୁବଂଶୀ ଷଡ଼ଯନ୍ତ୍ରର ସୁତ୍ର ଏବେ ଧୀରେ ଧୀରେ ପ୍ରକାଶ ପାଇବାରେ ଲାଗିଛି । ପୋଲିସ କହିଛି ସୋନମ ତାଙ୍କ ବିବାହର ମାତ୍ର ୫ ଦିନ ପରେ ରାଜାଙ୍କୁ ହତ୍ୟା କରିବା ପାଇଁ ଯୋଜନା ପ୍ରସ୍ତୁତ କରିଥିଲେ । ସେ ହତ୍ୟାକାରୀଙ୍କୁ ୧୫ ହଜାର ଟଙ୍କା ନଗଦ ମଧ୍ୟ ଦେଇଥିଲେ । ଏବଂ ପରେ ୨୦ ଲକ୍ଷ ଟଙ୍କା ଦେବାକୁ ପ୍ରତିଶ୍ରୁତି ଦେଇଥିଲେ । କେବଳ ଏତିକି ନୁହେଁ ସେ ନିଜ ଆଖିରେ ରାଜାଙ୍କୁ ହତ୍ୟା କରାଯାଉଥିବାର ଦେଖିଥିଲେ । ଏବେ କିନ୍ତୁ ଆଉ ଏକ କଥା ସମ୍ନାକୁ ଆସିଛି । ଗୋଟିଏ ପ୍ଲାନ ଯଦି କାମ ନ କରେ ତାହାଲେ ପ୍ଲାନ୍ ବି ମଧ୍ୟ ସୋନମ ପ୍ରସ୍ତୁତ କରିଥିଲେ ।
ପୋଲିସର କହିବା ଅନୁସାରେ, ସୋନମ ରାଜା ରଘୁବଂଶୀଙ୍କୁ ହତ୍ୟା କରିବା ପାଇଁ ଦୁଇଟି ଯୋଜନା ପ୍ରସ୍ତୁତ କରିଥିଲେ । ପ୍ରଥମ ଯୋଜନା ଥିଲା ହତ୍ୟାକାରୀମାନଙ୍କ ଦ୍ବାରା ତାଙ୍କୁ ହତ୍ୟା କରିବା । ଏବଂ ସେହି ସମୟରେ ଯଦି ହତ୍ୟା କରିବାରେ ବିଫଳ ହୁଅନ୍ତି ତାହାଲେ ସୋନମ ନିଜେ ହତ୍ୟା କରିବେ । ସେଲଫି ନେବା ବାହାନାରେ ତାଙ୍କୁ ପର୍ବତ ଉପରକୁ ନେଇଯିବେ ଏବଂ ସୁଯୋଗ ପାଇଲେ ତଳକୁ ଠେଲିଦେବେ । ପ୍ଲାନ ଥିଲା ଯେ, ଯାହା ବି ହେଇଯାଉ ତାଙ୍କୁ ମାରିବେ ହିଁ ମାରିବେ । ଜୁନ ୨ ତାରିଖରେ ରାଜାଙ୍କର ମୃତଦେହ ଏକ ଖାତରୁ ମିଳିଥିଲା । ତାଙ୍କୁ ୨୩ ମେ’ରେ ହତ୍ୟା କରାଯାଇଥିବା ଅନୁମାନ କରାଯାଉଛି ।
ପୋଲିସ ତଦନ୍ତରୁ ଜଣାପଡ଼ିଛି ଯେ, ରାଜାଙ୍କୁ ହତ୍ୟା କରିବା ପରେ ସୋନମ ଆତ୍ମସମର୍ପଣ କରିବା ପୂର୍ବରୁ ଗୁପ୍ତ ଭାବେ ଇନ୍ଦୋରରେ ରହୁଥିଲେ । ସେଠାରେ ତାଙ୍କ ପ୍ରେମିକ ରାଜ ଏକ ଭଡ଼ା ଘରେ ରହୁଥିଲେ । କିନ୍ତୁ ଯେତେବେଳେ ମେଘାଳୟ ପୋଲିସ ମଧ୍ୟପ୍ରଦେଶ ଏବଂ ୟୁପିର ୩ ଜଣ କଣ୍ଟ୍ରାକ୍ଟ କିଲରଙ୍କୁ ଗିରଫ କଲା ସୋନମ ସେତେବେଳେ ଗାଜିପୁରରେ ପହଞ୍ଚି ଆତ୍ମସମର୍ପଣ କରିଥିଲେ ।
ରାଜଙ୍କ ବିଷୟରେ ମେଘାଳୟ ପୋଲିସ କହିଛି ଯେ, ସେ ଏହିଷଡ଼ଯନ୍ତ୍ରରେ ସୋନମଙ୍କୁ ସମର୍ଥନ କରିବାକୁ ଚାହୁଁ ନଥିଲେ । ଶେଷ ମୁହୂର୍ତ୍ତରେ ମେଘାଳୟ ଯିବାର ଯୋଜନା ବାତିଲ କରିଥିଲେ । ୩ ସାଥିଙ୍କୁ ମଧ୍ୟ ଜିବାକୁ ମନା କରିଥିଲେ । କିନ୍ତୁ ସୋନମ ଟିକେଟ ବୁକ କରିଥିଲେ ଏବଂ ସେମାନେ ମେଘାଳୟ ଯାଇଥିଲେ । ଶିଲଂରେ ମଧ୍ୟ ୩ ଜଣଙ୍କୁ ହତ୍ୟା କରିବାକୁ ମନା କରିଥିଲେ । କିନ୍ତୁ ସୋନମ ଜିଦ ଧରିଥିଲେ । ଏଥିପାଇଁ ସେ ୨୦ ଲକ୍ଷ ଦେବେ ବୋଲି କହିଥିଲେ ।
ହୃଦୟ ଥରାଇଦେଲା ଭଳି ଘଟଣା, ୪ ପିଲାଙ୍କୁ ଧରି ଟ୍ରେନ୍ ଆଗକୁ ଡେଇଁ ବାପାର ଆତ୍ମହତ୍ୟା
ଫରିଦାବାଦ: ହରିୟାଣାରେ ଘଟିଛି ହୃଦୟ ଥରାଇ ଦେଲାଭଳି ଘଟଣା । ୪ ପିଲାଙ୍କୁ ନେଇ ଟ୍ରେନ ଲାଇନରେ ଆତ୍ମହତ୍ୟା କରିଛି ବାପା । ୧୦ ଜୁନରେ ହରିୟାଣାର ଫରିଦାବାଦର ବଲ୍ଲଭଗଡ଼ ରେଲ ଷ୍ଟେସନ ନିକଟରେ ଏହି ଘଟଣା ଘଟିଛି । ବିହାରର ଲଖିସରାଇ ବାସିନ୍ଦା ହେଉଛନ୍ତି ୪୦ ବର୍ଷିୟ ମନୋଜ ମାହୋତା । ସେ ତାଙ୍କର ୪ ପିଲାଙ୍କୁ ଧରି ଟ୍ରନ୍ ଆଗକୁ ଡେଇଁ ପଡ଼ିଛନ୍ତି । ଏପରି ଘଟଣା ସାରା ଅଞ୍ଚଳରେ ଶୋକର ଛାୟା ଖେଳାଇଦେଇଛି । ଜଣେ ବାପା ତାର ନିଷ୍ଠୁର ପିଲାଙ୍କୁ କିପରି ଟ୍ରେନ୍ ଆଗରେ ନେଇ ଠିଆ କରିପାରେ ତାହା ଏବେ ସମସ୍ତଙ୍କୁ ଚକିତ କରିଛି । ରେଳ ଟ୍ରାକରେ ବିଛାଡ଼ି ହୋଇପଡ଼ିଥିଲା ୫ ଜଣଙ୍କ ଖଣ୍ଡ ବିଖଣ୍ଡିତ ମୃତଦେହ । ପିଲାମାନେ ଜୀବନ ବଞ୍ଚାଇବାକୁ ଚେଷ୍ଟା କରିଥିଲେ ମଧ୍ୟ ବାପା ତାଙ୍କୁ ଟ୍ରେନ୍ ଆସିବା ପର୍ଯ୍ୟନ୍ତ ଜାବୁଡ଼ି ଧରିଥିଲେ । ଏ ଦୃଶ୍ୟ ଏପରି ଥିଲା ଯେ ସମସ୍ତଙ୍କ ଆତ୍ମା ଥରି ଉଠିଥିଲା ।
ମଙ୍ଗଳବାର ଅପରାହ୍ନରେ ମନୋଜ ତାଙ୍କର ଚାରି ପିଲାଙ୍କୁ ପାର୍କ ନେବା ବାହାନାରେ ଘରୁ ବାହାରି ଯାଇଥିଲେ । ପ୍ରତ୍ୟକ୍ଷଦର୍ଶୀଙ୍କ କହିବା ଅନୁସାରେ, ସେ କାନ୍ଧରେ ଦୁଇଟି ପିଲା ଏବଂ ହାତରେ ଦୁଇ ଜଣଙ୍କୁ ଧରି ରେଳ ଟ୍ରାକରେ ପହଞ୍ଚିଥିଲେ । ଦିଲ୍ଲୀ ଅଭିମୁଖେ ଯାଉଥିବା ସ୍ବର୍ଣ୍ଣ ମନ୍ଦିର ଟ୍ରେନ୍ ଟ୍ରାକ୍ ନିକଟରେ ପହଞ୍ଚିବା ମାତ୍ରେ ପିଲାମାନଙ୍କୁ ଧରି ଟ୍ରେନ୍ ଆଗକୁ ଡେଇଁ ପଡ଼ିଥିଲେ । କିଛି ଲୋକେ କହିଥିଲେ ପିଲାମାନେ ଦୌଡ଼ି ପଳାଇବାକୁ ଚେଷ୍ଟା କରିଥିଲେ କିନ୍ତୁ ସେ ତାଙ୍କୁ ଜୋରରେ ଧରିଥିଲେ ।
ଟ୍ରେନ୍ ଧକ୍କା ଦେବା ପରେ ଘଟଣାସ୍ଥଳରେ ପାଞ୍ଚ ଜଣଙ୍କର ମୃତ୍ୟୁ ଘଟିଥିଲା । ସେମାନଙ୍କ ଶରୀରର ଅଂଶ ଟ୍ରାକରେ ବିଛାଡ଼ି ହୋଇ ପଡ଼ିଥିଲା । ଟ୍ରେନର ଲୋକ ପାଇଲଟ ଏ ନେଇ GRP କୁ ସୂଚନା ଦେଇଥିଲେ । ଘଟଣାସ୍ଥଳରେ ରେଳବାଇ ପୋଲିସ ପହଞ୍ଚି ମୃତଦେହକୁ ଟ୍ରାକରୁ କାଢ଼ି ପୋଷ୍ଟମର୍ଟମ ପାଇଁ ପଠାଇଥିଲା । ମନୋଜଙ୍କ ପକେଟରେ ଏକ କାଗଜରେ ସ୍ତ୍ରୀଙ୍କ ମୋବାଇଲ ନମ୍ବର ଏବଂ ପିଲାମାନଙ୍କ ନାମ, ବୟସ ଲେଖା ଥିଲା ।
ଆପଲ ଷ୍ଟୋର ଲୁଟିଲେ ପ୍ରତିବାଦକାରୀ, ରାତିସାରା ରାସ୍ତାରେ ହିଂସା, ପୋଡାଜଳା
ନନ୍ଦିଘୋଷ ବ୍ୟୁରୋ: ଆମେରିକାରର ଲସ୍ ଆଞ୍ଜେଲସରେ ଅରାଜକତା । ରାତିସାରା ଚାଲିଲା ହିଂସା । ପ୍ରତିବାଦକାରୀମାନେ ଲୁଟିଲେ ଆପଲ ଶୋ’ରୁମ । ଅନେକ ସ୍ଥାନରେ ପୋଡ଼ାଜଳା ଏବଂ ହିଂସାତ୍ମକ ପ୍ରତିବାଦ କରୁଛନ୍ତି । ଏଥିପାଇଁ ଲସ୍ ଆଞ୍ଜେଲସର ଅନେକ ସ୍ଥାନରେ କର୍ଫ୍ୟୁ ଜାରି ହୋଇଛି ।
ମେୟର କରେନ ବାସ୍ କହିଛନ୍ତି ଯେ, ରାତି ୮ଟାରୁ ସକାଳ ୬ଟା ଯାଏ କର୍ଫ୍ୟୁ ଜାରି ରହିବ । କିଛି ଦିନ ଯାଏ ଏହା ବଳବତ୍ତର ରହିପାରେ । ଗତ ସୋମବାର ରାତିରେ ମୁଖା ପିନ୍ଧା ଦୁର୍ବୃତ୍ତମାନେ ଆପଲ ଷ୍ଟୋରରୁ ଲୁଟ କରିଥିଲେ । ଲୁଟର ଏକ ଭିଡିଓ ଭାଇରାଲ ହେବାରେ ଲାଗିଛି । ଯେଉଁଥିରେ ଆପଲଷ୍ଟୋରରେ ପଶି ଗ୍ୟାଜେଟ ଲୁଟୁଥିବା ଦେଖିବାକୁ ମିଳିଛି । ପୋଲିସ ପହଞ୍ଚିବା ମାତ୍ରେ ଲୋକେ ଷ୍ଟୋରରୁ ଦୌଡ଼ି ପଳାଇ ଯାଉଛନ୍ତି । ପୂର୍ବରୁ ବିକ୍ଷୋଭ ପ୍ରଦର୍ଶନକାରମାନେ ଅନେକ କାର ପୋଡ଼ି ଦେଇଥିଲେ । ଏବେ ବି ପରିସ୍ଥିତି ସଙ୍କଟଜନକ ରହିଛି ।
Apple store in downtown LA being looted tonight pic.twitter.com/3k5i7wKiSG
— Brendan Gutenschwager (@BGOnTheScene) June 10, 2025
AXIOM-4 ମିଶନ ସ୍ଥଗିତ, ରକେଟରେ ତ୍ରୁଟି ଯୋଗୁ ନିଆଯାଇଛି ନିଷ୍ପତ୍ତି
ନନ୍ଦିଘୋଷ ବ୍ୟୁରୋ: ଭାରତୀୟ ମହାକାଶଚାରୀ ଶୁଭାଂଶୁ ଶୁକ୍ଳା ଏବଂ ଅନ୍ୟ ତିନି ଜଣଙ୍କୁ ନେଇ ଅନ୍ତର୍ଜାତୀୟ ମହାକାଶ ଷ୍ଟେସନକୁ ଯିବା ପାଇଁ ପ୍ରସ୍ତୁତ ଥିବା ଆକ୍ସିଅମ୍-୪ ମିଶନକୁ ପୁଣି ଥରେ ସ୍ଥଗିତ ରଖାଯାଇଛି। ଏହାର କାରଣ ହେଉଛି ଏହି ମହାକାଶଚାରୀମାନେ ଯେଉଁ ସ୍ପେସ୍ଏକ୍ସ ଫାଲକନ୍-୯ ରକେଟ୍ରେ ଯାତ୍ରା କରିବାକୁ ଯାଉଛନ୍ତି ସେଥିରେ ଲିକେଜ୍ ସମସ୍ୟା ଥିବା ଜଣାପଡିଛି ଏବଂ ଇଞ୍ଜିନିୟରମାନେ ଏହାକୁ ମରାମତି କରିବା ପାଇଁ ଅଧିକ ସମୟ ମାଗିଛନ୍ତି। ସ୍ପେସ୍ଏକ୍ସ ଘୋଷଣା କରିଛି ଯେ ପୋଷ୍ଟ-ଷ୍ଟାଟିକ୍ ବୁଷ୍ଟର ଯାଞ୍ଚ ସମୟରେ ଏହା ତରଳ ଅମ୍ଳଜାନ ଲିକ୍ ହେଉଥିବା ଜାଣିପାରିଛି ଏବଂ ଏହାକୁ ମରାମତି କରିବା ପାଇଁ, ଆକ୍ସିଅମ୍-୪ ମିଶନର ଫାଲକନ୍-୯ ରକେଟ୍ର ଉତକ୍ଷେପଣ ବର୍ତ୍ତମାନ ପାଇଁ ସ୍ଥଗିତ ରଖାଯାଇଛି।
Standing down from tomorrow’s Falcon 9 launch of Ax-4 to the @Space_Station to allow additional time for SpaceX teams to repair the LOx leak identified during post static fire booster inspections. Once complete – and pending Range availability – we will share a new launch date pic.twitter.com/FwRc8k2Bc0
— SpaceX (@SpaceX) June 11, 2025
ଉତକ୍ଷେପଣ ସ୍ଥଗିତ ରଖିବା ସମ୍ପର୍କରେ ସୂଚନା ଦେଇ ଭାରତୀୟ ମହାକାଶ ଗବେଷଣା ସଂଗଠନ (ISRO) କହିଛି ଯେ ଫାଲକନ୍ ୯ ଉତକ୍ଷେପଣ ଯାନର ବୁଷ୍ଟର ପର୍ଯ୍ୟାୟର କାର୍ଯ୍ୟଦକ୍ଷତା ଯାଞ୍ଚ କରିବା ପାଇଁ ଲଞ୍ଚ ପ୍ୟାଡରେ ସାତ ସେକେଣ୍ଡର ଏକ ଗରମ ପରୀକ୍ଷଣ କରାଯାଇଥିଲା। ପରୀକ୍ଷଣ ସମୟରେ, ପ୍ରପଲ୍ସନ ବେରେ LOX ଲିକେଜ୍ ଚିହ୍ନଟ ହୋଇଥିଲା। Axiom ଏବଂ SpaceX ର ବିଶେଷଜ୍ଞଙ୍କ ସହିତ ISRO ଦ୍ୱାରା ଏହି ବିଷୟ ଉପରେ ଆଲୋଚନା ଉପରେ ଆଧାର କରି ଉତକ୍ଷେପଣ ପାଇଁ ଅନୁମୋଦନ ଦେବା ପୂର୍ବରୁ ଲିକକୁ ଠିକ୍ କରିବା ଏବଂ ଆବଶ୍ୟକୀୟ ଯାଞ୍ଚ ପରୀକ୍ଷା କରିବା ପାଇଁ ନିଷ୍ପତ୍ତି ନିଆଯାଇଛି। ତେଣୁ ପ୍ରଥମ ଭାରତୀୟ ଗଗନଯାନକୁ ଅନ୍ତର୍ଜାତୀୟ ମହାକାଶ ଷ୍ଟେସନକୁ ପଠାଇବା ପାଇଁ ୧୧ ଜୁନ୍ ୨୦୨୫ ରେ ପ୍ରସ୍ତାବିତ Axiom 04 ର ପ୍ରକ୍ଷେପଣକୁ ସ୍ଥଗିତ ରଖାଯାଇଛି।
ଆଜି ପବିତ୍ର ଦେବସ୍ନାନ ପୂର୍ଣ୍ଣିମା, ୧୦୮ ଗଡୁ ସୁବାସିତ ଜଳରେ ସ୍ନାନ କରିବେ ମହାପ୍ରଭୁ
ଆଜି ପବିତ୍ର ଦେବସ୍ନାନ ପୁର୍ଣ୍ଣିମା । ରତ୍ନବେଦୀ ଛାଡି ସ୍ନାନ ବେଦୀରେ ୧୦୮ ଗଡୁ ସୁବାସିତ ଜଳରେ ସ୍ନାନ କରି ଦୁର୍ଲଭ ଗଜାନନ ବେଶରେ ଦର୍ଶନ ଦେବେ ମହାପ୍ରଭୁ । ଏଥିପାଇଁ ପ୍ରାତଃ ୪ଟା ୩୦ରୁ ଶ୍ରୀମନ୍ଦିରରେ ଆରମ୍ଭ ହୋଇଛି ନୀତିକାନ୍ତି । ଗତକାଲି ଦଇତାପତି ସେବାୟତଙ୍କ ପକ୍ଷରୁ ମହାପ୍ରଭୁଙ୍କ ଶ୍ରୀଅଙ୍ଗ ସୁରକ୍ଷା ପାଇଁ ସର୍ବସାଧାରଣ ଦର୍ଶନ ବନ୍ଦ କରାଯାଇ ସେନାପଟା ଲାଗି କାର୍ଯ୍ୟ କରାଯିବା ସହ ରାତିରେ ବାହୁଟ କଣ୍ଟ ଲାଗି କାର୍ଯ୍ୟ ସମ୍ପାଦନ କରାଯାଇଥିଲା । ଏହାପରେ ଆରମ୍ଭ ହୋଇଥିଲା ସ୍ନାନ ନୀତିକାନ୍ତି । ସକାଳ ୯ଟାରେ ମଙ୍ଗଳ ଆଳତୀ, ୯ଟା ୧୫ରେ ମଇଲମ, ୯ଟା ୨୫ରେ ତଡପଲାଗି, ୯ଟା ୪୫ରେ ଅଧରପୋଛା, ୧୦ଟା ୨୦ରେ ରୋଷହୋମ, ୧୦ଟା ୩୦ରେ ସୂର୍ଯ୍ୟପୂଜା, ୧୦ଟା ୫୫ରେ ଦ୍ବାରପାଳ ପୂଜା, ୧୧ଟା ୧୦ରେ ବେଶ ଶେଷ କରାଯାଇ ଦିବା ୧୨ଟା ୨୦ରୁ ଗୋଟାଏ ୪୫ ରେ ଜଳବିଜେ କରାଯିବ । ୨ଟା ୫୦ରେ ମଇଲମ, ମେକାପ ସର୍ବାଙ୍ଗ, ନୂଆଲୁଗା ଲାଗି ହୋଇ ୩ଟା ୩୦ରେ ହେବ ଛେରା ପହଁରା । ୪ଟା ୩୦ରେ ହାତୀ ବେଶ ଅନୁଷ୍ଠିତ ହେବ । ସେହିପରି ୪ଟା ୩୦ରେ ମହନ୍ତ ଶାଢିବନ୍ଧା, ୫ଟା ୪୫ରୁ ୭ଟା ୨୦ରେ ଘଣ୍ଟଛତା ସକାଳ ଧୂପ, ସଂଧ୍ଯା ୬ଟା ୩୦ରେ ଦକ୍ଷିଣିଘର ଭୋଗ, ୭ଟା ୩୦ରୁ ୧୦ଟା ୩୦ ମଧ୍ୟରେ ସାହାଣମେଲା ଦର୍ଶନ ହେବ । ରାତି ୧୧ଟାରେ ହାତୀବେଶ ମଇଲମ, ୧୧ଟା ୧୦ରେ ପୁଷ୍ମାଞ୍ଜଳି ଓ ଡୋରଲାଗି ହୋଇ ୧୧ଟା ୩୦ରୁ ଦୁଇଟା ମଧ୍ଯରେ ହେବ ବାହୁଡ଼ା ପହଣ୍ଡି ।….
ଅଭିଯୁକ୍ତକୁ ନ ଛାଡ଼ିବାରୁ ପୋଲିସକୁ ମାଡ଼
ନନ୍ଦିଘୋଷ ବ୍ୟୁରୋ: ଅଭିଯୁକ୍ତକୁ ନ ଛାଡ଼ିବାରୁ ପୋଲିସକୁ ମାଡ଼ । କୌଣସି ଉପାନ୍ତ ଅଞ୍ଚଳ ନୁହେଁ । ଖୋଦ ରାଜଧାନୀର ଇନଫୋସିଟି ଥାନାରେ ଦେଖିବାକୁ ଏଭଳି ଅଭାବନୀୟ କାଣ୍ଡ । ଥାନାରେ କାର୍ଯ୍ୟରତ ମହିଳା ସବ-ଇନସପେକ୍ଟରଙ୍କୁ ମାଡ଼ ମାରୁଥିବା ବେଳର ଏକ୍ସକ୍ଲୁସିଭ ଭିଜୁଆଲ ଲାଗିଛି ନନ୍ଦିଘୋଷ ଟିଭି ହାତରେ । ଜଣେ ଠକଙ୍କ ଗିରଫଦାରୀକୁ ନେଇ ଅଳସୁଆ ଗାଁର କିଛି ଲୋକେ ଆଜି ମଧ୍ୟାହ୍ନରେ ଥାନା ଘେରାଉ କରିଥିଲେ । ଥାନା ଗେଟ୍ରେ ତାଲା ପକାଇଥିଲେ । ଇନଫୋସିଟି ଥାନା ସମ୍ମୁଖରେ ରାସ୍ତା ଅବରୋଧ କରି ପୋଲିସ ବିରୋଧରେ ଦେଇଥିଲେ ନାରାବାଜି । ସ୍ଥାନୀୟ ଏସିପି ଘଟଣାସ୍ଥଳରେ ପହଞ୍ଚି ବୁଝାଶୁଝା କରିଥିଲେ ମଧ୍ୟ ଶାନ୍ତ ପଡ଼ିନଥିଲେ ଉତ୍ତ୍ୟକ୍ତ ଲୋକେ । କିଛି ସମୟର ହୋହଲ୍ଲା ପରେ ଥାନା ଭିତରକୁ ସେମାନେ ଧଶେଇ ପଶିଥିଲେ । ବରିଷ୍ଠ ଅଧିକାରୀଙ୍କ ଉପସ୍ଥିତିରେ ମହିଳା ସବ-ଇନସପେକ୍ଟରଙ୍କୁ ମାଡ଼ ମାରିବା ସହ ଅଶ୍ରାବ୍ୟ ଭାଷାରେ ଗାଳିଗୁଲଜ କରିଥିଲେ । ଏପରିକି ଅଟକ ଅଭିଯୁକ୍ତଙ୍କୁ ଥାନା ଭିତରୁ ନେଇ ଯିବାକୁ ଚେଷ୍ଟା କରିଥିଲେ । ଉତ୍ତେଜନାମୂଳକ ପରିସ୍ଥିତିର ଖବର ପାଇ ଥାନା ଭିତରେ ଓ ବାହାରେ ଏକ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଛି । ସେପଟେ ଅଭିଯୁକ୍ତ ଅଜୟ ମହାନ୍ତିକୁ କୋର୍ଟ ଚାଲାଣ କରିଛି ପୋଲିସ୍ ।
ICC ହଲ୍ ଅଫ୍ ଫେମରେ ସ୍ଥାନ ପାଇବା ପରେ ଏମିତି କହିଲେ ଧୋନୀ
ନନ୍ଦିଘୋଷ ବ୍ୟୁରୋ: ICC ହଲ୍ ଅଫ୍ ଫେମରେ ସ୍ଥାନ ପାଇଛନ୍ତି ୭ ଜଣ କ୍ରିକେଟର । ଯେଉଁଥିରେ ରହିଛନ୍ତି ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ । ଟିମ ଇଣ୍ଡିଆକୁ ୨୦୦୭ ଟି-୨୦, ୨୦୧୧ ବିଶ୍ବକପ ଏବଂ ୨୦୧୩ ଚାମ୍ପିୟନ୍ସ ଟ୍ରଫିରେ ବିଜୟୀ କରିଥିବା ଅଧିନାୟକ ହେଉଛନ୍ତି ଧୋନୀ । ତାଙ୍କ ଆଇସିସି ପକ୍ଷରୁ ଏହି ସମ୍ମାନ ଦିଆଯାଉଥିବାବେଳେ ସେ ନିଜର ପ୍ରତିକ୍ରିୟା ରଖିଛନ୍ତି । ଧୋନୀ କହିଛନ୍ତି ଏହା ସମସ୍ତ ଖେଳାଳିଙ୍କ ସ୍ବପନ ଥାଏ । ମୋତେ ଆଇସିସି ପକ୍ଷରୁ ଏହି ସମ୍ମାନ ଦିଆଯାଇଥିବାରୁ ଧନ୍ୟବାଦ ।
ମହେନ୍ଦ୍ର ସିଂହ ଧୋନିଙ୍କ ବ୍ୟତୀତ ଦକ୍ଷିଣ ଆଫ୍ରିକାର କିମ୍ବଦନ୍ତୀ ଓପନର ହାସିମ ଆମଲାଙ୍କ ନାମ ମଧ୍ୟ ICC ହଲ୍ ଅଫ୍ ଫେମ୍ରେ ଅଛି। ଅଷ୍ଟ୍ରେଲିଆର ଓପନର ମାଥ୍ୟୁ ହେଡେନ୍ ମଧ୍ୟ ଏଥିରେ ସ୍ଥାନ ପାଇଛନ୍ତି। ଏକ ସମୟରେ ହେଡେନ୍ଙ୍କ ନାମରେ ଟେଷ୍ଟରେ ସବୁଠାରୁ ବଡ଼ ୩୮୦ ରନ୍ ଖେଳିବାର ରେକର୍ଡ ଥିଲା। ସର୍ବାଧିକ ଟେଷ୍ଟ ମ୍ୟାଚ୍ ଜିତିଥିବା ଅଧିନାୟକ ଗ୍ରେମ୍ ସ୍ମିଥ୍ ମଧ୍ୟ ଏଥିରେ ସାମିଲ ହୋଇଛନ୍ତି। ସ୍ମିଥ୍ ୨୨ ବର୍ଷ ବୟସରେ ଦକ୍ଷିଣ ଆଫ୍ରିକାର ଅଧିନାୟକତ୍ୱ ପାଇଥିଲେ। ଏଥିରେ ସାମିଲ ହୋଇଥିବା ପଞ୍ଚମ ଏବଂ ଶେଷ ପୁରୁଷ ଖେଳାଳି ହେଉଛନ୍ତି ନ୍ୟୁଜିଲ୍ୟାଣ୍ଡର ଡାନିଏଲ୍ ଭିଟୋରି।
NTPC ଇଏମ ପାଓ୍ବାର ଅନ୍ତଃରାଜ୍ୟ ଟି-୨୦ କ୍ରିକେଟ ଟୁର୍ଣ୍ଣାମେଣ୍ଟ : ଫାଇନାଲରେ ଆନ୍ଧ୍ରକୁ ଭେଟିବ ଓଡ଼ିଶା
ନନ୍ଦିଘୋଷ ବ୍ୟୁରୋ: ଦୃଷ୍ଟିହୀନ ମହିଳା NTPC ଇଏମ ପାଓ୍ବାର ଅନ୍ତଃରାଜ୍ୟ ଟି-୨୦ କ୍ରିକେଟ ଟୁର୍ଣ୍ଣାମେଣ୍ଟ ୨୦୨୫ ଫାଇନାଲରେ ଓଡ଼ିଶା । ଆସନ୍ତାକାଲି ଆନ୍ଧ୍ରପ୍ରଦେଶ ସହ ଫାଇନାଲରେ ହେବ ମୁକାବିଲା । ବିଶାଖାପାଟଣାମରେ ସକାଳ ୮ଟା ସମୟରେ ଏହି ମ୍ୟାଚଟି ଅନୁଷ୍ଠିତ ହେବ । ଓଡ଼ିଶା ଏବଂ ଆନ୍ଧ୍ର ଲିଗ୍ ପର୍ଯ୍ୟାୟରେ ଦିଲ୍ଲୀ ଏବଂ କେରଳକୁ ପରାସ୍ତା କରି ଫାଇନାଲରେ ପ୍ରବେଶ କରିଛନ୍ତି । ତେବେ ଆଜି ଶେଷ ଲିଗ୍ ମ୍ୟାଚରେ ଓଡ଼ିଶା ଏବଂ ଆନ୍ଧ୍ର ମଧ୍ୟରେ ଖେଳାଯାଉଥିଲା । ମାତ୍ର ବର୍ଷା ଯୋଗୁଁ ମ୍ୟାଚଟି ବାତିଲ ହୋଇଛି । ଓଡ଼ିଶା ୧୦ ଓଭରରେ ୨ ଓ୍ବିକେଟ ବିନିମୟରେ ୯୬ ରନ କରିଥିଲା । ସେପଟେ ଆନ୍ଧ୍ର ଏହାର ଜବାବରେ ବ୍ୟାଟିଂ କରୁଥିବା ସମୟରେ ବର୍ଷା ହୋଇଥିଲା । ମାତ୍ର ୨ଟି ବଲ ପଡ଼ିଥିବାବେଳେ କୌଣସି ନିଷ୍ପତ୍ତି ହୋଇନଥିଲା । ତେବେ ଉଭୟ ଦଳ ଲିଗରେ ବିଜୟୀ ହୋଇଥିବାବେଳେ ଫାଇନାଲରେ ପୁଣିଥରେ ଭେଟ ହେବେ ।

