ନିର୍ବାଚନ ଆଚରଣବିଧି ଉଲଂଘନ କରୁଛି ବିଜେପି । ନିର୍ବାଚନ ଆୟୋଗର ନିୟମ ଅନୁଯାୟୀ ଜଣେ ପ୍ରାର୍ଥୀ ପୋଷ୍ଟର ବ୍ୟାନର ପାଇଁ ୪୦ ଲକ୍ଷ ଟଙ୍କା ଖର୍ଚ କରିପାରିବେ । ହେଲେ ବିଜେପି କୋଟି କୋଟି ଟଙ୍କା ଖର୍ଚ୍ଚ କରୁଛି । ବିଜେପି ସଭାକୁ ଲୋକ ଆସୁନାହାନ୍ତି ସେମାନେ ଭିଡ କରିବାକୁ ଓଡ଼ିଶାର ବିଭିନ୍ନ ଜିଲ୍ଲାରୁ ଶହଶହ ବସରେ ଲୋକ ଆଣି ଭିଡ ଦେଖାଇଲେ । ଲୋକେ ବିଜେପି ପତାକା କାଢିକି ଫିଙ୍ଗି ଦେଇଛନ୍ତି । ନୂଆପଡ଼ାବାସୀ ବିଜେପିକୁ ସମର୍ଥନ କରୁନାହାନ୍ତି । କଂଗ୍ରେସ ପ୍ରାର୍ଥୀ ଘାସିରାମ ମାଝି ଜିତିବା ସୁନିଶ୍ଚିତ ବୋଲି ପିସିସି ସଭାପତି ଭକ୍ତ ଦାସ କହଛନ୍ତି ।
ନୂଆପଡ଼ା ଉପନିର୍ବାଚନର ମତଦାନ ପୂର୍ବରୁ ନୂଆପଡ଼ାବାସୀଙ୍କୁ ବିଜେଡି ସୁପ୍ରିମୋଙ୍କ ଭିଡିଓ ବାର୍ତ୍ତା
ନୂଆପଡ଼ା ଉପନିର୍ବାଚନ ପୂର୍ବରୁ ନୂଆପଡ଼ାବାସୀଙ୍କୁ ବିଜେଡି ସୁପ୍ରିମୋଙ୍କ ଭିଡିଓ ବାର୍ତ୍ତା। ନୂଆପଡ଼ା ନିର୍ବାଚନମଣ୍ଡଳୀବାସୀଙ୍କୁ ଜୁହାର ଜଣାଇଛନ୍ତି ନବୀନ। ନୂଆପଡ଼ା, ଖରିଆର ରୋଡ, କୋମନା ସଭାରେ ବହୁ ସଂଖ୍ୟାରେ ସେମାନେ ସାମିଲ ହୋଇଥିବାରୁ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି। ବିଜେଡି ପ୍ରାର୍ଥୀ ସ୍ନେହାଙ୍ଗିନୀ ଛୁରିଆଙ୍କୁ ବିପୁଳ ଭୋଟରେ ବିଜୟୀ କରିବା ଲାଗି ସେ ଆହ୍ବାନ ଦେଇଛନ୍ତି। ସେ କହିଛନ୍ତି- ସ୍ନେହାଙ୍ଗିନୀ ପଶ୍ଚିମ ଓଡ଼ିଶାର ଜଣେ ଟାଣୁଆ ନେତା। ସ୍ନେହାଙ୍ଗିନୀଙ୍କୁ ନୂଆପଡ଼ା ଉପନିର୍ବାଚନ ଲାଗି ମୁଁ ପ୍ରାର୍ଥୀ କରିଛି। ନୂଆପଡ଼ାରେ ରହି ସେବା କରିବା ଲାଗି ମୁଁ ତାଙ୍କୁ ନିର୍ଦ୍ଦେଶ ଦେଇଛି। ସ୍ନେହାଙ୍ଗିନୀ ସର୍ବଦା ଆପଣଙ୍କ ସୁଖ ଓ ଦୁଃଖର ସାଥୀ ହୋଇ ରହିବେ। ରାଜ୍ୟରେ ବିଜେପି ସରକାର ଆସିବା ଦିନରୁ ମାଙ୍କ ଉପରେ ଅତ୍ୟାଚାର ବଢ଼ିଚାଲିଛି। ମିଶନ ଶକ୍ତି ମାଆମାନେ ହଇରାଣ ହେଉଛନ୍ତି। ଓଡ଼ିଶାର ସୁନାମ ନଷ୍ଟ ହେଉଛି। ରାଜ୍ୟ ସରକାର ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ବନ୍ଦ କରିଦେଲେ। ଫଳରେ ରାଜ୍ୟବାସୀ ଦୁର୍ଦ୍ଦଶାର ଶିକାର ହେଉଛନ୍ତି। ରାଜ୍ୟ ସରକାର ମହିଳା ଓ ଆଦିବାସୀ ବିରୋଧୀ। ବିକାଶର ବିରୋଧୀ। ଆପଣମାନଙ୍କ ସହଯୋଗରେ ବିଜେପିର ପରାଜୟ ନୂଆପଡ଼ାରୁ ଆରମ୍ଭ ହେବ। ଆସନ୍ତା ୧୧ରେ ବିଜେଡି ପ୍ରାର୍ଥୀ ସ୍ନେହାଙ୍ଗିନୀଙ୍କୁ ଶଙ୍ଖ ଚିହ୍ନରେ ଭୋଟ ଦେଇ ଆଶୀର୍ବାଦ କରିବାକୁ ସେ ଆହ୍ବାନ ଦେଇଛନ୍ତି। ଏହା ସହ ଶେଷ ନିଃଶ୍ବାସ ଥିବା ଯାଏ ସେ ଓଡ଼ିଶା ମା ଓ ରାଜ୍ୟବାସୀଙ୍କ ସେବା କରିଚାଲିବେ ବୋଲି କହିଛନ୍ତି ବିରୋଧୀ ଦଳ ନେତା।
ONGCରେ ୨୬୨୩ ପଦ ଖାଲି: କେବଳ ସାକ୍ଷାତକାର ଆଧାରରେ ହେବ ସିଲେକ୍ସନ
ସରକାରୀ ଚାକିରି ପାଇଁ ପ୍ରସ୍ତୁତି ଚଳାଇଥିବା ଆଶାୟୀଙ୍କ ପାଇଁ ଆସିଛି ଏକ ବଡ଼ ଖବର । ଅଏଲ ଆଣ୍ଡ ନ୍ୟାଚୁରାଲ ଗ୍ୟାସ କର୍ପୋରେସନ ଲିମିଟେଡ (ONGC)ରେ ଅଢ଼େଇ ହଜାରରୁ ଅଧିକ ପଦ ପୂରଣ ପାଇଁ ବିଜ୍ଞପ୍ତି ପ୍ରକାଶ ପାଇଛି । ଆପ୍ରେଣ୍ଟିସ ପଦରେ ଏହି ନିଯୁକ୍ତି ଦିଆଯିବ । ନଭେମ୍ବର ୧୯ ତାରିଖ ଆବେଦନର ଅନ୍ତିମ ତାରିଖ ରହିଛି । ଓଏନଜିସିର ଅଫିସିଆଲ ଓ୍ବେବସାଇଟ http://ongcindia.co.in/ କୁ ଯାଇ ପ୍ରାର୍ଥୀମାନେ ଆବେଦନ କରିପାରିବେ ।
ଏହି ଭର୍ତ୍ତି ମାଧ୍ୟମରେ ମୋଟ ୨୬୨୩ଟି ପଦ ପୂରଣ କରାଯିବ । ଉତ୍ତର କ୍ଷେତ୍ରରେ ୧୬୫, ପଶ୍ଚିମ କ୍ଷେତ୍ରରେ ୮୫୬, ମୁମ୍ବାଇ ସେକ୍ଟରରେ ୫୬୯, ପୂର୍ବ କ୍ଷେତ୍ରରେ ୪୫୮, ଦକ୍ଷିଣ କ୍ଷେତ୍ରରେ ୩୨୨, କେନ୍ଦ୍ରୀୟ କ୍ଷେତ୍ରରେ ୨୫୩ଟି ପଦ ଖାଲି ରହିଛି । ଏହି ପଦ ପାଇଁ ଆବେଦନ କରିବାକୁ ହେଲେ ପ୍ରାର୍ଥୀ ଡିପ୍ଲୋମା ଟ୍ରେଡ ପାସ କରିବା ସହ ୩ ବର୍ଷୀୟା ଇଞ୍ଜିନିୟରିଂ ଡିପ୍ଲୋମା ଓ ପ୍ରାସଙ୍ଗିକ କ୍ଷେତ୍ରରେ ସ୍ନାତକ ଡିଗ୍ରୀ କରିଥିବା ଆବଶ୍ୟକ । ସର୍ବନିମ୍ନ ବୟସ ୧୮ ଓ ସର୍ବାଧିକ ବୟସ ୨୪ ବର୍ଷ ହୋଇଥିବା ଆବଶ୍ୟକ । ଏସସି / ଏସଟିଙ୍କ ପାଇଁ ସର୍ବାଧିକ ବୟସ ୨୯, ଓବିସି (ନନ-କ୍ରିମି ଲେୟର)ଙ୍କ ପାଇଁ ସର୍ବାଧିକ ବୟସ ୨୭ ବର୍ଷ, ଦିବ୍ୟାଙ୍ଗ ପାଇଁ ସର୍ବାଧିକ ୩୪ ବର୍ଷ ରହିଛି । ଏଥିରେ କୌଣସି ପରୀକ୍ଷା ହେବ ନାହିଁ । କେବଳ ଇଣ୍ଟରଭ୍ୟୁ ଆଧାରରେ ପ୍ରାର୍ଥୀଙ୍କୁ ଚୟନ କରାଯିବ । ଅଫିସିଆଲ ଓ୍ବେବସାଇଟ୍ https://nats.education.gov.in/ ବା www.apprenticeshipindia.gov.in କୁ ଯାଇ ଆବେଦନ କରିପାରିବେ ।
ବିହାରର ସଡ଼କରୁ ମିଳିଲା ବହୁସଂଖ୍ୟକ VVPAT ପର୍ଚି ! AROଙ୍କୁ ସସପେଣ୍ଡ କଲେ ନିର୍ବାଚନ ଆୟୋଗ
ବିହାର ବିଧାନସଭା ନିର୍ବାଚନ ପାଇଁ ଗତ ୬ ତାରିଖରେ ପ୍ରଥମ ପର୍ଯ୍ୟାୟ ମତଦାନ ହୋଇଥିଲା । ଆସନ୍ତା ୧୧ ତାରିଖରେ ଦ୍ବିତୀୟ ପର୍ଯ୍ୟାୟ ମତଦାନ ଗ୍ରହଣ କରାଯିବ । ଭୋଟରଙ୍କୁ ନିଜ ସପକ୍ଷକୁ ଆଣିବା ପାଇଁ ରାଜନୈତିକ ଦଳମାନେ ଜୋରଦାର ପ୍ରଚାରରେ ବ୍ୟସ୍ତ ରହିଛନ୍ତି । ତେବେ ଏହା ମଧ୍ୟରେ ଏହା ବଡ଼ ଘଟଣା ସାମ୍ନାକୁ ଆସିଛି । ସମସ୍ତୀପୁର ଜିଲ୍ଲାରେ ସରାୟରଞ୍ଜନ ବିଧାନସଭା କ୍ଷେତ୍ରର କେଏସଆର କଲେଜ ନିକଟରେ ସଡ଼କ କଡ଼ରେ ବହୁସଂଖ୍ୟକ VVPAT ପର୍ଚି ଏଣେତେଣେ ହୋଇ ପଡ଼ିଥିବା ଦେଖିବାକୁ ମିଳିଛି ।
ଏହି ଘଟଣାକୁ ନେଇ ନିର୍ବାଚନୀ ପ୍ରକ୍ରିୟା ଓ ନିର୍ବାଚନ ଆୟୋଗଙ୍କ ପାରଦର୍ଶିତା ଉପରେ ପ୍ରଶ୍ନ ଉଠାଇଛି ଆରଜେଡି । ଇଭିଏମରୁ ବାହାରୁ ଥିବା VVPAT ପର୍ଚି ମିଳିବା ନେଇ ଆରଜେଡି ପକ୍ଷରୁ ଏକ୍ସ’ରେ ପୋଷ୍ଟ କରାଯାଇଛି । କେବେ, କିପରି ଓ କାହା ଇସାରାରେ ଏହି ପର୍ଚିଗୁଡ଼ିକୁ ଫିଙ୍ଗାଯାଇଛି ? ଚୋର ଆୟୋଗ କ’ଣ ଏହାର ଜବାବ ଦେବ? ବାହାରୁ ଆସି ବିହାରରେ ଡେରା ପକାଇଥିବା ଲୋକତନ୍ତ୍ରର ଡକାୟତଙ୍କ ନିର୍ଦ୍ଦେଶରେ କ’ଣ ଏହା ହେଉଛି ?
ମୁଖ୍ୟ ନିର୍ବାଚନ କମିଶନ (ସିଇସି) ଜ୍ଞାନେଶ କୁମାର ଏହି ମାମଲାରେ କାର୍ଯ୍ୟାନୁଷ୍ଠାନ ଗ୍ରହଣ କରି ସମ୍ବନ୍ଧିତ ସହାୟକ ରିଟର୍ଣ୍ଣିଂ ଅଫିସର (ଏଆରଓ)ଙ୍କୁ ଲାପରବାହୀ ଅଭିଯୋଗରେ ନିଲମ୍ବିତ କରିଛନ୍ତି । ଏଥିସହିତ ତାଙ୍କ ବିରୋଧରେ FIR ଦାୟର କରିବାକୁ ନିର୍ଦ୍ଦେଶ ଦେଇଛନ୍ତି । ସମସ୍ତୀପୁର ଜିଲ୍ଲା ନିର୍ବାଚନ ଅଧିକାରୀ (ଜିଲ୍ଲାଧିକାରୀ)ଙ୍କୁ ଘଟଣାସ୍ଥଳକୁ ଯାଇ ଯାଞ୍ଚ କରିବାକୁ ଓ ରିପୋର୍ଟ ପ୍ରଦାନ କରିବାକୁ ନିର୍ଦ୍ଦେଶ ଦିଆଯାଇଛି ।
ଭାରତର ୨ ମୋଷ୍ଟ ୱାଣ୍ଟେଡ ଅପରାଧୀ ଆମେରିକାରେ ଗିରଫ
ନନ୍ଦିଘୋଷ ବ୍ୟୁରୋ: ଭାରତର ୨ ମୋଷ୍ଟ ୱାଣ୍ଟେଡ ଅପରାଧୀ ଆମେରିକାରେ ଗିରଫ। ଭାରତର ନିରାପତ୍ତା ସଂସ୍ଥା ଓ ହରିଆଣା ପୋଲିସର ମିଳିତ ଉଦ୍ୟମରେ ୨ ଗ୍ୟାଙ୍ଗଷ୍ଟରଙ୍କୁ ଗିରଫ କରାଯାଇଛି। ବିଦେଶ ମାଟିରେ ୨ ଜଣେ କୁଖ୍ୟାତ ଗ୍ୟାଙ୍ଗଷ୍ଟରଙ୍କୁ ଧରିବା ହରିଆଣା ପୋଲିସ ଲାଗି ଗୁରୁତ୍ବପୂର୍ଣ୍ଣ ହୋଇଛି। କପିଳ ସାଙ୍ଗବାନ ଓରଫ ନନ୍ଦୁ ଗ୍ୟାଙ୍ଗ ସହ ସମ୍ପୃକ୍ତ ଥିବା ଗ୍ୟାଙ୍ଗଷ୍ଟର ଭେଙ୍କଟେଶ ଗର୍ଗକୁ ଜର୍ଜିଆରେ ଗିରଫ କରାଯାଇଛି। ତାକୁ ପ୍ରତ୍ୟର୍ପଣ କରିବା ଲାଗି ପ୍ରକ୍ରିୟା ସକାଶେ ଜର୍ଜିଆରେ ପହଞ୍ଚିଛନ୍ତି ହରିଆଣା ପୋଲିସ ଟିମ। ଗୁରୁଗ୍ରାମରେ ବହୁଜନ ସମାଜ ପାର୍ଟି ନେତାଙ୍କୁ ହତ୍ୟା କରିବା ପରେ ସେ ଜର୍ଜିଆକୁ ଚାଲିଯାଇଥିଲା। ନନ୍ଦୁ ଗ୍ୟାଙ୍ଗ ସହ ତାର ସମ୍ପର୍କ ଥିଲା। ସେହିପରି ଲରେନ୍ସ ବିଷ୍ଣୋଇ ଗ୍ୟାଙ୍ଗ ସହ ଜଡିତ ଥିବା ଅନ୍ୟ ଜଣେ ଗ୍ୟାଙ୍ଗଷ୍ଟର ଭାନୁ ରାଣାକୁ ବି ଆମେରିକାରେ ଗିରଫ କରାଯାଇଛି। ଭାନୁର ଅପରାଧ କ୍ଷେତ୍ରର ପଞ୍ଜାବ, ହରିଆଣା, ଦିଲ୍ଲୀରେ ରହିଥିଲା। ପଞ୍ଜାବରେ ଏକ ଗ୍ରେନେଡ ଆକ୍ରମଣ ଘଟଣାରେ ଭାନୁର ହାତ ଥିଲା। ଭାରତରେ ଭାନୁର କିଛି ସହଯୋଗୀଙ୍କୁ ଗିରଫ କରାଯାଇସାରିଲାଣି।
ଟି-୨୦ ଇତିହାସରେ ଟିମ୍ ଇଣ୍ଡିଆର ୫ଟି ଲଜ୍ଜାଜନକ ପରାଜୟ !
ଟି-୨୦ ଫର୍ମାଟରେ ଟିମ୍ ଇଣ୍ଡିଆ ବହୁ ସିରିଜ୍ ଜିତିବା ସହ ଅନେକ କୀର୍ତ୍ତିମାନ ସ୍ଥାପନ କରିଛି । ଭାରତୀୟ ଦଳକୁ ଟି-୨୦ରେ ସବୁଠାରୁ ମଜବୁତ୍ ଟିମ୍ ଭାବେ ଗଣାଯାଇଥାଏ । ତେବେ ଅନେକ ସମୟରେ ଅତ୍ୟନ୍ତ ଖରାପ ପ୍ରଦର୍ଶନ ପାଇଁ ଦଳକୁ ସମାଲୋଚନାର ପାତ୍ର ହେବାକୁ ପଡ଼ିଛି । ଏଭଳି ସ୍ଥିତିରେ ଟିମ୍ ଇଣ୍ଡିଆର ୫ଟି ସବୁଠାର ଖରାପ ପ୍ରଦର୍ଶନ ବିଷୟରେ ଆସନ୍ତୁ ଜାଣିବା:-
ଭାରତ-ଅଷ୍ଟ୍ରେଲିଆ (ମେଲବର୍ଣ୍ଣ, ୨୦୦୮): ଟି-୨୦ ଇତିହାସରେ ଭାରତର ସବୁଠାରୁ କମ୍ ସ୍କୋର ହେଉଛି ୭୪ । ୨୦୦୮ ମସିହା ଫେବୃଆରୀ ୧ ତାରିଖରେ ଭାରତ ଅଷ୍ଟ୍ରେଲିଆା ବିପକ୍ଷରେ ଏହି ଖରାପ ରେକର୍ଡ କରିଥିଲା । କେବଳ ଇରଫାନ ପଠାନ ୨୬ ରନ୍ ସଂଗ୍ରହ କରିପାରିଥିଲେ । ଦଳ ୧୭.୩ ଓଭରରେ ଅଲଆଉଟ୍ ହୋଇଯାଇଥିଲା ।
ଭାରତ-ନ୍ୟୁଜିଲାଣ୍ଡ (୨୦୧୬, ନାଗପୁର): ୨୦୧୬ ପ୍ରାରମ୍ଭରେ ଭାରତର ଏଭଳି ପରାଜୟ ହେବା ନେଇ କେହି ଭାବିନଥିଲେ । ନ୍ୟୁଜିଲାଣ୍ଡ ସ୍ପିନର୍ସଙ୍କ ମୁକାବିଲା କରିନପାରି ଭାରତ ୧୮.୧ ଓଭରରେ ମାତ୍ର ୭୯ ରନରେ ଅଲଆଉଟ୍ ହୋଇଯାଇଥିଲା ।
ଭାରତ-ଶ୍ରୀଲଙ୍କା (କଲମ୍ବୋ, ୨୦୨୧): କୋଭିଡ ସମୟରେ ଖେଳାଯାଇଥିବା ଉକ୍ତ ମ୍ୟାଚରେ ଭାରତର କିଛି ଖେଳାଳି ଆଇସୋଲେସନରେ ଥିଲେ । ଭାରତର ୨୦ ଓଭରରେ ମାତ୍ର ୮୧ ରନ୍ ସଂଗ୍ରହ କରିପାରିଥିଲା ।
ଭାରତ-ଦକ୍ଷିଣ ଆଫ୍ରିକା (କଟକ, ୨୦୧୫): କଟକରେ ୨୦୧୫ରେ ଖେଳାଯାଇଥିବା ମ୍ୟାଚରେ ଭାରତୀୟ ବ୍ୟାଟ୍ସମ୍ୟାନମାନେ ଫ୍ଲପ୍ ହୋଇଥିଲେ । ଦକ୍ଷିଣ ଆଫ୍ରିକାର ପେସରଙ୍କୁ ସାମ୍ନା କରିନପାରି ଭାରତ ୧୭.୨ ଓଭରରେ ୯୨ ରନରେ ଅଲଆଉଟ୍ ହୋଇଯାଇଥିଲା ।
ଭାରତ-ଶ୍ରୀଲଙ୍କା (ପୁଣେ, ୨୦୧୬): ୨୦୧୬ରେ ଖେଳାଯାଇଥିବା ଉକ୍ତ ମ୍ୟାଚରେ ଭାରତ ୧୮.୫ ଓଭରରେ ୧୦୧ ରନରେ ଅଲଆଉଟ୍ ହୋଇଯାଇଥିଲା ।
ତେଜ ପ୍ରତାପ ଓ ତେଜସ୍ୱୀଙ୍କ ମଧ୍ୟରୁ କାହାକୁ କେନ୍ଦ୍ର ଦେଇଛି ଅଧିକ ସୁରକ୍ଷା ?
ନୂଆଦିଲ୍ଲୀ : ବିହାର ନିର୍ବାଚନ ମଧ୍ୟରେ କେନ୍ଦ୍ର ଗୃହ ମନ୍ତ୍ରଣାଳୟ ତେଜ ପ୍ରତାପ ଯାଦବଙ୍କୁ ୱାଇ ପ୍ଲସ୍ ଶ୍ରେଣୀର ସୁରକ୍ଷା ପ୍ରଦାନ କରିଛି। ଏବେ ତାଙ୍କ ସୁରକ୍ଷାର ଦାୟିତ୍ୱ ସିଆରପିଏଫର ୧୧ ଜଣ ଯବାନଙ୍କ ହାତରେ ରହିବ। ନିକଟରେ ସୁରକ୍ଷା ଏଜେନ୍ସିଗୁଡ଼ିକର ରିପୋର୍ଟ ଆଧାରରେ ଏହି ନିଷ୍ପତ୍ତି ନିଆଯାଇଛି। ଏହା ପୂର୍ବରୁ ଆରଜେଡି ନେତା ତେଜସ୍ୱୀ ଯାଦବଙ୍କୁ ଅଗଷ୍ଟରେ ଜେଡ୍ ଶ୍ରେଣୀର ସୁରକ୍ଷା ଦିଆଯାଇଥିଲା
ଜାଣନ୍ତୁ ଦୁଇ ଭାଇଙ୍କ ମଧ୍ୟରେ କାହାର ସିକ୍ୟୁରିଟି ଅଧିକ ଟାଇଟ୍?
ସୂଚନା ଅନୁଯାୟୀ, ସୁରକ୍ଷା ଏଜେନ୍ସିଗୁଡ଼ିକ ନିକଟରେ ତେଜ ପ୍ରତାପଙ୍କ ସୁରକ୍ଷା ସମ୍ବନ୍ଧୀୟ ରିପୋର୍ଟ ଗୃହ ମନ୍ତ୍ରଣାଳୟକୁ ପ୍ରଦାନ କରିଥିଲେ। ଯାହା ପରେ ଗୃହ ମନ୍ତ୍ରଣାଳୟ ତାଙ୍କ ସୁରକ୍ଷା ବଢ଼ାଇବାର ନିର୍ଦ୍ଦେଶ ଦେଇଛନ୍ତି।
ୱାଇ ପ୍ଲସ୍ (ୱାଇ+) ସୁରକ୍ଷା ବ୍ୟବସ୍ଥା କ’ଣ?
ୱାଇ ପ୍ଲସ୍ ଶ୍ରେଣୀ ଭାରତରେ ଦିଆଯାଉଥିବା ଏକ ଗୁରୁତ୍ୱପୂର୍ଣ୍ଣ ସୁରକ୍ଷା ବ୍ୟବସ୍ଥା ଅଟେ, ଯାହା ଅନ୍ତର୍ଗତରେ ଜଣେ ବ୍ୟକ୍ତିଙ୍କୁ ନିମ୍ନଲିଖିତ ସୁରକ୍ଷା ମିଳିଥାଏ ।
ମୋଟ ସୁରକ୍ଷାକର୍ମୀ: ଏହି ଶ୍ରେଣୀରେ ୧୧ ଜଣ ସୁରକ୍ଷାକର୍ମୀ ନିୟୋଜିତ ହୋଇଥାଆନ୍ତି।
ସୁରକ୍ଷା ଦଳ: ଏହି ୧୧ ସଦସ୍ୟ ବିଶିଷ୍ଟ ଦଳରେ , ଜଣେ କିମ୍ବା ୨ ଜଣ ଏନ୍ଏସଜି (ନ୍ୟାଶନାଲ୍ ସିକ୍ୟୁରିଟି ଗାର୍ଡ) କମାଣ୍ଡୋ କିମ୍ବା ସେମାନଙ୍କ ସମକକ୍ଷ ସିଆରପିଏଫ୍/ସିଆଇଏସ୍ଏଫର ପ୍ରଶିକ୍ଷିତ କମାଣ୍ଡୋ ରହିଥାନ୍ତି।
୪ରୁ ୫ ଜଣ ସଶସ୍ତ୍ର ପୋଲିସ କର୍ମୀ (ଷ୍ଟେଟ୍ ପୁଲିସ୍ କିମ୍ବା ସିଆରପିଏଫ୍) ଷ୍ଟାଟିକ୍ ଗାର୍ଡ ରୂପେ ବାସଭବନରେ ନିୟୋଜିତ ରହିଥାଆନ୍ତି।
୪ରୁ ୫ ଜଣ ସଶସ୍ତ୍ର ସୁରକ୍ଷାକର୍ମୀ (ଏସ୍କର୍ଟ ଏବଂ ପର୍ସନାଲ୍ ସିକ୍ୟୁରିଟି ଅଫିସର୍ସ) ଶିଫ୍ଟରେ ନିୟୋଜିତ ରହିଥାଆନ୍ତି।
କଭରେଜ୍: ଏହି ସୁରକ୍ଷା ୨୪ ଘଣ୍ଟା ପ୍ରଦାନ କରାଯାଏ।
ପ୍ରଦାନକର୍ତ୍ତା: ଏହି ସୁରକ୍ଷା ମୁଖ୍ୟତଃ କେନ୍ଦ୍ରୀୟ ଗୃହ ମନ୍ତ୍ରଣାଳୟ ଦ୍ୱାରା ଇଣ୍ଟେଲିଜେନ୍ସ ବ୍ୟୁରୋ (ଆଇବି) ଏବଂ ର’(ରିସର୍ଚ୍ଚ ଆଣ୍ଡ୍ ଆନାଲିସିସ୍ ୱିଙ୍ଗ) ବିପଦ ଆଶଙ୍କା ରିପୋର୍ଟ ଆଧାରରେ ଦିଆଯାଏ।
ନିର୍ବାଚନ ପୂର୍ବରୁ ତେଜସ୍ୱୀଙ୍କୁ ଜେଡ୍ ଶ୍ରେଣୀର ସୁରକ୍ଷା
ଜାଣି ରଖନ୍ତୁ ଯେ ବିହାର ବିଧାନସଭା ନିର୍ବାଚନ ପୂର୍ବରୁ ଅଗଷ୍ଟରେ ରାଜ୍ୟ ସରକାର ଛଅ ଜଣ ପ୍ରମୁଖ ନେତାଙ୍କ ସୁରକ୍ଷା ବ୍ୟବସ୍ଥାରେ ପରିବର୍ତ୍ତନ କରିଥିଲେ। ସେହିପରି ଆରଜେଡି ନେତା ବିହାରରେ ନେତା ପ୍ରତିପକ୍ଷ ତେଜସ୍ୱୀ ଯାଦବଙ୍କ ସୁରକ୍ଷା ବଢ଼ାଇ ଦିଆଯାଇଛି। ଏହି ବର୍ଷ ଅଗଷ୍ଟରେ ତେଜସ୍ୱୀଙ୍କୁ ଜେଡ୍ ଶ୍ରେଣୀର ସୁରକ୍ଷା ଦିଆଯାଇଛି।
ଜେଡ୍ ସୁରକ୍ଷା କ’ଣ?
ଜେଡ୍ ସୁରକ୍ଷା ଶ୍ରେଣୀ ଭାରତରେ ଦିଆଯାଉଥିବା ତୃତୀୟ ସର୍ବୋଚ୍ଚ ସୁରକ୍ଷା ବ୍ୟବସ୍ଥା ଅଟେ (ଏହା ଏସପିଜି ଏବଂ ଜେଡ୍+ ପରେ ଆସେ)। ଏହି ବ୍ୟବସ୍ଥା ସେହି ବ୍ୟକ୍ତିମାନଙ୍କୁ ପ୍ରଦାନ କରାଯାଏ ଯାହାଙ୍କ ଜୀବନକୁ ଅଧିକ ବିପଦ ଥାଏ।
ସୁରକ୍ଷା ବଳ ଏବଂ ନିୟୋଜନ
ମୋଟ ସୁରକ୍ଷାକର୍ମୀ: ଏହି ଶ୍ରେଣୀରେ ୨୨ ଜଣ ସୁରକ୍ଷାକର୍ମୀ ନିୟୋଜିତ ହୋଇଥାଆନ୍ତି।
କମାଣ୍ଡୋ: ଏହି ଦଳରେ ୪ରୁ ୬ ଜଣ ପ୍ରଶିକ୍ଷିତ ଏନ୍ଏସଜି (ନ୍ୟାଶନାଲ୍ ସିକ୍ୟୁରିଟି ଗାର୍ଡ) କମାଣ୍ଡୋ କିମ୍ବା ସେମାନଙ୍କ ସମକକ୍ଷ ସିଆରପିଏଫ୍/ସିଆଇଏସ୍ଏଫ୍ କମାଣ୍ଡୋ ଅନ୍ତର୍ଭୁକ୍ତ ହୋଇଥାଆନ୍ତି।
ପୁଲିସ୍କର୍ମୀ: ବାକି ସୁରକ୍ଷାକର୍ମୀ ରାଜ୍ୟ ପୁଲିସ୍ ଏବଂ ସିଆର୍ପିଏଫର ହୋଇଥାଆନ୍ତି।
ସୁରକ୍ଷା ଘେରା: ସୁରକ୍ଷାକର୍ମୀମାନଙ୍କୁ ଦୁଇ ପାଳିରେ ୨୪ ଘଣ୍ଟା ନିୟୋଜିତ କରାଯାଏ।
ବାସଭବନରେ ନିୟୋଜନ: କିଛି ସୁରକ୍ଷାକର୍ମୀ ବ୍ୟକ୍ତିଙ୍କ ବାସଭବନରେ ଷ୍ଟାଟିକ୍ ଗାର୍ଡ ରୂପେ ନିୟୋଜିତ ରହିଥାଆନ୍ତି।
ଏସ୍କର୍ଟ ଏବଂ ପିଏସ୍ଓ: ଅନ୍ୟ ସୁରକ୍ଷାକର୍ମୀ ପର୍ସନାଲ୍ ସିକ୍ୟୁରିଟି ଅଫିସର୍ (ପିଏସ୍ଓ) ଏବଂ ଏସ୍କର୍ଟ ଟିମ୍ ରୂପେ ବ୍ୟକ୍ତିଙ୍କ ଯାତ୍ରା ସମୟରେ ସେମାନଙ୍କ ସହିତ ରହିଥାଆନ୍ତି।
ପ୍ରମୁଖ ବିଶେଷତାଗୁଡ଼ିକ
ଏହି ସୁରକ୍ଷା ବ୍ୟବସ୍ଥା ଇଣ୍ଟେଲିଜେନ୍ସ ବ୍ୟୁରୋ (ଆଇବି) ଏବଂ ର(ଆରଏଡବ୍ଲୁ) ଭଳି ଏଜେନ୍ସିଗୁଡ଼ିକ ଦ୍ୱାରା ଦିଆଯାଇଥିବା ଥ୍ରେଟ୍ ପର୍ସେପ୍ସନ୍ ରିପୋର୍ଟ ଆଧାରରେ ନିର୍ଧାରିତ ହୋଇଥାଏ।
ଏହି ସୁରକ୍ଷା କେନ୍ଦ୍ର ସରକାର ଦ୍ୱାରା ଭିଭିଆଇପି, ଭିଆଇପି, ରାଜନେତା, ଖେଳାଳି କିମ୍ବା କଳାକାର ଭଳି ପ୍ରମୁଖ ବ୍ୟକ୍ତିମାନଙ୍କୁ ପ୍ରଦାନ କରାଯାଏ।
ଭୋଟ ଚୋରିକୁ ନେଇ ବିରୋଧୀ ଦଳ ନେତା ରାହୁଲ ଗାନ୍ଧିଙ୍କ ପୁଣି ଟାର୍ଗେଟ
ନନ୍ଦିଘୋଷ ବ୍ୟୁରୋ: ଭୋଟ ଚୋରିକୁ ନେଇ ବିରୋଧୀ ଦଳ ନେତା ରାହୁଲ ଗାନ୍ଧିଙ୍କ ପୁଣି ଟାର୍ଗେଟ। ଭାରତୀୟ ନିର୍ବାଚନ କମିଶନଙ୍କୁ ସମାଲୋଚନା କରିଛନ୍ତି କଂଗ୍ରେସ ସାଂସଦ ରାହୁଲ ଗାନ୍ଧି। କହିଛନ୍ତି ଭୋଟ ଚୋରିକୁ ଲୁଚାଇବାକୁ କରାଯାଉଛି ଭୋଟର ସଂଶୋଧନ ପ୍ରକ୍ରିୟା SIR। ମଧ୍ୟପ୍ରଦେଶ, ମହାରାଷ୍ଟ୍ର ଓ ଛତିଶଗଡ଼ରେ ମଧ୍ୟ ହୋଇଛି ଭୋଟ ଚୋରି। ଆଉ ଭୋଟ ଚୋରିକୁ ବୈଧ ସାବ୍ୟସ୍ତ କରିବାକୁ ଏହି SIR କରାଯାଉଛି ବୋଲି କହିଛନ୍ତି ରାହୁଲ। ଗଣତନ୍ତ୍ର ଓ ସମ୍ବିଧାନ ଉପରେ ହେଉଛି ଆକ୍ରମଣ। କଂଗ୍ରେସର ମୁଖ୍ୟ ପ୍ରସଙ୍ଗ ହେଉଛି ଭୋଟ ଚୋରି। ଏହାକୁ ନେଇ ଆହୁରି ଅନେକ ପ୍ରମାଣ ଅଛି। ଯାହାକୁ ଧିରେ ଧିରେ ପ୍ରଦାନ କରିବୁ ବୋଲି କହିଛନ୍ତି ରାହୁଲ। ଗଣତନ୍ତ୍ର ଉପରେ ଆକ୍ରମଣ ହେଉଛି। ଆମ୍ବେଦକରଙ୍କ ସମ୍ବିଧାନ ଉପରେ ମଧ୍ୟ ଆକ୍ରମଣ ହେଉଛି। ଏହା ଯୋଗୁଁ ଦେଶ ବହୁତ କ୍ଷତି ପାଉଛି। ଭାରତ ମାତାଙ୍କୁ କ୍ଷତି ପହଞ୍ଚୁଛି ବୋଲି କହିଛନ୍ତି ରାହୁଲ।ମଧ୍ୟପ୍ରଦେଶ ପଞ୍ଚମାଢିରେ କଂଗ୍ରେସ ସଭାପତିଙ୍କ ତାଲିମ ଶିବିରରେ ଅଂଶଗ୍ରହଣ କରିବା ଅବସରରେ ଗଣମାଧ୍ୟମକୁ ପ୍ରତିକ୍ରିୟା ରଖି ଏହା କହିଛନ୍ତି ରାହୁଲ। ନିର୍ବାଚନ କମିଶନଙ୍କ ଭୋଟର ତାଲିକାର ସ୍ୱତନ୍ତ୍ର ସଂଶୋଧନ ନେଇ SIR ପ୍ରକ୍ରିୟା ଗତ ୪ ତାରିଖରେ ନଅଟି ରାଜ୍ୟ ଏବଂ ତିନୋଟି କେନ୍ଦ୍ରଶାସିତ ଅଞ୍ଚଳରେ ଆରମ୍ଭ ହୋଇଛି
ଟି-୨୦ରେ କେଉଁ ପୋଜିସନରେ ଖେଳିବେ ସଞ୍ଜୁ ? ଗିଲଙ୍କ ପାଇଁ ବିଗିଡ଼ି ଯାଉଛି ଟିମ୍ ଇଣ୍ଡିଆର ସନ୍ତୁଳନ
ଭାରତୀୟ ଟିମ୍ ଅଷ୍ଟ୍ରେଲିଆ ବିପକ୍ଷରେ ଟି-୨୦ ସିରିଜରେ ବିଜୟ ହାସଲ କରିଛି । ମାତ୍ର ଟିମର କମ୍ବିନେସନ ଏବେ ବି ପରଫେକ୍ଟ ନଜର ଆସୁନାହିଁ । ଟି-୨୦ ବିଶ୍ବକପ ୨-୨୬ରେ ଭାରତୀୟ ଟିମର ଫାଷ୍ଟ ଚଏସ ଓ୍ବିକେଟ କିପର କିଏ ହେବ, ତାହା ସ୍ଥିର ହୋଇନାହିଁ । କଙ୍ଗାରୁ ବିପକ୍ଷରେ ଟି-୨୦ ସିରଜ ପୂର୍ବରୁ ଦୁଇଟି ମ୍ୟାଚରେ ସଞ୍ଜୁ ସାମସନ ପ୍ଲେଇଂ-୧୧ରେ ସ୍ଥାନ ପାଇଥିଲେ । କାନବେରା ଟି-୨୦ରେ ବର୍ଷା କାରଣରୁ ସଞ୍ଜୁ ବ୍ୟାଟିଂ କରିବାକୁ ଆସିନଥିଲେ । ତା’ପରେ ମେଲବର୍ଣ୍ଣରେ ସଞ୍ଜୁ ୩ୟ ସ୍ଥାନରେ ଆସି ୨ ରନ୍ କରିପାରିଥିଲେ । ତା’ପରେ ସଞ୍ଜୁଙ୍କ ପ୍ଲେଇଂ-୧୧ରୁ ଛୁଟି ହୋଇଯାଇଥିଲା । ଶେଷ ତିନୋଟି ଟି-୨୦ ମ୍ୟାଚରେ ଜିତେଶ ଶର୍ମା ପ୍ଲେଇଂ-୧୧ରେ ସ୍ଥାନ ପାଇଥିଲେ । ସେ ୫ମ, ୬ଷ୍ଠ ଓ ୭ମ ସ୍ଥାନରେ ଆସି ବ୍ୟାଟିଂ କରିଥିଲେ । ହୋବାର୍ଟ ଟି-୨୦ରେ ଜିତେଶ ଅପରାଜିତ ୨୨ ରନ୍ ସଂଗ୍ରହ କରିଥିବା ବେଳେ ଗୋଲ୍ଡ କୋଷ୍ଟରେ କେବଳ ୩ ରନ୍ ଯୋଡ଼ି ପାରିଥିଲେ ।
ଏସିଆ କପ ପୂର୍ବରୁ ସଞ୍ଜୁଙ୍କ ଅନ୍ତର୍ଜାତୀୟ ଟି-୨୦ କ୍ୟାରିୟର ଶାନଦାର ରହିଥିଲା । ସେ ଗତବର୍ଷ ଓପନିଂ କରି ଟି-୨୦ରେ ୨ଟି ଶତକ ମାରିଥିଲେ । ଦକ୍ଷିଣ ଆଫ୍ରିକା ବିପକ୍ଷରେ ୨ଟି ଓ ବାଂଲାଦେଶ ବିପକ୍ଷରେ ଗୋଟିଏ ଶତକ ମାରିଥିଲେ ଏବେ ମିଡିଲ୍ ଅର୍ଡରରେ ଭାରତୀୟ ଟିମ୍ ମ୍ୟାନେଜମେଣ୍ଟ ତାଙ୍କ ଉପରେ ଭରସା କରୁନଥିବା ଦେଖାଯାଉଛି । ସଞ୍ଜୁ ଭାରତ ପାଇଁ ୫୧ଟି ଟି-୨୦ ଖେଳି ୨୫.୫୧ ହାରରେ ୯୯୫ ରନ୍ ସଂଗ୍ରହ କରିଛନ୍ତି । ସେଥିମଧ୍ୟରେ ୩ଟି ଶତକ ଓ ୩ଟି ଅର୍ଦ୍ଧଶତକ ରହିଛି । ଓପନିଂରେ ସେ ଭଲ କରିଥିବା ବେଳେ ମିଡିଲ ଅର୍ଡରରେ ଫ୍ଲପ ହେଉଛନ୍ତି । ଏସିଆ କପ ୨୦୨୫ରେ ଯେତେବେଳେ ଶୁଭମନ ଗିଲ ଟି-୨୦କୁ ଫେରିଥିଲେ, ସେହି ସମୟରେ ସଞ୍ଜୁଙ୍କ ଠାରୁ ଓପନିଂ ପୋଜିସନ କାଢ଼ି ନିଆଯାଇଥିଲା । ଏସିଆ କପରେ ଗିଲ ଓ ଅଭିଷେକ ଶର୍ମା ଓପନିଂ କରିଥିଲେ । ଗିଲ ଟେଷ୍ଟ ଓ ଦିନିକିଆରେ ଅଧିନାୟକ ନିଯୁକ୍ତ ହୋଇଥିବା ବେଳେ ଟି-୨୦ରେ ଉପଅଧିନାୟକ ହୋଇଛନ୍ତି । ମାତ୍ର ଟି-୨୦ରେ ଗିଲ ଭଲ ପ୍ରଦର୍ଶନ କରିନଥିଲେ । ଗିଲ ୧୨ଟି ଟି-୨୦ରେ ୨୮.୭୭ ହାରରେ ୨୫୯ ରନ୍ କରିଥିଲେ । ଦେଖିବାକୁ ଗଲେ, ଗିଲଙ୍କୁ ଆଡଜଷ୍ଟ କରିବା ଚକ୍କରରେ ଭାରତୀୟ ଟିମର ସନ୍ତୁଳନ ବିଗିଡ଼ି ଯାଉଛି । ଏସିଆ କପରେ ଗିଲଙ୍କ ଅପେକ୍ଷା ସଞ୍ଜୁଙ୍କ ପ୍ରଦର୍ଶନ ଭଲ ରହିଥିଲା ।
ବିହାର ବିଧାନସଭାରେ କିଏ ମାରିବେ ବାଜି ?
ନନ୍ଦିଘୋଷ ବ୍ୟୁରୋ: ବିହାର ବିଧାନସଭାରେ କିଏ ମାରିବେ ବାଜି। ପ୍ରଥମ ପର୍ଯ୍ଯାୟ ନିର୍ବାଚନ ପରଠାରୁ ଜାରି ରହିଛି ଚର୍ଚ୍ଚା। ପ୍ରତି ଦଳ ଦାବି କରୁଛନ୍ତି ସେମାନେ ଲାଭ କରିବେ ସଂଖ୍ଯା ଗରିଷ୍ଠତା। ସେପଟେ ବିହାରରେ ୬୫ ଦଶମିକ ୦୮ ପ୍ରତିଶତ ମତଦାନ ହୋଇଛି ବୋଲି କହିଛନ୍ତି ନିର୍ବାଚନ କମିଶନ। ସମସ୍ତ ତଥ୍ୟକୁ ଆଧାର କରି ଏହା ଦର୍ଶାଇଛନ୍ତି ଇସି। ଚଳିତ ନିର୍ବାଚନରେ ସର୍ବାଧିକ ମତଦାନ ହୋଇଥିବାରୁ ଏନଡିଓ ଓ ମହାଗଠବନ୍ଧନ ପଡିଛନ୍ତି ଦ୍ବନ୍ଦ୍ବରେ। ପ୍ରଥମ ପର୍ଯ୍ୟାୟରେ ୧୮ ଜିଲ୍ଲାର ୧୨୧ ଆସନରେ ୧ ହଜାର ୩୧୪ ପ୍ରାର୍ଥୀ କରିଥିଲେ ଭାଗ୍ୟ ପରୀକ୍ଷା। ୧୮ଟି ଜିଲ୍ଲାର ୧୨୧ ନିର୍ବାଚନମଣ୍ଡଳୀର ହୋଇଥିଲା ମତଦାନ। ଦ୍ବିତୀୟ ପର୍ଯ୍ୟାୟ ନିର୍ବାଚନ ହେବ ନଭେମ୍ବର ୧୧ରେ। ଫଳ ପ୍ରକାଶ ପାଇବ ନଭେମ୍ବର ୧୪ରେ।